記事本
記事本
今日係Wallace既生日呀，係度祝佢生日快樂^^ Yeah!!
咁既大日子緊係出去玩啦~~去左邊?咪又係K囉，不過計返其實我都好耐無唱K啦>.<
雖然今日就唔係太多人出左黎，但係都玩得幾開心，希望遲d可以叫到多d人出黎玩啦^^
真係唔明呀，點解 Phy咁難架 !!?? 睇完之後都唔識計佢d數既 >.<
過多兩日就要返學啦，真係好唔捨得個暑假。係呢個假裡面，發生左好多事，
亦都令到我自己好唔開心，無晒精神，成個暑假都係度白過...好彩最尾呢兩個例拜都做返d野，
去左溫書，係度要thanks you 阿勳幫左我咁多~~ 我會俾心機讀書架啦 ^^
雖然話唔想睇Phy，但係話晒佢都係主科，唔可以唔溫，如果唔係下年AL實死硬。
所以今日都係辛苦d睇返Phy，不過真係睇得好少好少，睇左成日依家只係去到inertia，
有d野又唔係好明，真係有排先追得返去d進度，唉...鬼叫自己平時唔聽書咩...
唔知係咪游開有條癮呢，雖然我仲唔係好識游，但係呢排鐘意左去游水，
不過今日就慘囉...游下游下居然抽筋 !! 痛死人啦真係 >.<下次都係做好熱身先落水lu~
溫左咁多日Pure，係時候轉下溫其他科啦，所以我今日就開始溫Phy。
點知我睇左一陣就即係想訓，再睇多幾版就想撕爛本書>.< 睇黎我同Phy都係無乜緣份個囉...
本Phy成本都係字喎，睇到咁多英文都眼花啦，攪到乜心機都無之餘，仲有d頭痛添 !!
唉 ~~睇黎我都係唔好掂Phy住先啦，聽日都係Pure算啦...
今日唔知發生咩事呢，係自修室見到好多識既人喎 !! 有以前甲寅d朋友仔啦，
有上年係自修室識既fds啦，又見到d粉官友喎，真係嚇左我一跳呀>.<
前幾日唔知點解成個人都唔係好願郁，不過今日唔知點解又有返d mood溫書lu ~~
怪哉怪哉 !! 咁都好既，依家溫多d遲d唔駛咁辛苦 ^^
今日晏晝返左學校補 Pure，雖然之前miss左幾堂呀，返到去都唔知講到邊...
但係，今日係黃sir教我地既last day啦，下年佢就唔再係粉官教書架啦，
以後我地就無機會俾佢教啦，所以點都要返一返去見下佢 >.< 仲要多謝佢教左我地成年 !!
唔知遲d教我地個個阿sir係點既呢?? 希望係位好既老師啦 ^^
平平淡淡咁過左一日 ~~ 成日都係度溫書，做 Pure。
呢個星期過得幾充實，去左溫書，唔錯丫，只少唔會係度發呆亂諗野先啦 ^^
唔經唔覺個暑假咁就無左啦，淨返一個例拜就要返學啦...好唔捨得依家咁空閒既生活 ~~
遲d返學就唔可以好似依家咁咁free架啦 !! 真係好想再出去玩埋呢幾日呀 !!
但係，我又要溫書喎...哎呀 ~ 好矛盾丫 >.<
終於都睇左想睇好耐既"天脈傳奇"，但係感覺上都係普普通通，
無之前所期待既咁好睇，d場面同特技的確係好出色，但係反而個故事內容就麻麻啦。
所以真係有d失望...
而且今朝我去游水個陣居然留低左副鏡無拎走 !! 好傷心呀>.<
副鏡我唔係買左好耐架咋...雖然唔係好貴，$69，但係我好鐘意架...
可能由於呢幾晚都成2點幾先訓，睡眠不足，攪到今日溫唔到書...
坐左係自修室成日，都只係做左好少數，仲訓左陣覺添 >.<
成個人都好累，唔想郁，望到d數仲有d頭暈呀 !! 唉 ...今晚都係早d訓好囉 ~~
尋日玩左成日，又用左咁多錢，今日點都要做返個乖乖女架啦。
由朝早溫到晏晝，依家仲係停留係Pure度，其他科暫時都唔係好想掂住，遲d先算啦 !
