31/10~疲勞轟炸

今日上左足足三個鐘biol, 同考AL時一樣! 雖然有break, 但係始終甚累...不過相比大學的朋友, 可能一日連續上9小時 , 仲要每堂五個鐘無得break, 就小意思咯~

靚女今日問我點解唔做運動....

運動嗎? 我真係好...........憎! 太憎......因為有陰影....自從果次PE堂一行出去操場就食左個令我頭暈暈既波餅......我實在對運動一D好感都無啦! 果個波餅實在錠得好重手, 唔知係米有人買兇殺小蟲...

我而家, 淨係識得打滴滴仔, 係游泳池度浮下浮下, 同埋係禮堂做拾波仔(羽毛波)..

另外, 而家小蟲實在日日都提心膽跳, 因為而家日日都有個自稱"大蟲"既人係我BBS度話要炸我....而且, li個大蟲仲要係唔止一個人, 一時係CCK曹靚仔, 一時係中大Chem year 1, 一時係"a"(拒ICQ名字), 搞到小蟲頭都大晒....如果拒係要炸, 我都無計, 因為我實在唔駛防備, 但係如果你真係甘對我, 我發誓我會日日夜夜咒到你死, 咒你上堂(係補習堂)釣魚, 咒你入LAB比NO2 整爛個肺, 咒你日日遲大到, 陪唔到女朋友食早餐, 咒你越來越無型! 問你死未!哈哈哈哈~ 不論你係CCK果位, 定係中大果位, 以上詛咒都一定適合你! 一係我專登設計一套為你度身頂造既小蟲萬咒萬靈無敵大魔咒套餐, 包保你一年無運行!

套餐A: $1000000000000000 威力: 一世無運行

套餐B: $1000000 威力: 十年無運行

套餐C: $10000 威力: 一年無運行, 不過, 如果係今年, 相信你都會幾唔惦~

定貨請來電!

註:上門作法另需加收附加費, 離島及澳門地區恕不招呼

現在小蟲隆重宣佈, 小屋永遠不死!

小蟲現正高薪聘請各路英雄高手, 救救小屋!

30/10~慘慘慘...

點解? 因為今日有打擊三重奏...

1.D Chem 真係好深....深,深,深.....無晒自信...仲要比個唔識Chem既人教番專頭...唉~

2.Lunch時真係好努力講野架啦, 不過oral真係好...難掌握...自己又...唉唉~

3.以為撞唔到暴力護士實無死啦, 點知果個護士係新來架! 抽左手D血時係"吉" 錯位, 抽唔到血架! 後來搵左個阿叔幫我抽, 以為真係得啦, 點知拒係隻右手度搵來搵去都搵唔到條血管, 仲話我:你條血管好難搵 ......喂! 阿叔! 我抽左成年啦, 又唔見第二個話搵唔到?? 拒最後淨係是是但但甘搵個位"督"落去, 抽果時仲要將支針bump下bump下! 睇到我眼都突出來!(因為好驚拒bump埋D空氣入去, 死人架!)開始懷疑阿叔既專業水準,嘩!!!!痛死小蟲! 真係未試過抽血抽到左右兩隻手都要"吉"呀....有無搞錯!!!早知係甘, 等暴力護士來抽仲好啦! 拒雖然暴力, 但係起碼拒唔駛抽完成幾分鐘先話比你聽, 抽唔到呀, 你條血管好難搵丫! 唉唉唉~

後記: 落車果時因為兩隻手都還在發痛, 在無力之下, 小蟲成個人撞埋去巴士既欄干度!!!!!!!痛到我丫...

另外, 謝謝大家支持小屋! 已經過左1100hits 啦~我好開心咯~以為起碼要半年先有li個成績~ (不過點解一晚之間會多100hits甘勁既?????唔通你地不斷refresh?????)

29/10~小蟲鐘意冬天

今日一起身, 就覺得冬風增強了.....啊, 只得23度, ...莫非,冬天就快來到了????

