第二屆組band時間組band選舉頒獎禮--31/1/99
九龍灣國際展貿中心NT----NT得到第十名…我唔知幾多人係因為佢o地係925裡面作出o既行為而投佢o地…我唔知幾多人係因為真正聽佢o地o既歌先選佢o地…我唔知你o地知唔知佢o地唱緊o的咩!!!(有人問"喂...咁你又知好多咩!!...我唔知......但係我唔明囉...點解早唔鍾意遲唔鍾意, 係要過o左925先鍾意...)當晚佢地演出心不在然...好悶!!!
DSC----無何否認…佢o地o既技術的而且確超晒班…能夠"羅"到獎絕對唔出奇…奇就奇在當每一次出show都玩同樣o既歌, 竟然仲會有咁多人會為此而雀躍為此而興奮為此而拍掌…記得我都曾經都讚賞過DSC o既演出精彩, 不過已經係好耐之前啦, 一年前玩o既係[武術], 一年後o既都係[武術], 看罷十年後都應該係[冇術]啦!!!! 仲有夾band夾band何為夾band? 不如改名叫solo solo solo啦!!! 仲有…我覺得如果新band玩cover歌就無可厚非, 但玩o左咁耐仍然係玩cover點都講唔通o者!!
Circle----唔知嘉士伯o既賽果有冇影響今次o既成績, 不過依照賽果照follow就等於好?????
仲有o個隊咩圓形
企到上台好能有形
o下o下喊住"唔好俾佢停"
次次就睇到我眼"瓊瓊"
佢o地有獎震撼全城
自己造馬擺到明!
佢o地覺得好能光榮??
請你幫我評一評
螺絲反而唔入圍
嚇到我標尿咁濟
o的票究竟有冇點齊
唔介意就"羅"出o黎睇一睇
唔駛等我疑神疑鬼
以為有人造馬仔
......cut at newsgroup.........this is my feeling.......
B.A.N.D----參加個o的乜乜抽獎都寫到明[員工及其家屬不得參加]啦, 何況家下 Inti 係成個show o既搞手o忝, 你叫我唔諗偏門o野絕對唔得…就算唔諗呢o的o野, Davy、遠仔、亞賢夾呢隊o野都唔知係咪收o左錢定係俾面派對o者? 何況B.A.N.D就連一次出show經驗都冇, 求其搵隊普通band都可以揮得嬴啦…你可能會話"喂…唔係喎, 佢o地隊band o的樂手都好勁喎" 不過加o左一個走音走爆咪o既主音就咩都係假!!!(我知你o係度跑緊馬…跑還跑…跑都跑到唔好咁明顯啦…第十名我條氣都順o的唔會踩得咁盡啦!!!)仲有, 既然得o左獎點解唔大大方方出o黎表演o下, 等大家睇o下B.A.N.D係咪真係咁有料"羅"獎都好嘛, 家o下鬼鬼祟祟仲影得係唔見得光身有屎啦!!
L.M.F.----你話我偏心好咩都好, L.M.F.絕對唔單止第6位…單睇佢o地出o既show每一場都氣勢如洪, 每一首歌都係 Inti 個節目到播倒兩o野, 咁你就知L.M.F.點解唔單止第6位咁簡單!!! 不過尋晚佢o地o既表演雖然精彩, 但係揀兩首新歌o黎玩就未免太冷門啦, 唱新歌唔係唔好, 不過只係得兩首quota可以唱, 不如一首新一首舊氣氛咪仲hot o的!!
Black box----家o下又唔係揀[最佳金針獎], 我諗點都唔駛出動Black box o掛, 一年裡面連影都冇隻…你唔講我都唔知佢o地冇拆伙o忝…你又真係好難叫我唔諗[滾蛋唱片公司]同商台講過o下o野食過o下飯咁喎!!!
CRY----我諗極都唔明點解Cry會"羅"獎, 要聽o既話我會走去聽Suede、Radiohead , 點睇都好過走o黎聽翻版啦!!!
Zen----心照啦!! 唔講!
Tat Filp----我唔識講Tat Filp"羅"第二名o岩唔o岩, 的而且確佢o地今年真係人氣急升得好利害, 不過論年資就好似短o左o的…我唔係話年資長短係問題, 但問題係點解Black Box呀、Zen呀年資長但係冇出show人氣又唔多急升又可以"羅"獎, The B.A.N.D冇出show冇年資冇做過o野又可以坐享其成可以'羅"獎, 咁究竟o者點計o家…[有關係=獎]??
Anodize----我偏心..的確我恨亞龍大會"羅"獎, 不過公平o的o黎睇, 我會覺得今年Lazy做到o既成績遠比亞龍大好, 當然我唔能夠沬煞亞記年初o既努力…不過後勁似乎不繼, 再加上4/5 o既亞記成員都走o左去玩Lazy , Lazy風頭理應勁過亞記好多, 不過…我相信亞記"羅"金獎應該冇人話做馬冇人會話唔服!!! 等o左亞記出新歌都成年, 本來925就可以先睹為快, 但係到o左家o下先聽到都總算係遲來的春天!!! 揀o左夜長夢多、夜幕(新歌)、活受罪, 選曲配撘得宜, 有經驗o者有經驗!! 不過奉勸亞記一句, Lazy出完碟之後宣傳完畢後, 請各人盡快歸隊, 冷落o左亞其咁耐, 小心佢會一走了之!!!
Screw、Elf Fatima、Charisma、Distribution、C.Megga、Big Mac...etc我替你o地唔抵!! 我唔係話你o地個個都做都好好一定會"羅"獎, 不過比起B.A.N.D o既話你o地一定唔駛怕受之有愧!! 原來所有音樂頒獎典禮都冇公道可言, 主流係咁非主流都係咁…不睇尤自可, 一睇就眼火爆……B記o係我o地心目中已經係神, 難得佢o地唔"羅"獎留番俾o的後輩, 好有大將之風, 值得一讚!!
公道自在人心, 得到獎o既朋友唔需要開心, 請你自己諗o下有冇愧對自己先好"羅"起個獎慶祝一番, 冇得獎o既朋友唔需要爆晒粗, 聽band o既人係有耳o家, 你o地做緊咩我o地知道o家!!!
全晚我都不停不停睇錶...想目訓想目訓...用o左10000分先換得到o個兩張飛, 不如換10杯雪糕食冇咁嬲!!!
我偏心我認...要鬧就適隨尊便!!!
個人獨立獎項:
Keyboard: 我想問究竟有o左BB個位太太係邊隊band話...??銀獎同銅獎又係邊個呀?
Vocals: 亞JAN o岩o岩先俾 newsgroup o的人話唱歌唔好, 轉個頭又"羅"獎...哈!哈!! 邊樣先最代表民意??
Bass:
哈哈....我唔講啦...[家屬及其貴子弟都冇權大抽獎]
上次Jimmy o係嘉士伯嬴最佳bass手係1989年呀!! 10年之後又o黎一次
佢.....都有番咁上下......年紀.....hahahhahahaha
Guitar: 亞其o既一手結他唔算玩得最好...不過勝在好feel
Drums: Davy"羅"獎個樣好串...o家下知你叻.....不過都唔駛坐定笠六咁好喎!!
(亞記Gary有點被冷落、鬱鬱不得志...既然o的馬仔跑o黎跑去....橫掂都係囉...點解唔順手跑埋去佢度o者)
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>