Motorbike God's newspaper
@ http://www.oocities.org/crxmugen2000/car-news.html
2008
from my dearest girl :<>
year 97 98 99 00 01 02 03 04 05 06 07 08 newspaper
Dec 26 - <小肥豬歷險記第九冊 : 死亡詛咒筆記 - 遇上死神>
夜Ali神月, 中學生, 外號小肥豬.
放學回家途中, 小肥豬如常唱歌跳舞, 發現地上有本黑色筆記簿. 當中詳細介紹只要寫上球隊名字, 四十秒後球員會麻痺, 繼而輸波.
"邊個咁浪費亂丟筆記啊? 帶回家畫公仔先." 小肥豬拾遺不報, 卻鬼鬼祟祟將筆記放入其書包, 再若無其事回家.
小肥豬見豬媽媽於廳中集中精神看 <曼聯 vs 侯城> 比賽, 記起上次因曼聯輸波而拒絕煮飯, 小肥豬有點心慌, 回到房間即管一試死亡詛咒筆記, 寫上 "侯城加油!"
四十秒後電視直播侯城球員不知何故脚趾抽筋, 曼聯最終順利勝出. 小肥豬既驚且喜, 知道真有詛咒其事, 此刻死神 Jack 積克出現, 告訴用死亡詛咒筆記的嚴重後果.
小肥豬卻冷靜地說 "我要為球壇作出貢獻, 將樣衰球員趕出球場, 成為足球之神, 嘻嘻"從此球場再不寧靜. 待續.
Dec 25 - <小肥豬歷險記第八冊 : 死亡詛咒筆記 - 預告篇>
在這筆記裏被寫上名字的球隊會輸波...
死神積克在人類世界丟下這一本筆記 "DEATH CURSE NOTE".
從此之後, 兩位被選中的人 "夜Ali神月" 和 "Ｆ" 便展開壯烈的戰鬥!
這是一個前所未有的恐佈與懸疑的故事!Dec 14 - <小肥豬歷險記第七冊 : 小肥豬與小小狐>
傍晚, 公園
穿起 Jack Jack T恤的小肥豬獨坐公園內的韆鞦上, 斜陽照出小肥豬長長身影.
小小狐剛表演完畢歸家路過公園. (註: 小小狐是位五至十歲小學生, 小肥豬的學弟)
"咦, 小肥豬學姐點解扁扁嘴悶悶不樂?" 小小狐好奇問.
小肥豬將其小蠢豬事件告訴小小狐.
"啊... 那明天回校呼籲大家不要再叫你做小蠢豬啦"
小肥豬感動 "謝謝" 兩隻動物伸出友誼之手.
小小狐提議 "一起到我家吃英式午後紅茶吧, 狐媽媽準備了少許甜點."小肥豬回復信心, 並行時好奇問 "點解你穿起全套燕尾服?"
"剛剛表演完莫札特小提琴鋼琴協奏曲呀"
"莫札特? 我都識喎" 小肥豬隨即揭起T恤露出腰間脂肪並忘我唱起歌來 "仲有最靚嘅豬腩肉, 仲有最靚嘅豬腩肉......"
小小狐嘔白泡中 "oh my goose! 我的鵝呀! please stop! ......"
小肥豬繼續歌唱, 並轉身忘我跳舞.
小小狐想趁機逃走, 卻遇上大小不良小肥牛與小肥羊."喂小小狐, 未交保護費喎" 小肥牛捉住小小狐尾巴.
"係囉係囉" 小肥羊附和道.
"買參考書買光了, 冇錢啊" 小小狐委屈說
"冇錢?! 打!" 大小不良隨即拳如雨下.
小小狐求饒道 "哎呀, 唔好打呀, 招mink呀招mink呀, 小蠢豬救命呀......"
自我陶醉於舞蹈中的小肥豬定個神來, "喂你們兩個停手!"
小小狐慶幸 "呀, 好彩我們是好朋友唧, 嘻"
"你講乜Ｘ嘢小蠢豬呀? 係咪想找屎呀?!?!" 輪到小肥豬捉住小小狐尾巴. "小肥牛小肥羊, 要打就一齊打! 打呀!"晚上, 狐宅
賢淑狐媽媽開門, 問道 "咦? 小肥豬小朋友, 你不是與我乖乖兒子小小狐一起回來吃飯嗎? 點解得你一個呢?"