一年四季入面, 小蟲最鐘意冬天, 因為唔駛出汗, 仲可以著多D衫遮住自己D肥膏添~

不過最仲要既原因係因為我最鐘意聖誕節...

聖誕節...令小蟲想起上年同一班朋友到了會展睇雪(同埋洗潔精泡), 想起那個始終屈唔到人送比小蟲既Delifrance朱古力蛋糕...(果個蛋糕真係好靚同好貴...)

其實小蟲係最鐘意聖誕節既氣氛, 到處都紅噹噹, 既有小蟲最愛的朱古力, 又有白雪雪既熊寶寶....正!

所以無論小蟲今年既唔得閒, 聖誕節都會出街玩玩~

跟住係小蟲今天的日記:

今日班上一位靚女話: ...其實初初我地已經想你明白, 我地很歡迎你加入我們班的, 不過你以前給我們的印象係, 你今年淨係想讀書, 唔想融入我地....(並非原句, 但意思應該99.9%相近)

小蟲忽然覺得有D想喊, 因為我一直唔知拒地係0甘唸架....我以為, 以這麼一個特殊的身分, 在這樣一個特別的時刻, 插入一班0甘團結既班度repeat, 係一定會受人排擠, 受人冷落架, 而且小蟲打從提起電話筒打回學校詢問有無位repeat果時已經做晒要做獨行俠既心理準備...估唔到件事係會變到0甘理想...雖然我不至於受人歡迎, 但係至少都唔係0甘黑人憎丫...其實0甘樣我已經好滿足0羅...

當然最後都無喊啦! 仲細個咩...

...另外, 小蟲放學急急腳想快D走去覆診, 未到三點四已經收拾好, 當我打算邊落樓, 一邊等學校打放學鐘既時候, 都未走埋度門果度, 忽然...Miss 出現了, 拒笑笑口話: 估唔到你係D甘既人呀下!

Oh My God~~~好日都唔犯下規, 第一次就比Miss捉到正, Oh My God~~~

唉! 今日先去完聯合,聽日又要去TKOH, 仲要唔知會唔會又遇著果個暴力護士姐姐, 抽血針係45度"吉"落你隻手度架, 問你怕未!

27/10~今天的news長到你唔信

小蟲今日有很多東西想寫, 所以難免會亂了一些...如果你有心機睇, 就睇睇啦

小蟲時時在想, 上天不會連續給人很多奇妙的經驗的, 所有開心的事是不會一次過送比你, 最多會在漫漫人生中慢慢遇到...

不過我今日同昨天一樣, 都遇到了奇遇了!

今天是Biol的field trip, 去長洲, 體力勞動甚多, 令到小蟲成身--散晒! 不過有另外一些事情讓我覺得今日是去得有價值的! 這可以分開兩件事來說:

早上在黃大仙地鐵站等大家去中環時, 竟然比我撞到無見三年既女童軍隊長!!!!她現在已經做事了, 由於我們都往中環, 所以我們 趁那短短的車程裡聚舊了一番....真係好耐無見啦~而且, 我都無著件GG制服好耐啦...

跟住正式開始今日的field trip...

上午, 我們到了長洲一個唔知邊度既石灘, 做了一些量度工作, 取了一些標本, 晒了一身朱古力顏色, 局了一身臭汗, 濕左一對褲腳, 為了避免滑到, 做了一些"騎哩"動作, 變左一個癲婆...唔知做左D乜...

到左食Lunch時間, 我們有辛可免陪太陽伯伯一齊野餐, 到了一個有冷氣及美景相伴的房間裡食野. 我用了一代值$7的排包換了一個$7.9的手卷! 仲係吞拿魚添!!!!!! 我覺得我今次相當0力(小蟲愛吞拿魚!) 午餐的時候相當好玩, 因為我把兩包wasabi全部擠落去舊手卷度! .....啊, 講清楚D, 係擠落人地0個件手卷, 並非我自己的~嘿嘿嘿嘿

午飯後大家去了一個實驗室做些analysis同conclusion, 講真, 真係幾悶....不過那隻油螺如何"在人為協助下襲擊"隻limpet既情景, 和魚缸入面那些小動物我就一定唔會唔記得!

