都應該算係呢個馬拉松式Band Show (不過講明先最『正』o既經歷並不代表最『正』o既 Show!!)中文大學
睇咁多Show之中, 最難忘最辛苦最狼狽都應該算係呢個馬拉松式Band Show (不過講明先最『正』o既經歷並不代表最『正』o既 Show!!)
我從未經歷過一個 Show 要四處撲飛, 但入場又唔駛飛o既 Show !!
我從未經歷過一個 Show 要長途跋涉, 徑步3000千米先到o既會場!!
我從未經歷過一個 Show 落滂沱大雨之下, 竟然唔知為o左o的乜而呆若木雞咁俾o的雨照頭淋!! (一路回程覺有點點涼!!) (今早起身覺有點點病!!) (那麼的可笑, 我竟然患上支氣管炎!!)
總之......總之有點心有不甘, 並不盡慶o既感覺!!
幸好當中睇到一點點令我感動, 令我振奮o既事發生!! 我感動o既唔單止係佢o地比我早到還比我遲走, 我振奮o既唔單止係佢o地技驚四座o既演出, 而係佢o地果一份熱誠, 果一份投入, 果一份認真, 的確...的確教人感動!! 我講緊o既當然唔係o的 BEYOND Fans, 而係令人難忘o既 DSC !! 其實o係本地樂圈中, 有好幾隊相似風格、類型、而又有技術o既Band, 不過點解我仍然覺得 DSC 正, 係因為佢o地好能夠摸清觀眾o既心態, 佢o地好清楚 even 技術好好, 但面對一班已經企o左 5-6 個鐘頭, 近似半死o既人型物體, 如果o係佢o地面前再死唔斷氣咁 Solo 幾十分鐘, 一定換o黎o既只有噓聲四起, 反而佢o地揀o左一o的耳熟能詳, 而且有共鳴o既歌, 點到即止, 恰如其分o既演出, 再加上每一次佢o地都好認真、全力以赴、唔計較酬勞多或少, 我覺得咁先可以大大聲聲叫做夾 Band、咁先叫專業, 請繼續努力, 唔好令人失望!!
P.S: 驚喜只能一次起兩次止, 不斷繼續沉淪, 繼續重複又重複, 只會讓人有點窒息感!!!
總括黎講......一個字可以形容晒成個 show......[ 支力 ]......未去之前, 我以為呢個 show 會好和平、 好舒服咁坐晒係度, 但係......有點失望, 毫無驚喜, 就連 jam 歌果 part 都只係玩 [ 留住我吧 ] o忝......失望!! 再加上因為太多 band o既原故, 每隊 band 只係玩得幾首歌, warm up 都未夠就話要完, 好鬼冇癮!! 希望各單位都能吸取今次教訓, 來年攪一個更大型更具規模o既 Show!!
o係度並唔打算講晒每一隊 Band, 一來我根本唔記得所有 Band o既名同演出果時o既表現, 況且一連兩日連續睇兩個 Show, 有點兒想死咁o既感覺, 我試o下盡力啦!!
ANODIZE--可以俾o的驚喜嘛?? 可以唔再玩 Get Back 嘛?? 元朗個 Show 猶有餘悸嘛?? 我都印象難忘!!
JSD--GOOD!!
VIRUS--你o地發咩脾氣, 點解唔見你o地??
SOBER--當晚音響最靚聲就係 Sober , 而 Sober 演出亦精彩!!
BEYOND--有點兒失望!! 失望o既唔係佢o地落雨唔繼續玩, 而係當我o地俾雨淋到死狗咁, 佢o地竟然好矜貴咁施施然撐住把遮企出o黎(不過無可否認...佢o地的確係矜貴!!)......
十隊 U BAND--難得o既係每一隊U Band 都表演得好有水準, 請繼續加油!!
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>