"狐媽媽呀, 我就是小小狐啦. 剛才被豬牛羊三人組打到變做豬頭呀."
"oh my goose!" 狐媽媽暈低.從此, 小肥豬便討厭五至十歲小童了.
Dec 7 - <小肥豬歷險記第六冊 : 小肥豬的身世>
下午, 豬宅
"豬媽媽, 我回來啦." 小肥豬叫道.
"哦, 我到胡記雪糕屋買了一大盒 Peanut Buster (48杯/盒), 夠你今個星期了, 自己開雪櫃吧." 豬媽媽於廚房切菜準備晚餐.
"我不吃了, 今天於學校有點不開心......" 小肥豬扁扁嘴說.
"什麼事嘛? 連最喜歡的 Peanut Buster 都不吃?" 豬媽媽在切番茄中.
"於數學課上壺sir sir 問我乜鬼 'a9bcde7' 問題, 完全唔知佢噏乜Ｑ, 我覺得自己好蠢呀."
豬媽媽心中一酸, 放下菜刀用圍裙抹手, "小肥豬乖, 過來坐下."
呆呆的小肥豬乖乖坐下.
"小肥豬你都長大了, 都係時候跟你說... 關於你的真正身份..."
"吓? 難道......?" 小肥豬驚訝的看着豬媽媽.
"係呀. 你真名其實不是小肥豬... 當年...... 其實係叫小蠢豬."
"小-蠢-豬?!?!" '轟隆' 窗外雷聲一響.
"當年見你樣子蠢蠢地, 便改作小蠢豬. 但又怕你長大後被同學取笑, 只好统稱作小肥豬......"
小肥豬哭着 "唔要! 唔要呀! 我係小肥豬! 唔係叫小蠢豬! 永遠都是豬媽媽心中的乖乖小肥豬... 嗚嗚..."
豬媽媽安慰道 "其實都一樣嘛, 只要勤力讀數學音樂歷史, 愛護五至十歲小童, 不管小肥豬還是小蠢豬都會是社會棟樑!"
"唔要咁難聽個名呀!" 小肥豬含着淚頭也不回用屁股撞開豬欄木閘衝了出去.
豬媽媽向門口大叫 "等等呀...... 順便幫我買半打雞蛋呀!"Nov 8 - Ｋ房內, 點了張學友"望月"
後園內, 架起天文望遠鏡去"望月"
電視內, 播彭美拉的名單, 繼續"望月".Nov 7 - Arizona 新出西瓜味茶, 試飲覺得很怪, 像臭味... 難以形容的臭...
想很久終想到, 像是爸爸回家除鞋後的臭腳味!!!當時好像有什麼理由向爸爸"罰錢". 好像是"沒有洗腳", 又或"遲了回家", 還是"冇買叉燒"?
一小袋叉燒作晚飯加料, 未開飯便已遭偷吃光了. :> Good Old Days.
Oct 25 - 請投 "癲 Alison" 神聖一票.
Sept 13 - <小肥豬歷險記第五冊 : 死亡之吻> 小肥豬大叫一聲 "曼聯加油!", 曼聯明明嬴緊利物浦都要即刻反勝為敗. 小肥豬勁!!!
Sept 12 - <小肥豬歷險記第四冊 : 羅家英/李克勤 雙封面> 小肥豬願意嫁臭屁狐嗎?
Sept 7 - 終於輪到我了... XBox 360 著名的 "Ring of Dead" 三紅死機終於發生, 還以為 "兩部只能活一部" 是誇張傳聞. 即時打去 Customer Service, 也許她也慣了接死機 call, 不慌不忙講解, 還讚我英文好?!?! 嘻...
Sept 4 - Dragonforce 新碟 Ultra Beatdown 第一時間買來炸機.
Sept 2 - 開完小車開大車, 感覺同樣舒服. :>
Sept 1 (night) - 假期晚上電影欣賞 Rocky Balboa, 勝敗都不再重要.
Sept 1 - 難得的一天假期, 清爽藍天下於沒有車的馬路上遊走, 這種放鬆心情的調劑對天天不停工作很重要, 放心, 輕鬆安全悠閑騎車的. :>
Aug 15 - <小肥豬歷險記第三冊 : 小肥豬到 F.U.C.K. 買新衫手記> 潮流衣服指標, 港女們密切留意.