其實, 讓小蟲感到今天不枉過的, 是回程的時候

話說回程時我們坐了上小輪的"豪華"位, 所以我們都大大聲講笑都煩不到很多人, 同幾個同學傾計, 初初我都淨係聽, 不過後來小蟲也加入談話了....原來傾落又幾好傾bor! 因為他們講笑技巧一流, 笑到我眼水差D都"標"埋出來......其實見小蟲平時笑, 真係淨得皮笑, 肉好少笑.....不過今日我真係真心笑左出來, 點解呢???可能小蟲始終喜歡熱鬧, 見到他們談得如此興高彩烈, 自己又八開有條癮, 就不知不覺笑埋一份啦掛....

當初決定重讀, 根本沒有想過會有今日既情景! 係真架! 以為唔好成為犯眾憎, 安安分分讀書就已經好安樂, 絕對唸唔到會好似今日甘開心!

另外, 今天有四位同學不得不提---

第一同第二個, 係曹靚仔同鄒美女, 他們今天不斷為小屋"作免費宣傳", 落力到有D過分, 簡直想全世界人都知!!!!哎呀, 其實你地齊齊來, 又齊齊落BBS, 小蟲真係喜出望外, 不過你地似乎真係落力得擠bor! 仲教埋人點search添! 有無搞錯? ....事實上, 我擺得D歌上來, 又寫得個URL落ICQ INFO度, 都唔係唔想人來, 不過, 其實, 我實在係估唔到會有新朋友會來! 現在知到這兒的朋友, 多數是舊同學和超級好朋友, 都係係我舊年畢業後先知, 因為我係絕對唔會比D我日對夜對既朋友知道我鐘意唱日文歌架....點解? 一來, 費事大家覺得我自大啦, 甘當我唔駛經常面對你地既時候, 就算你地真係覺得我好自大, 唱得好核突, 甘鴕鳥小蟲還是可以當唔知架嘛, 但係如果我地係日日都見到, 甘我塊面真係唔知放係邊到好啦.......二來, 我無特意四處告訴他人有這兒, 是由於我想大家都係"隨緣"地進來了, 或者by random地search到我, 甘先有意思丫嘛...

不過無論如何, 既然大家都甘比面入左來, 都證明你們頗關心小蟲啦(or其實係因為八卦), 所以小屋還真的很歡迎你們的! 真的很歡迎~ 不過,在此小蟲強烈要求大家幫忙應承一件事, 人人都做得到, 就係以後唔好甘公開談論小屋的內容了(尤其係nao studio), 因為小蟲感到好瘀.... -_-" 別把小蟲的私事帶到回校啊, 手下留情please!

跟住要講講蘇生和許同學, 今日我又大開殺戒, 狂打人.....不過事情始末係甘既:

今日蘇生唔單止唔知做乜跟埋曹靚仔同鄒美女來field trip, 仲成日撩起我把火, 又出手打人, 又出腳踩人, 仲周圍亂拋垃圾, 破壞美好既長洲環境,(大家話拒有品嗎?)所以我數次還手, 可惜他持著自己係個麵包焚化爐, 大隻兼高大, 好幾次我都得唔到手, 還唔到擊.....於是我毅然向平時的敵人---許同學, 提出一個要求, 就係聯手攻擊蘇生, 結果拒竟然應承! 話會抓住蘇生, 等我有機會報復...哈哈哈哈哈哈, 最後小蟲獲得重大勝利, 雖然係阿SIR面前, 我都係用左最大既手力, 毫無猶疑地用件衫"鞭"落去....睇到阿SIR既開心呀...真係要多謝許同學, 竟然不計前嫌拔刀相助! 在下實在佩服你既胸襟!

