KRISTNASKO

Flugu, kor’, per ĝoj-flugiloj

Fröhlich soll mein Herze springen

Verkis (germane) : Paul GERHARDT (ĉ. 1653-56)
Esperantigis : Hans Amund ROSBACH

Fonto : AK 38

  1. Flugu, kor’, per ĝoj-flugiloj!

    Super ter’ / en l’ aer’

    Kantas anĝel-miloj.
    Venu, aŭdu, per la kanto
    Vokas Di’ / nun al vi:

    „Venis la Savanto!”

  2. En kristnaska nokta horo

    Venis el / la ĉiel’

    Tiu la trezoro.
    Por nin savi el la morto
    Kaj mizer’ / al la ter’

    Venis Dia Vorto.

  3. Ĉu nin Dio do malamas?

    Tute ne, / vidu, ke

    Lia amo flamas.
    Li ja venas nun por porti
    Kiel hom’ / ĉion krom

    Propra pek’, kaj morti.

  4. En la trogo nun Li kuŝas,

    Vokas al / sia stal’

    Nin kaj korojn tuŝas.
    „Karaj fratoj, peko via
    Kaj la pun’ / kuŝas kun

    Mi en trogo mia.”

  5. Are, ope nun rapidu

    Ĉiu hom’ / al la dom’,

    La Savanton vidu!
    Vi ne timu; Lia stelo
    Vojon al / Lia stal’

    Montras de l’ ĉielo.

  6. Kiu en mallumo iras:

    Jen la voj’ / al la ĝoj’,

    Kiu vin ektiras
    Al la lumo de l’ Sinjoro.
    En la flam’ / de la am’

    Ĉesos ĉiu ploro.

  7. Nun la kanton pri l’ Sinjoro

    Aŭdu vi. / Laŭd’ al Di’

    Eĥu en adoro.
    Eĥu ĉiam tiu kanto
    De l’ anĝel’ / sur ĉiel’:

    „Venis la Savanto!”

Alia Versio:
Ĝojo ravas mian koron
(elangligita de L. I. Gentle)

Melodio 1 : FRÖHLICH SOLL
Komponis : Johann CRÜGER (1598-1662)
Kaj la teksto kaj la melodio unue aperis
Kiel ĥoralo en Praxis Pietatis Melica
MIDI AK*

Alternativaj melodioj:
2a WARUM SOLLT’ ICH
Komponis : Johann Georg EBELING, 1666
MIDI HPS*
2b EBELING (nomata ankaŭ BONN)
Iom diferenca aranĝo de WARUM SOLLT’ ICH
MIDI TCH
3 NATIVITY NEW
Komponis : Frederick Charles MAKER, 1881
MIDI TCH
4 STELLA (PARKER)
Komponis : Horatio W. PARKER (1863-1919)
MIDI TCH
TTT-Himnaro Cigneta
estas filia TTTejo de
Eldonejo Cigneto