Aug 12 - <小肥豬歷險記第二冊 : 小肥豬大戰臭屁狐> 拳來屁往劇情緊張萬勿錯過.
Aug 7 - 姪仔都有我咁靚仔 :>
Aug 6 - <小肥豬歷險記第一冊 : 暴風女神 Err Leak 神> 不日出版.
July 20 - 執屋打掃, 一條長頭髮都冇咯.
July 14 - 也許今年轉拜電單車神, 私家車神為之大怒, 下了咒語給我... 從年頭一直整車到今天, 杯麵的日子又來了.
July 7 - 見鵝媽帶三四隻小鵝於高速公路旁想過馬路, 好危險o架.
今日於路上離遠見一團黑色物體於路中央, 猜想是松鼠屍體便轉線避開. !!! what?! 堆物體慢速移動?! 若是松鼠該跑得快避車 (不過, 可能越跑越弊), 接近一看大叫 "神聖的牛", 係一隻龜! 努力於車速百幾的高速公路橫過馬路, 以龜來說他算是競步中了. 不過路中央有大塊石牆分隔兩邊行車, 萬般努力卻只會徒勞無功, 龜兄, 就叫你做薛西弗斯龜 Sisyphus 啦.
July 1 - 停紅燈, 有架輕度改裝福士哥虎從後湧至, 與我並排是一名白人青年 (即係鬼仔囉), 望兩望我戰馬, 伸手出來給個手指公. 點頭回應. 嘻 :>
Jun 29 - 星期天電影 - The Fast and the Furious : Tokyo Drift. (好多日本妹呀! :>)
Jun 23 - 落冰雹呀!
Jun 22 - 整個星期都時大晴時大雨, 冇得開車... :<
Jun 19 - 肥貓的三十歲生日. 喂, 你都變中坑啦. 嘻..
Jun 15 - 盡綿力, 登記 DNA 樣本尋求合適骨髓救人. 骨髓只限同種族移殖, 白人資料庫有二百萬, 華人只得三十萬. 有冇攪錯差咁遠? 不管別人怎看, 由我做起. 無針無痛, 只要些少口水樣本便可. 詳情於 savecarolyn.com
自己還上了報紙, 其中穿黑牛仔褲啡鞋排隊那個, 仲細粒過豆豉. pic
Jun 14 - Heather Graham 新作 Miss Conception 上畫. 喜歡甜美笑容, 還有林嘉欣, 南波杏都是這類. (嘻)
Jun 13 - Friday the 13th - 今年唯一的 Black Friday, 數以萬計騎士聚集於 Port Dover 開大派對. 於中途站見兩大叔的 cruiser, chopper, 就笑問 "Port Dover today?", 詳見於 www.pd13.com
May 2 - 懶人心情溫度計
- 口內生痱滋, 5℃
- 口外嘴角爛口, 0℃
- 寵物店有新款小魚缸, 打魚 Betta 專用, 典雅款式, 25℃
- 魚老闆送我藍色打魚一條, 30℃
- 發現若只得一條, 會呆吓呆吓, 15℃
- 决定買多幾個缸養多幾條, 25℃
- 今星期小魚缸平三蚊, 之前張單揾唔番, 5℃
- 為求減低來貨價, 用定時購入法大舉入市撈底以求溝淡手上現貨, 買兩個, 20℃
- WTF!!! 其中一盒內沒有魚缸, 只剩下石仔魚糧. 可能員工拿出來 display 後留下, -20℃
- 到 Home Depot 買木板, 掛牆裝飾放魚缸, 廿蚊減到八蚊, 35℃
- 可是忘了帶 gift card 來用, 20℃
- 帶 gift card 去再趁低吸納, 己賣完, 10℃
- 到旁邊 Garden Center 選小仙人掌, 30℃
- Grand Theft Auto IV 好過癮, 35℃
- 平時最多一兩條, 一看發現十條八條白頭髮, 10℃
七小福
May 1 - 晚飯時間戒掉 TVB 婆媽恩怨司奶劇, 鬥氣冤家變情人, 又或紀律部隊傻小子滿腔正義拼上位故事.