哈哈哈哈哈, 就甘就過左一日啦, 雖然累到想訓低, 不過還是開心的^_^

所以說, 今日亦是一個奇遇, 是繼昨日那次之後另一個奇遇

PS. 以上由於涉及的人士太多及事情複雜的關係, 小蟲不能用同學甲,乙,丙命名故事裡的各位, 惟有使用真實姓名, 並且報導力求真確, 所以如有冒犯之處, 敬請原諒, 及, 請勿報仇...否則, 小蟲定當竭盡全力, 全力抵抗! ^_^

26/10~超.級.開.心 ^_^

今日, 本來只是一個平凡的上學日, 平凡的去白宮食飯, 平凡的上CHEM堂, 可是.......^_^

今日過了一堂由於班主任掛住同同學傾計而不上physics堂的異常空堂之後一踏出校門, 忽然被一對手扯住! 跟住叫: CC!

哈哈, 原來是阿媽和plant plant^_^, 同阿媽去食飯就成日都有, 但係連Flora都來接我放學, 實在是第一次!

接著去了阿媽屋企玩, 一玩就係3個鐘啦~實在太太太高興~試問我又點會係"可憐的校女孩"呀? 澳州大廚~

值得一提的是, 在前往車站短短的15分鐘裡, 竟然又被小蟲撞上了7個同學! 係, 係7個! 真巧~巧得很厲害...

這又是另一個奇遇......

以下的說話只是for土星小姐一人的^_^, 沒有興趣的朋友可以不看的~

土星呀土星, 小蟲今天忽然好掛住你添, 如果你在白宮出現, 那有多好呢~~~果晚我發夢見到我們一齊番學呀, 我仲話:"我地終於一齊番學啦..." 我當時真係以為係真架! 好似番到去小學一樣.....

最近小蟲因為自己心情差同你發左一場大脾氣....當時真係以為你不夠體貼小蟲, 以為你無心裝載, 唔理小蟲...原來係小蟲唔明你.....

所以, 好對唔住呀.....

25/10~加入了背景音樂"the color of eternal love"

今天聽聽下碟, 忽然想把小屋的背景音樂轉一轉, 所以就成了大家現在所聽到的"the color of eternal love"了, 希望你覺得好聽啦, 是Hotaru小姐的最愛歌曲, 日劇"冰之世界"的配樂.

24/10~半報喜....

今天派了上次提到那份chem test, 原本我真係以為會死掉的, 不過最終都讓我僥倖過關了....雖然不是高分, 得27.5, 而且很多人都很高分, 但是這是我自2000年以來第一次合格的chem test/exam, 真可謂喜出望外...真的! 小蟲好開心! 所以我會努力努力的!

現在班上的人都很喜愛讀書了, 小蟲也要撇掉懶惰的性格!

22/10~入來啦! 入來啦!!!

小蟲現在很希望大家能夠多些探訪小屋呀~~~~尤其各位新認識的朋友!!!!!(土星小姐,阿媽, 澳州大廚, 怪盜杰倫, Paco姐姐等等原來已經常常來的了, 這實在令小蟲太開心啦~~~)

請你們如果有空便到本小屋的BBS寫些東西吧~~~它靜到有點不正常了.....

至於今日呢.....

今日我宰了平生第四隻老鼠, 可是....這次, 就在要計分的這次, 我宰得好失敗, 血水四濺...老鼠呀, 你可死得很無價值了......

另外有件不得不提的事, 我最近認識了一個ICQ朋友, 竟然和我是同年同月同日出世的!!!我問他為甚麼add 我, 而他竟然說"by random", 並不是因為見到我的生日而add我的!!!!你話世事係0米好巧合呢? 我就覺得係啦~

仲有呀, 原來食史立消是會越食越咳架!!!! 咳緊千其唔好食呀.......

21/10~可愛嗎, 浮動中的中寶寶

今天加入了這張中寶寶圖片, 可愛嗎?