不過，呢排唔知點解用錢用到好無節制，今日係街邊見到d衫幾靚，又忍唔住買左$40。
或者，某程度上我想改變一下自己，擁有多d自己鐘意既野，好好咁享受一下生活啦 :p
今日好開心呀，走左去碌Ling呀 !! 我咁大個女第一次玩咋 >.<
而且感覺都幾好架，碌左2局，96分&107分，仲要嬴晒2局添，睇黎我都幾有天分丫~~
今日我地就去左九龍灣碌，學生價都只係$22 per round，計返都抵玩呀 !!
不過，建議最好就多d人一齊去，4-5個人一條Line，咁就大約一個鐘一局，咁就唔會貴啦。
今日終於的起心肝開始溫書啦 !! 一溫就溫左成日，朝九晚六勁係度做 Pure。
不過，雖然做左咁耐，但係唔知點解感覺上都唔係做左好多...
點都好啦，呢個話晒都係一個好開始，希望自己可以Keep住俾心機溫書啦 ^^
而且，今日我釘左我一生人第一個耳洞，原因係咩? 有緣話你知啦~~呵~
今日係「美食博覽」既最後一日，我咁為食又點會放過呢個大日子呢 ??
其實我之前都無去過架，今年係第一次去，用左差唔多成$200，但係真係好正呀~~
有好多好味既野試食啦，而且我仲買左好多野食返黎添 ^^ 真係有排我食啦 !!
最抵就係好幸運咁只係用左$10就買左盒家庭裝既樂天熊仔餅 >.< 真係平到你唔信 !!
仲有就係返到上水見到部$1既夾公仔機，玩左一次就夾中左隻喵喵公仔啦 !!
連我都好偑服自己丫~~呵呵~~ 不過，用左咁多錢唔可以再亂出街囉...
終於都知道左個答案係咩，如果話你知無事就緊係呃你架啦 !!
其實我都預左個結果會係咁，經過左差唔多成個月既時間，有d野的確係可以感覺到。
今日成日都同我家姐一齊，食飯､買野，連自己都驚訝自己既平靜，
唔同既只係俾平日多左發呆，多左諗返大家之前發生過既事...
"唔開心"呢樣野好似變到麻木晒，深深咁刻左係心既深處，成為近期既必然心情。
又或者係，傷心心痛既感覺已經係之前慢慢隨住時間而淡左吧 ...
＊＊＊＊ 今日痛苦的日子，明日幸福的種子 ＊＊＊＊
願所有人都快樂，明天起努力用功讀書吧 ^^
近來發覺自己既身子的確係俾以前弱左好多，成日都好似病病地。
今朝游完水之後諗住都無乜事架啦，點知下晝就勁係度打哈嚏同流鼻水...
依家個鼻仲係好辛苦，睇黎今次真係冷病左啦 >.<
＊＊＊＊ 無論結果如何，都會欣然接受 ＊＊＊＊
今日同個fd傾左好耐好耐，周圍係上水兜，一路行一路傾左好多好多野。
真係好開心，佢講左好多野俾我知，仲話會幫我，我真係好感動 ^^
其實我真係覺得自己好衰，成日都傷害左d對自己好既人，覺得好對唔住佢地。
但係佢地係我有事個陣仲會去幫我，係我唔開心個陣仲會陪住我，
我真係好感謝我呢個fd，我地一定可以成為好知己架，我應承你，Okay??
今朝成六點半就要起身落去Father間鋪頭度幫手，真係眼訓死我啦 !!
不過，其實做樓面都唔係咁辛苦架咋，得閒仲可以同d客仔傾下計添 ~~
今日另外仲遇到個fd問我Sat去唔去游船河架，不過最後因為心情唔好而拒絕左 ...
算啦，咁都好既，留返多d時間俾自己做自己野 ^^
又係一朝早返學迎班中一仔，尋日個個收收埋埋唔聲唔聲咁，今日佢地個d曳樣就出晒黎啦 !!
成班係度嘈冤巴閉 !! 真係講到我喉都沙晒... 飲幾多蜜糖都補唔返呀 >.<
不過，晏晝我同我仔仔"星星"走左去睇 "絕世好B"，套野好攪笑，都值得一睇架 ~~
之後仲走去影咭影相添，遲d有機會就Scan上黎俾大家睇下啦 !!
今日一大朝早就要起身返學去「中一迎新」，真係眼訓到死 >.<
雖然佢地又唔係太嘈Or太曳呀，但係要自己In Chance同佢地講野，都有少少唔知點好 !!
不過，最慘就係我本身已經有d喉嚨痛架啦，仲要我大大聲咁同全班講野，
真係傷上加傷囉，依家個喉嚨好痛丫 @_@..
