高山劇場
有意冇意之間走o左去睇嘉士伯初賽, 當中有悶場o既, 有精彩o既, 有搞笑o既, 總之各式其色,包羅萬有, 而今次各 Band 揀歌o既路線亦都各有不同, 大路o既有"依不得你", "我的天我的歌", "未完的小說",懷舊o既有"小生怕怕", "半斤八兩", 正常o既有 Pink Floyd o既歌......不過我諗全場最頂癮o既都係o個一句"傻仔o黎o架"......簡直轟動呀!! 不過似乎o個位 Vocal 小姐應該去參加新秀, 唔應該o黎夾 band !!
o係度亦都好想話俾一o的夾o左 Band 一排, 出 show 都已經有少少睇頭o既朋友, 只要你隊 Band 並不常甩 key、少走音、組織尚算緊密的話, 大膽o的走去參加比賽啦, 因為比你玩得差o既朋友大有人在, 話唔定一個唔該俾你入埋決賽o忝!! 可能要有獎過手就要等o下, 不過都叫做得到經驗嘛!! 我唔信再過多三、五、七年之後, 你都一事無成!! (不過話分兩頭, 千祈唔好俾我o的甜言蜜語 lum 到咁開心, 你有姿勢有實際o者, 但社會黑暗呀!!...... 獎呢o的o野...好難講o既!! )
全場心聲: 當日o既冷氣大到好似唔駛錢咁, 我見到坐o係我隔離o既壯男都凍到縮埋一舊, 簡直覺得自己似停屍房o個o的死屍, 又或者係凍肉舖一條條掛o係度o既紅腸!!
P.S: 雖然我玩o既樂器就不算好出色, 更加可以稱為差勁...... 不過作為一個觀眾...點都可以出o下聲...講o下o野o掛!!!
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>