19/10~本小屋版面全面大革新~

今日本來只是想改善一直以來並非全部朋友都能進來的大弊病, 可是由於秋風已起, 就快到小蟲最喜歡的季節---冬天的關係, 小蟲決定努力替蟲蟲小屋來一次大換季!!!!希望你會喜歡啦~

今天小蟲為了要對抗由最近的不愉快經驗所引起的不安情緒, 很努力地把1998年的section E完成!!!! 可是同學妒忌我能夠在指定時間內完成, 竟然說:"0車! 你舊年做過既..."哎呀呀, 如果我是那麼的記性好, 今年就唔會同你做同學啦.....

另外, 暴力小蟲今日再度出手, 狂用報紙打人...不過其實是他先出手, 我只是自衛, 無做錯丫...係米?

我今日成日都扮好忙, 又扮病(其實都唔係完全扮架...), 又扮訓覺, 終於避得過被人錠野既命運了~...

今天的chem lab很難做, 所以我四點幾先走得...

最近喜歡上容祖兒的新歌"再見, 我的初戀", 在聽小松未步的"Love gone"也很有感觸, 點解? 看來非Friend們和當事人先知咯...

今天真平靜, 今天真好...

今日很難挨...真係死0左(個test), 未派都知結果...

不過, 小蟲今日不是要說這些...

今天午飯是最難挨的了, 找我吃飯的對象是一樣, 可是氣氛完完全全相反...我竭力裝若無其事, (我想他也是), 辛好有另一位口才好的而幽默的朋友在場, 才不至於那麼遭...我想, 一切都會淡化的, 只是時間的問題而已...

不知和誰講好, 因為, 完全沒有人知到有這件事, 朋友們可能猜得到, 可是當時我是死口不認, 他們只得個估字...我現在想說, 其實你們已經猜中了九成...

可是又不想獨自一個煩惱, 於是回到班房找了個相當口密的女孩子講....和她說過後, 果然"心メ開ゆサ" ...

不久, 有另一件事也令我心情恢復些許, 就是, 我又被捲入7S暴動裡了, 我不是想玩的, 然而, 次次都係人地先犯我的, 我已經被逼到埋牆, 惟有像以前般向那些可惡的好事之徒還擊: 我向他們錠野, 用盡我平生最大的氣力把好心同學捐出來的報紙球錠出去, 錠唔中, 我就出拳....無錯, 係出拳! 我已經無晒形象, 不過, 不打緊! 說真的, 情形真係同舊年不相伯仲.

打完人之後, 我就好番好多了...同時, 和那個令我很驚的人也能重新談話, ........啊! 友誼萬歲! 哪! 0甘米好0羅~

在面對他和對著同學時, 簡直是兩個我, 我是個雙面人...

雖然作晚(作晚乍!)已經知到澳州大廚回來了, 並會在今天與阿媽一齊來找我, 不過我還是很驚喜的! 和他們吃飯, 我好似回到中六時似的^^說真的, 中六那年是我最開心的一年, 因為識了很多好朋友...

回到班房, 本來預備好好溫習chem test的, 可惜, 我被捲入了7S暴動之中....被人擲野, 被人用紙皮盒"粒"....唉, 無法習中添...聽日死緊定!

14/10~凌晨的update...

update了nao studio... 剛剛弄好的呢...別奇怪為何我現在還有心情唱歌, 只是首歌一早已經錄好, 差未mix罷了.....今晚既然沒心情做功課, 便無無聊聊地mix好它了......那個時候我把聲還好好的, 怎麼我現在會失了聲的..............唉.......感冒太利害...幾天裡便能弄到你朝氣盡失

13/10~新消息!!!

本小屋終於建立了個BBS啦~真是要謝謝光之勇者那麼有耐心的教導啊!!! 要不然, 真是不知要何時才可以有BBS了...請大家有空便去說幾句吧!