連看三個 season Six Feet Under, 對死亡的感覺有點怪...
死神流克會否就坐在長期無人的 passenger seat?
死法會否戲劇性?
哪一天成主角, 名字下有 1978-......?
1978-200X? 1978-20XX? 1978-2XXX? 1978-XXXX? 還是不用X, 唔俾我一萬歲咩?
有死亡才更珍惜生命, 才進步. 向存在過的人事物, 一萬年前, 一億年前的所有致敬. 有你們才有我們, 自稱乜乜物物大吹大擂, 對比所有一切實在太渺少啦.轉看其他劇集一會, ROME.
Apr 27 - 今星期電影 American Gangster.
Apr 21 - 講開 Raidas, 繼續 old school. I should be so lucky, 想起得閒時偷米缸內的魷魚用煤氣爐烤, mmmmmm......, 玉泉忌廉, Toronto 賣得好貴 (入口貨), 照飲. 雀巢拿破崙三色雪糕 2L 紅盒.
Apr 20 - 電影 Black Book, 簡單來說是德國版'色戒'. 星期天下午, 大陽下於後院草地上放張帆布摺椅, 看本小說, 偵探或歷史也好, 又或政評散文, 看魚毛游水, 也許買個小仙人掌, 去找一幅漂亮掛畫, 一套經典電影, 嘻 :>
Apr 19 - 不管是白髮白鬚 blink blink 皮褸 Harley Davidson 老伯, 又或飄逸長髮小綿羊 OL, 又或不羈牛仔褸 cruiser 鬚根佬, 還是大頭佛賽車裝 sport bike 後生仔, 電單車神下諭今天全體騎士出動戰馬朝聖. 等了半年的好天氣終於降臨, 願大家有個美好 bike time.
Apr 12 - Mariage D' amour.
Apr 8 - 利物浦過了國際米蘭, 今天再過了阿仙奴, 四强將戰車路士.
記得於論壇上認識一位女孩, 超級利物浦迷, 網名就叫 "loveliverpool", 有時我還要請教她呢.
三年前大家遙距飲 Carlsberg 慶祝, 還說第一次飲啤酒, 做乜咁苦. 相信今天這小女孩還是一樣興奮, :>Apr 4 - 近排喜歡飲蘋果汁, Not from concentrate, 沒防腐劑有渣果汁, 貴些都照飲. 還有煮雞蛋, 要 Omega-3 蛋.
究竟白蛋啡蛋有何分別呢?April's Fool - 靚仔, 我兩星期前也看了"莫扎特傳" :>
Mar 29 - 開公司舊車, 沒有 CD 機頭, 還是用 cassette 帶, 幸好十幾年前帶來的錄音帶終可派上用場.
咦? 唔可以 skip 歌嘅?
歌唔可以 rewind 再聽一次?
要唔要人手翻帶 A-side B-side?
向左還是向右是 forward?就像小朋友玩古董般好奇.
主席大人 copy 給我的 Raidas, 他所推介"傾心", "別人的歌", "傳說", 當天情景還瀝瀝在目, 還有"某月某日", "吸煙的女人"...... 80's 電子音樂, 謝謝主席.
林子祥的精選, 當天與你於上課時一人一邊耳筒偷聽 cassette, 我說喜歡 "三人行", "世運在莫斯科" (whew, 1980年的歌), 你說 "抉擇", "愛的種子"
今天重聽, "美麗小姑娘", "她的歌聲"...Mar 28 - 乜話?! 整容三嬌 Freeze 會到多倫多表演?!?! 吾等衛道之士當然強烈抗議, 可以參考"藏人奪火"行動, 我將一馬當先帶頭衝上台搶咪以示不滿. (註: 搶咪, microphone, 不是搶咪咪).
就算她們"飛bra走奶"反擊, 本人將立刻雙手掩眼非禮勿視. 奈何天生缺陷, 手指隙特別粗疏. 只能心中不停念經... "色即是空, 空即是胸..."Mar 27 - 搬屋搬到頭暈, 但眼見越來越似樣, 心都舒服晒.
喬遷那日 打掃廢物 家居仿似開戰
無意發現 當天遊玩的票尾想那日......
有沒捱壞了身子......
在混亂雜物當中找到失去的往事......
