MCB 100 Live 3/10/98
九龍灣國際展貿中心
當晚發生了一件極度不尋常現象, 我同朋友被一群人氣急升年青人檢視了一整晚, 最奇怪此人群是用友善眼神相待, 不是啤啤貢對待, 偷偷的還隱約聽到”呢咪果個果個囉” 咁即係邊個邊個呀? 我出o左名係一名八婆兼傻婆, 我真係好想知發生什麼一回事, 係我們得罪了他們, 還是他們看上了我們? 請知情人士告密俾我聽, 我不想死得不明不白、飲恨而終, 更不想晚晚午夜夢迴都猶有餘悸…
當晚我幸福快樂在朋友包圍之下, 餘暇還有空檔雙手插插袋, 佢o地似乎就冇我咁好彩啦, 回家路上叫苦連天, 慘叫尤如被打一身, 回家檢視傷勢發覺酷似被虐待, 周身瘀傷, 提議影寶麗來裸照報差館, 指控舊男友因姦不遂而毒打你, 看罷舊男友要洗定 pat pat 等坐監…哈!...哈!!...... 眼見有人不小心跌低, 就算玩得幾癲幾喪o既人都會大叫等等唔好迫往, 夾手夾腳扯番跌低者起身, 又一次鐵証: 呢度係安全, 所有人都係血仍是暖、人性猶存, 見死不救一定非 Band 仔所為!! 飄蟲----續迷你短裙後又一力作, 風騷露背入骨裝, 家下買身定買肉? 買唱定買笑?……LMF----潔白無邪o既會服, 配上爛玩一族, 似乎有點格格不入, 不過無可否認, 穿上自重金屬同學會設計總監亞庭所操刀主理o既純白藍間加 LMF Logo 睡衣型板仔衫, 各人都自有型格、我有我風格, 下回再以 LMF 名義出 Show 的話, 各人應該可省回揀衫煩惱時間, 不過省回來的寶貴光陰, 他們似乎又不會用於夾歌之上!!
全晚至激至迫都莫過於 LMF 之表演時間, 但各人鴉雀無聲努力準備音響器材, 是妥協、是協助、還是俾面派對? 不過怎麼都好, 觀眾似乎能夠體諒明白得到他們尷尬處境, 他們有口難言的就替他們開口、有氣難申的就替他們發洩, 愛護之情表露無遺, 請 LMF 珍重我們的感情, 以新歌新碟作回敬!! 蒼蠅----未能緊接 LMF 強勢跳舞餘溫, 連我自己都悶到發呆, 頭擰擰啦, 咩國內第一號危險人物, 似乎香港人就唔係好受呢套……Virus----唔想每一次提起Virus o既演出都講o的燈光好靚好有氣氛, 講又好似好行, 唔講又好似冇咩好講……再次玩番第一隻碟o既 Intro 配合海藍色燈光, 場面憂怨動人…
SHONEN KNIFE----估唔到隊日本女仔 Band 都竟然可以掀起另一次高潮……真係世事無絕對, 只有女子卜卜脆……不過我就覺得佢o地o的歌旋律首首都差無幾, 最慘就係連台風都千篇一律…你唔係電腦呀請勿只得 copy and paste......
Beyond----從未見過亞其笑得如此開心燦爛, 亦都未見過觀眾忍耐力如此強頑, 相信只有亞其加 B 記o既魔力才可抵禦 F language 之出現, 亞 Paul 加細佬亞其精彩合拍, 兩人 Solo 時如入無人之境, 咁是否意味著亞其玩 A 記有點壯志未酬?? 另一邊留低冷冷清清o既家強, 情境未免又太觸感傷情……
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>