期待以久o既掠水Wave Party終於順利完成…
首先感謝我父母容許我通宵唔返, 如果唔係o既話我唔會玩得咁盡興…(哈! 哈! 不過差點嗌到反晒面先免為其難破例一次…) 感謝朋友May替我影相(如果唔係要做Homepage, 我諗我絕對唔會麻煩朋友o係一個極度混亂連企都企唔穩o既情況下冒險地幫我影相…) 感謝朋友Chris同Cz o既拔刀相助… 唔係想o係道show-off, 只不過想計清楚尋晚個party掠o左我幾多錢…掠就掠啦…不過鬼叫我自願咩…$240 Ticket, $380 LA Sweatshirt, $680 Tracksuit, $40 汽水, $30 擺袋, $70 EP, $20 poster…
多謝承惠$1460… 返到屋企亞媽問…袋衫加加埋埋駛唔駛一千蚊…苦笑咁扮晒o野話…唔駛唔駛…好平之嘛!!!…係就係唔駛啦…不過唔駛一千要多幾百呢!!! 唔係唔想再睇, 不過希望Lazy唔好一年開3、4次Wave Party, 唔係o既話報紙又會多單大耳窿追數放火事件…早知買一疊飛去炒黃牛啦, 淨賺$100補貼o下都好嘛! (哈! 哈! 不過我諗俾Lazy o的人知道o既話, 未開場就會有粗口橫飛啦!!) 講正經啦…好想問o下個Video Wall播緊o的人踩板係點樣拍...
無疑DJ Tommy o既捽碟功架比起DJ Galaxy真係高出幾皮, Galaxy真係要好好同Tommy切磋切磋學習學習啦!!! 唔係話Galaxy真係玩得好差, 最後o個o下坐上個捽碟機度都唔知幾正, 不過比起Tommy呢......Tommy好識得控制場面、營造氣氛, 佢玩o個得beat好Um得, 好適合當時個場... 雖然好high… 不過好混亂…混亂到我已經唔記得台上面邊個唱o的乜, 首歌叫做乜啦…最深刻o既只係有YMCA亞斗o既原裝MTV版造型同埋亞仁Rap住o黎唱o既No Woman No Cry...未見過亞斗咁情心咁坐o係度彈結他...難忘o既仲有亞Jan、Cracker、亞仁唱o既 I started the joke......Jimmy跣腳整"林"套鼓......好靚好搞o野o既大型滑板造布景, 仲有我被天花板做裝飾o既星星跌落o黎整親, 台上面飛落o黎個頂鐵帽剷到個頭(好痛!)......有朋友唔見o左隻鞋, 搵o左成大半首歌都唔見…結果亞仁"羅"住問係邊個o既時候佢就兩眼發光, 青筋都現晒出o黎, 真係諗番都想笑…仲有…仲有…有個不知所謂o既人不斷捉住我頂帽係咁扯…睇睇o下show又突然發覺自己膊頭無拿拿多o左幾隻手…o家o下好熟呀…搭晒膊頭搏晒矇非晒禮咁…你o地唔好以為所有睇show o既女仔都好豪放好隨便先得o家…高興還高興, 但請你o地自重o下唔好咁多手!!!! 除o左上面黃牛飛生意好做之外, 買二手o野都好好賺o忝!!!…完show後…眼鏡, 散紙......要乜有乜好過去執…!!!總之一句講晒, 你唔去係你損失......
總之氣氛係要自己感受唔係由我講o架啦......
總之一切一切都歷歷在目, 記憶猶新……
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>