...... :>
3.14 - 三月十四, Π日 pi day, 記得食 pie, Πｒ^2, pi-r-square, pie are square, 仲要食方形 pie.
溶雪了, 春天終於降臨, 小雙俠準備換上制服(皮褸), 從大型機器狗肚中開閘, 彈出電單車拯救世界.
Mar 13 - 老麥內
狐 "十件 Nuggets 唔該"
麥記小妹 "吓?"
"十件 Chicken Nuggets 呀 Please"
"啊?" "啊! Chicken Nuggets, 等一等..."
"Are you alright??"
(面紅紅) "不好意思, 今天是我第一日上班, 找到了."
(嘻, 咁好玩?!)
"請問要什麼醬?"
"BBQ 啦"
"請問要一個定兩個呢?"
"唔... 咁你仲有乜我揀?"
"吓?! 唔知喎...... 呀... 呀......"
(見尷尬樣放她一馬) "給我兩個算了."
她將一盒雞放抬上.
"咦? 醬呢?"
"啊, 係係."
"外賣是不是應該放入紙袋, 我可沒所謂啦"
"哦, 係喎" "Thank You thank you"開車時還想起她而偷笑, 差點上錯 highway.
Mar 11 - 歐聯利物浦對國際米蘭, 兩件波衫都有, 點算?
Mar 5 - 三月還冰雨大雪, 這冬天真難捱.
小心身體. :<>Mar 2 - 忙工作, 忙搬屋......
剪了個小馬尾頭.
只許州官放火. 還受教訓.
明天再工作.Jan 29 - 到商場買小東西, 旁邊書店便是眾義氣仔女之梁山泊, 蘇軍師與李將軍正嚐咖啡, 本狐冒昧入內寒喧一番自我介紹, 網上留言版愛作故仔的那隻狐狸, 幸會兩位. 得知將有好消息, 靜待佳音. :> 有空會去坐坐的啦.
Jan 28 - 咁凍仲有人開電單車真佩服. 攪到好掛住二奶, 快啲回暖啦.
見 2008 新款頭盔又心郁郁... X-11 Elias 同 Tamada 都好型.Jan 22 - 眼見當今係人都自稱股神, 見好唱好見淡唱淡, 電視上盲炳都豪言 "年底前四萬, 農曆年都五萬啦, 哈", 另一邊, "弊, 估錯添, 修正修正", 當阿毛都賺錢時, 正構思寫篇 "盲毛順境牛市求生術", 道出當中長短期內不明朗與不穩定因素, 心理經濟政治上簡單概念, 如何做個聰明賭徒. 手都未寫便不用寫了, 看來改一下 "盲毛執貨秘笈", 哈.
Jan 19 - 雜誌介紹本地有 Burger 店以新鮮 AAA 牛肉攪碎做漢堡, 配牛油果與 Blue Cheese, 全本地新鮮材料, 手抄地址釘在水松板上準備遲些有用, 成個儍仔咁.
當然夢境沒有成真. :<
Jan 17 - 租電影 Eastern Promise, 普通不過. 最大收穫是 Blockbuster 有 Rock Band 賣!!! 有鼓有咪有結他, 終於等到了, 正 game, 去買支真鼓棍先.
Jan 16 - 於餐廳與女伴共進晚餐時, 發現中了彩票頭獎. 不動聲色走到收銀機前靜悄悄說要收錢, 心實狂喜但不形於色, 收了一大喼現金步出門口, 天上有軍用直升機轟隆轟隆衝過來, 機上人還手持機關槍向我掃射.
危險, 速途.
剛巧有間屋的車房門沒關上, 快閃入躲起來. 偷望一下直升機準備降落, 黑超黑西裝人手持 M-16 徒步追殺, 快閃出車房博命跑, 竄進兩間屋之間小巷, 躲在垃圾桶後, 心還在猛跳與流冷汗.嚇醒了. 走去買四十皮彩票.
Jan 15 - 有新電視節目 - 班馬在線. 兩位主持劉天賜與陶傑都是本狐十分欣賞之通才, 但半小時節目(斬頭斬尾得十五分鐘)就實在太短啦.