因為小蟲懶惰的關係, 個BBS沒多大改動便啟用了...

今天我起得很遲, 十時許啦...然後開了電視, 一開就是明珠台, 本來是不想再聽listening的了(因為這兩天實在做得太多了^_^")不過卻偶然間讓我碰到一個很有趣的節目, 在此綜合了一些說給你聽聽吧!

1)原來人們說有夫妻相, 話夫妻會長得似, 是有根據的! 節目說:"夫妻之間在相處一段時間之後, 會互相學習對方的表情, 語氣, 姿勢, 動作...等等, 由於面部,以至全身肌肉得到了這種訓練, 所以兩人會越來越相似!" ---哈哈, 那麼, 如果兩人不似, 會不會等於他們不喜歡對方的? 哈哈

2)"人的面是左右相稱的(facial symmetry), 即有一對眼, 兩隻耳, 而且鼻子和口都在面部的最中間位置的, 可是並非人人的面都絕對對稱, 有些人的左和右邊面會有些微的分別....研究指出, 通常面部對稱的男人會被面部不對稱的女人 吸引,相反, 面部不對稱的男人也會被面部的女人吸引, 所以有些夫婦結婚多年還覺得對方的臉好看..."---原來外國都講面相的呢!!!---

3)"男性的左腦和右腦的聯繫只有女性的三分一, 即是男性不能夠像女性般一心二用, 例如: 男性會在全家食早餐時獨自出露台看報紙, 不能一邊吃一邊看,而且看的時候, 他還會聽不到其他事情, 只能專注在報紙上,反而女性會忙的不可交之, 因為她們能一邊吃, 一邊做家務"---哦? 那麼怪不得男人怕女人接受教育啦, 怕飯碗不保...

沒事了...應該沒事了..................希望人人日日都開開心心啦

咳到肺到痛....可能係報應吧...哈哈^^"

11/10~仲係好驚呀...似乎激親人...0添...不過我係唔會低頭0既! 作晚上網上到兩點....搞到今日成日都渾渾噩噩...直頭一潭死水(我都唔知自己講緊咩啦...sorry~)

10/10~點解........? 唉, 今日好驚, 好煩呀!

點解去到邊到都比人講, 比人笑架.............好驚, 好慘, 好煩呀!!!!原本已經夠煩架啦..........唔寫啦! 唔開心呀!

6/10~ 謝謝宇宙人^^, ジよパ やベゎシよィゥゆネエ!(日文應該無錯的, 因為我問過人的...)

今早檢查個guestbook, 意外地發現了兩個messages, (因為最近guestbook實在太太太空閒了~)有一個是Yume小姐留的, 另外一個就是宇宙人的啦!!!他說了些東西令我非常開心呢~~~因為小蟲從來不認為會有人想要牠的歌的, 所以最近的歌都不可以download的, 費事要uplaod0甘麻煩....哈哈, 但宇宙人竟然這樣說呢^^好吧! upload就upload 啦!

另外, 最近妹妹說在學校裡看見一個很像我的人, 連她的朋友和她自己都差點兒認錯!(有無搞錯!連家姐都認得錯!>.<)有D神奇呢!不獨她是這樣的! 某天我去食lunch途中, 有個form2/3的小妹妹對我說:"prefect姐姐, 唔好成日記我名啦!" 0下???我成年幾無做prefect啦, 點會記你名???我就答:"你係米認錯人呀??" 她又說:"0下?唔係你咩?無理由架!".......雖然我一直想要個孖生妹妹/姐姐, 不過如果對方做過的事(包括記人名這種可以令人產生怨恨而有可能報復的事), 而入我數, 就免啦!!!!哈哈!!!(講笑啦!) 究竟那人是甚麼模樣的????很好奇呢~

唉~附帶一提, 點解小松未步0甘耐都無新碟出架???????等到我發癲啦! 相信各FANS都會同我一樣焦急的吧!小松未步的single就是我的精神食糧!