Band 時間再一激              25/9/98

香港紅磡體育館

 

幾日已o黎不論食飯、行街、傾計、搭車, 所有不同不同o既場合都會討論番當晚被 cut show 刻骨銘心一幕, 想唔提起自自然然又講番起, 想唔去理會自自然然又會走去 newsgroup 睇下有冇新進展, 可想而知, o左今日為止我都依然激動、依然憤怒、依然放唔開……

本來已經決定唔加入 newsgroup o既戰團, 要講o既有人講o, 要鬧o既有人鬧o, 一切都過去, 不過實在太多人問我你幾時寫好 show 後感, 等緊你呀!", 大家又似乎太俾面太睇得起我, 我都只不過係無名小卒一名, 睇完之後咪當到此一遊算囉……

請嘗試一o下平心而論, 在場每一個人都有錯有對, 工作人員每一個都有佢oo既難處、有佢oo既職責, o下公平oo黎睇, 你會知我講緊咩……

Q冇錯, 只係盡忠職守!!

場館冇錯, 只係太"愛護"o!!

o地冇錯, 只係發表自己言論!!

亞威冇錯, 只係講出佢自己意見!!

商台冇錯, 只係迫不得意!!

N.T冇錯, 只係佢o地有自己一套文化!!

我眼見o的觀眾已經開始乖乖o地返埋位, 點解唔可以俾多次機會? 點解連 Final warning 都冇, cut cut? 點解冇一個人出o黎交代一聲, 只係草草了事, 播一段不知所謂o既聲帶o黎迫我o地走? 你叫我o地點服呀? 本來 band 仔唔係咁野蠻、咁唔講道理, Band仔都知道如果破壞o野會有不良後果, 以後冇人會再肯借場出o黎搞 band show , 不過就係因為唔服 (在我立場o黎講,我唔認同破壞係等於正確), 條氣頂住o, 作出破壞係即時表現對制度不滿!!! 我諗我o地自己好清楚知道自己做緊咩, 就算有傷有死我o地都唔會怪其他人, 自己做事自己負責, o地亦都清楚知道自己處身於一個安全情況下睇 show 享受show , 只不過係其他外人唔明! 聽音樂係需要movement, 大家都只不過興之所至o!!

但係 band 仔又係唔抵幫, o地亦都唔係一定o岩晒, 破壞o野可以理解, 但唔代表正確, 點解要咁嚴重 cut show 亦可理解, 在場不斷有人食草、不斷有人為小事而嘈交, 就連我自己都說服唔到自己, o的觀眾仍然係清醒、仍然理智, 咁又點可以說服場館o既人呢?

再加上紅館根本就唔係一個適當o既場地搞 band show......企係度o show 雖然"支"o, 不過可以麻煩少o的、自由o的、混亂少o......

可能你會覺得我冇態度、冇原則, o個個又o岩呢個又冇錯, 兩頭蛇冇主見, 但係我只係講出我自己o既體法, 你絕對可以唔認同、可以不理會!!!

最後我自私同不理性地作出回應:

我絕對唔贊成 cut show , 搞得出呢個 show 就預o左有當晚o既場面發生, 又唔係第一次搞, 絕對冇得原諒!! 明白商台有佢oo既苦衷, 但明白不表示接納!!

講真我平日都唔習慣多講粗口, 不過當晚就係一生已o黎講多最多o既一晚

講到底, 最終都只不過因為這裡容納不到我o地喜愛o既音樂!!

今次我o地搞衰晒自己個名, 雖則我o地自己會受番, 唔會怨天怨地, 但下次再想搞 show 都知道會難過登天, 如果可以的話, 我在此特別呼籲一下: 如果連自己友都內鬨, 呢個 band 就一定冇得救, 小學生都知團結就是力量啦, 小小事咪忍讓下囉, o黎睇 show o黎尋開心o, 搞出咁多事咪得個煩字!!

仲有, o press 真係簡直不知所謂, 一味就只係得負面報導, 請問佢o地有冇了解箇中原因……???

P.S: 每個人都有不同o既宗旨、不同o既體法、不同o既思想, 即使其他人不認同, 不贊成, 但請繼續堅持、繼續尊重自己認為正確o既態度、正確o既原則, 假如你連最基本聽 band sound o既條件都冇, 人云亦云的話, 請你盡早離場, 這裡不歡迎你!!

似乎講得太多驚心動魄o既一幕, 反而忽略o左美味主菜o..o..o..o黎重溫當晚精彩一翼

Tat Flip--oo的人已經癲癲o地玩到好鬼 high , 加上幾個成員都年青力壯人氣急升, 跳起上o黎就特別醒神, 同場加影 NT + Screw 一字排開跳躍陣勢, 個場都開始慶到接近 100 boiling point , 可惜興奮狀態只能維持短暫時間, 都係返埋位排排坐等轉機啦!!

Elf Fatima--Bass手演出未免誇張oo, 不過手 bass 又彈得不錯! 主音唱功似乎不及錄音好, 緊張兼騰雞明顯比以前狂野奔放較遜色......

Charisma--唔知鼓妹係咪有好友鼓佬傳授一招半式, 鼓打得穩紮及準成o, 而亞焜演繹壞血放棄採用 effect , 另一種新嘗試, 另一份新鮮感!!

Tangent--以前一提到 Simon 就知佢手鼓好勁不過勁還勁, 駛唔駛次次都 sell 一野, 講過夾 band team work, 唔係個人 hard sell 大套餐, 今次仲加埋大堆私伙女友相伴和唱, 簡直如煙似霧置身酒廊一樣, o cheers!!

Screw--新歌" band 時間"好鬼似電視劇主題曲, 廣告賣到咁行, 唱完之後擔保冇人唔識" band 時間"… Bee 一時好搞笑咁跳跳下, 一起又好認真咁唱 Wrong in mind, 都唔知佢邊樣真邊樣假!!

NT--唔知佢o地之前發生過咩事, 一出o黎就 fxxk HK Coliseum, 唔係話唔俾, 亦都唔係怪佢o, 只不過覺得奇怪, 點解今次比平時出 show 發射 fxxk language 頻率密集o, 唔知佢o地之前係咪受過委屈, 受過咩不平待遇, 不過全場至o岩聽至正o既都莫過於亞威一番肺苦之言, 聽音樂要 movement o, 你估我o地家o下係小學生罰企咩! 有一件心事藏係心裡面好多年, !! 當然唔係講緊愛的宣言、好愛 NT, o既話你都覺得痺, 驚到想暈低一直都好想問究竟佢o地自己私下會唔會練下彈跳技術, 如果唔練亞斗又冇理由會跳得咁高跳得咁輕型, 如果有練的話, band房樓底咁矮跳完之後頭上面咪多o左好多個瘤??

Anodize--意外在所難免!!

o係個show最慘最心痛, 無辜辜生草o既點數都應該數到 Inti , 雖則喊就極度唔成熟, 不過o係當時情況下又在所難免, 希望 Inti 能夠經一事長一智, 畢竟此乃不可多得之經驗, 如能從中學習, 對將來處事、工作必大有幫助! 放棄唔係你同我應該做o既事, 積極面對方為上策!!

 


 

<HOME><樂隊資料庫><大碟資料夾><演唱會資源中心><問答題>

<樂勢力><廣告時間><新聞提要><歌詞集中營><寵物勝地>

<GUEST BOOK><VIEW GUEST BOOK><作者小傳><亞龍大保護罩>

<COOL LINKS><靚靚小相集><六線譜><SHOW大鑑賞>

<SHOW後感><生日禮物><先舉手後發問><睇唔過眼就出聲><有咩睇唔過眼呀>