Jan 14 - 項羽與劉邦二分天下楚河漢界
但項羽一轉身準備回老家鬼竄集團劉邦等人出陰招從後偷襲, 眼見大勢已去叛徒紛紛出來棄楚投漢, 如當陽君英布之流 (但這批叛將, 開漢功臣到最後還是被劉邦誅殺殆盡, 騎牆兩頭蛇抵死)
項將軍被圍於垓下, 四面楚歌人心惶惶, 星期一哭別虞姬後如何是好? 烏冮自刎? 請將軍別心灰心死, 只要肯東渡烏江, 有你意想不到的一大班江東父老支持再起革命, 正面打不過便打遊擊, 1650, 1760 乜都好啦, 盧統帥, 蘇軍師, 李將軍請加油
後世人只記得楚霸王之英雄氣摡, 大情大性大剛大勇, 對比漢王之陰濕無恥, 不過是大象與塵蟎之比
附加兩人之名作, 對比孰優孰劣
項羽 <垓下歌>
力拔山兮氣蓋世
時不利兮騅不逝
騅不逝兮可奈何
虞兮虞兮奈若何
劉邦 <大風歌>
大風起兮雲飛揚
威加海內兮歸故鄉
安得猛士兮守四方
頂天立地的男兒漢不只項羽一人, 對吧
:>Jan 8 - 收到消息本狐喜愛的本地電台政經節目因受鄰近地區惡勢力影響 (係呀, 有錢就影響邊度都得), 將暫時封咪. 明知幾小時後要開長途車但心情難過睡不了, 着手通宵聽評看評寫評, 一個還比我後生幾年的青年人敢說敢做, 思想閱歷已比很多人豐富. 不甘受制不作瓦全.
/+.+
<<三國誌。蜀志。張飛傳>>
飛(張飛)呵顏曰:"大軍至, 何以不降而敢拒戰?"
顏(嚴顏)答曰:"卿等無狀, 侵奪我州, 我州但有斷頭將軍, 無有降將軍也."本狐向眾將軍致敬.
Jan 6 - 跌低幾十次, 心口與碌柚還隱隱作痛, 但至少掌握到 Snowboard 的控制, 開始有 "好玩" 的感覺.
這個遲來的夏天還在繼續.
當眾人準備好一家大細驅七人車到郊外野餐, 欣賞七彩楓樹落葉, 我卻還在另一邊沙灘單獨滑浪, 回頭一望沙灘已空無一人, 夏天, 還是請努力耕田. 另一位 Veronique, 相信你/妳仍活得自在. ...... ......
浪的盡頭有 DragonForce, Ozzy, Iron Maiden, Die Fantastischen Vier, 希望還不太遲.
Jan 5 - 見小魚毛快樂地游水 (i know), 又心思思想買多幾條了.
Jan 4 - 放工後趕到電單車show, 有 sport bike, cruiser, 綿羊, super sport, 三輪, 古董, 名將戰車, 大會場內到處行, 行完又行, 頭盔皮褸應有盡有, 最緊要是場內眾人的心都雀躍不已等待 Bike Season 到臨. (全場只有我一黄面孔), 外面天氣雖冷, 中年西婦已黑皮褸坦胸露背, oh no, where's young gal? 跌到落胃, 吾不欲觀之......
快來到了. :>
Jan 3 - 收到 Laptop, Sony Vaio, Vista 都幾好玩, 放心, 再買一部啦.
Jan 2 - 半夜開車突然見有隻啡兔過馬路, 你要小心點呀. 轉入河谷住宅區一帶, 見到一對鹿夫婦散步. 鹿! 第一次見, 他們與車內的我對望. Nice to meet you. Mr. and Mrs. Bambi. :>
Jan 1 - 收到司奶寄來的食物救濟, 不致餓死非常感激. 咖哩牛肉粒百吃不厭, 味道繞脷三日, 連手指都想啜埋. 大發魚絲的回憶. 還有小o靚妹的圖畫. Thanks. Sai yo na na oh... Sai yo na na oh...
說到小狐當年的食物, 還有士多一元買到的 "牛柳肉乾". 膠袋釘上紙皮, 看似本地製. 若發現肉乾不是一塊過, 而是兩小塊拼在一起, 當堂高興, 皆因一定會有小部份重叠, 面積加起來會比一塊大, 嘩, 發達咯! :>
還有小學外三角亭五毫子一串咖喱魚蛋.
七小福