悶左係屋企咁多日，終於都可以出去行啦 !! 今日走左出去沙田周圍逛，
去左Spoony World見到好多好得意既細路仔 >.< 我仲同我個Fd逗佢地玩添 !!
呢幾日黎講，比較開心既都係今日啦，至少唔會呆係屋企亂諗野...
終於都買左部DV啦 (Sony DCR-PC101/E) 一個字:"正" !! 不過就好貴啦，差10蚊就成萬呀 !!
但係又鬼死咁多野送: 128MB Memory Stick, Battery, 5 DVC (90min),
腳架, 即影即有相機, 背囊沙灘椅。真係多到你唔信 >.<
點都好啦，貴就貴D，但係圍返都算係咁架啦 ^^
好悶丫 ~~ 好悶丫 ~~ 就快悶死我啦 !! 再加上有"人"唔理我，好無 Mood 囉 ...
本身諗住 Scan d 相又 Scan唔到，唉... 真係好無癮...
到底幾時先可以停止呢種咁無聊既生活呀?? 我想有人可以陪下我丫 >.<
可能呢幾晚實在太夜訓啦，攪到今朝起身有d頭痛... 加上落大雨就更加唔想返學。
諗住可以訓耐d，但係最後都係陪左Mother出去買野，難得佢休息嘛。
我都唔明d人既，若果自己真係可以抽到時間既，點解唔陪下屋企人者??
其實，同佢地出街都好開心好多野買架 !!
今朝又返左去聯招幫手，理科好快咁無埋尋日剩返個6個學位。
但係文科就一d都無郁過...23個位無人問津 >.<
之後返到屋企又繼續整網頁...整到好眼訓...z_z...唔知幾時先可以面世呢~~??
今日係中五同中七放榜既大日子!! 好開心我哥可以升到佢想讀既大學同學系^^
而另外都好開心見到好多fds都有好既成績､入到好既學校 ~~
但係有d考得唔係咁好...我好想幫佢地，但係可惜自己有心無力 V_V...
唉 ~~有時真係覺得自己幾失敗!! 希望佢地可以搵到學校啦>.<
懶散既一日!! 本身下晝要返去補 Pure但係見落到鬼死咁大雨就無返去 Lu~~
不過，成日都無做過d咩囉...只係去左圖書館還下借下書咁，連個網頁都無乜整過... >.<
但係我點都有返少少作為既 ~~ 就係將呢個網頁 post上網 !! 不過，我仲未俾佢面世 ~~
晏晝走左去同 Ceci & Pak 飲下午茶...叫左成檯野食，見到都恐怖 !!
最後緊係攪到食唔晒啦，埋單仲要 $48!!?? 仲貴過去食個Lunch >.< 真係丫~
不過，好耐都無同佢兩個一齊咁周圍漫無目的咁行，真係好開心 ^^
朝早走左去打好耐都無掂過既乒乓球，可能真係好耐無打過，打得奇差 !!
不過就好好玩啦 ~~ 哈哈 ~~ 之後，出左去同個朋友仔行街，周圍逛，
咁就過左個晏晝Lu ~~ 不過呢幾日個網頁好似無乜進展，係時間繼續加油啦 !!
今日參加左個有關"青年資本"既活動，同左好多黎自唔同機構不同年齡既人探討青年
同學校､家庭､社區既關係。可能由於自己唔係太熱衷，個活動整體上係有d悶，
不過都係一個幾好既經驗黎既^^ 而且呢，我仲係個度識左幾個新朋友仔添︰
阿傑､異形同小炳，
佢地都幾好傾呀，希望大家都可以Keep In Touch 啦 !!
今日朝早走左去游水，發現到原來浸係水入面既感覺係好舒服､好寧靜•
霎時間，所有既煩惱同唔開心都忘記晒，個feel真係好"正"!!
不過，其實我係唔識游水架~~哈哈!! 我只係好努力咁自學中‥
然後??當然係繼續整我個靚靚網頁啦!! Add Oil !!
呢個網頁係今日開始整架~~咁有紀念價值既野緊係要記低啦~~哈哈^^~~
其實會整呢個網頁最大既原因就係因為要交功課~~ 不過既然要做就要整得靚一靚~~!!
但係整落又發覺原來都幾好玩咁喎....>o<
所以我好俾心機整呢個網頁架~ 希望大家睇完之後都會讚下我啦!! YEAH!!
