Motion 3 群band拱照劉以達 24/1/99
Art Center
講今晚個show之前, 想同各位分享o下少少場外經歷……
有睇我寫"作者小傳"o既朋友都知道我o係聖誕過後唔見o左銀包, 當中除visa、身份證之外, 連今次motion 3 o既飛都唔見埋, 本來同朋友商量過等佢o地入o左場之後再"羅"飛尾俾我入, 幸好朋友Li無聊之下幫我打電話去售票網問, 原來只要我用visa簽o卡的話, 就可以check番並且補番張飛俾我入場, 所以在此提醒o下大家, 無論買咩飛都碌下o卡就實無死啦, 唔見o左飛都唔駛諗埋o的屎橋偷入場嘛!! 每逢有親強哥o既show, 小妹就會輪為攝記及錄音大師…嘩! 仲要指定20張強哥, 其他就是但…
假如大家認到小妹又見到小妹不停影強哥o既時候, 請別誤會…我有苦衷的… 有幸同強哥食過下飯咁啦…發覺其電眼確犀利無比…好彩唔係好過電咋…如不是喎…嘩!…點止20張…48 o忝呀!!! 講番個show啦…Survivor佢o地唔知係咪少出show好得閒呢, 冇見一排肥o左又多o左過人喎!!
仲有呀Timmy又電o左過麥當勞叔叔頭兼留埋鬚o忝, 幸好冇將o的頭髮染埋紅色咋, 唔係呀…差o的忍唔住要走上台問佢"羅"史諾比公仔o忝……前幾年長長頭髮格仔衫咪幾好囉, 仲乜要搞到自己好似飽歷風霜成個佬格出晒o黎o者… 雖則寶貝小豬o麥家o下就好興o者, 亞Ben、亞信、亞祥又唔駛專登搞到自己o既身型似晒佢o地喎…雖則講過話樣呢家o野就唔係太重要, 之但係又唔好搞到好似中年發福先得o家!!!! 好啦!講正經! 嘩! 首"馬路天使"唱第二句咋, 我同我個friend都互望o左一下, 大家不約而同都覺得亞Ben把聲好似黃耀明, 不過似還似, 亞Ben似極都保留番自己o既style, 難得難得!! 除o左"馬路天使"之外, 我就好鍾意出第三個隻歌, o的旋律好鬼吸引誘人, 仲之音樂底就最吸引我啦…加埋亞Ben啦喎, 唔駛講都知正啦… 都唔明點解我鍾意o既band都咁愛亞拉伯數目4字, 次次都孤寒到死, 今次Survivor又淨係玩4首歌啦……當憐憫o下得唔得o者? 睇劉以達o既表演, 就算佢唔出聲沉默唔講o野, 淨係單睇樣都想笑啦, 差點兒以為自己走錯入o左戲院睇緊”群band拱照賀歲片”o忝!! 亞達 & friends o既班底好強勁呀…不過個女仔就好似格格不入咁…當晚o既演出各人都玩得好夾, Seasons一手經典結他聲…好feel…亞Timmy o既bass…技巧純熟, 仲加o左o的花巧o野上去o忝, 最high都莫過於亞達似識非識似懂非懂玩o既一段二胡, 佢玩得high之餘我都聽得好鬼high…..!!! 睇o個o的玩gothic o既band o除o左聽覺享受之外, 眼福都享不淺o忝…當晚Narcosis一身黑衫黑褲o既打扮…簡直型到死…等等...會繼續的...
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>