自從同Flora食0左餐tea之後, 個肚一直好唔舒服...

到了晚上還嘔了一大餐...第二日就順便發埋個燒...

然後在一日裡訓0左16個鐘...仲係濛濛地....-_-

不過我始終無放棄長假期的黃金機會, 趁屋企無人, 就唱了兩首!

幸好兩首都要得~(因為常常在唱完後才發覺難聽得要棄掉...)

已經uplaod 了在nao studio啦^^

至於Laurence既新歌, 我想要等一下才uplaod了-_-

憎死做Lab !

今日又做Lab啦, 今次係今年第一次做chem lab!

雖然個lab尚算順利, (起碼無死到, D data都幾聽話...), 不過今日好辛苦, 令原本以為已經習慣了重讀生活的小蟲又再'黯然神傷'啦.....因為:

1.今日 under攝氏32度, 我要去那個全學校最頂層最熱既lab---chem lab ....熱到嘔!

2.要戴gogles, 仲係要戴係副眼鏡之前! 即是變了"六眼妹", 樣倒不是個問題, 但係gogles夾到個太陽穴非常極之辛苦...D汗係個gogles入面流....十張面油紙都無夠用!

3.要著lab袍, 係人都知我果年唔駛買lab袍, 以為今次實有得豁免唔駛著啦, 點知今日miss話:"唔得呀, 要著架..." OH ! 於是好心同學飛甘快就同我班0左件袍上來.....(唔怪得知D女同學個個0甘苗條啦, 個個星期都局sauna!)

4.今日做esterification同其他相關實驗, 有太多野要聞....聞完覺得想嘔...........看來我真的很不適合入lab..........

5.個lab report 要求太pro.....我唔識寫呀~

救命呀!............(係0米覺得有D誇張? 唔係呀! 真架!)

今日超失敗! oral表現很差, 個grade得4-

唉... 後日又要biol test, 掉低了成半年, 又要溫番...

聽日又要present吶喊...個個故事猶如猜謎語, 都幾係野嫁!

有時, 當面對這一切功課tests, 真係有D想自修, 有D後悔

不過, 既然條路係自己揀0既, 又有咩好怨呢?

幸好明日阿媽又會搵我食飯, 成為我明日上學的原動力

唔得呀, 好唔開心, 看看今個星期得唔得閒唱番首歌先! entertain一下自己都好丫! ^^"

你有無試過因為朋友給你的一些surprise而很感動呀? 我今日就試過啦^_^

今日臨近放Lunch0果堂, 我本來因為份listening做得差而頗失落的, 但是當我踏出學校大門, 就見到阿媽啦! 太surprise啦!!!原來她真的遵守了承諾, "搵日同我食飯" ! 仲於烈日當空下等我.....阿女真係好開心呀~~~~

雖然只是短短半小時的午餐, 但是我已經好開心啦~ 見一見面, 和阿媽談了一下, 我好像得到了一種無形的支持和推動力般呢! 心頭暖了...(真係好感動, 但也許我的面看不出來)

註: 阿媽是Queenie, 不是我的母親呀~

另外, 我都不清楚為何這個網頁一到夜晚就入不到, 也許是Geocities的問題吧! 雖然嘗試過換server, 不過好多東西都有問題, 所以還是請各位有心朋友內心等等Geocities的server恢復正常吧....或者等我有長假期是才搞吧! really so sorry!

隔了數天沒有update 啦! 希望你有掛住小蟲啦^^

昨日終於開始了TAS, 雖然我去年全部實驗都做過, 可是一入到個Lab, 我仍舊是一舊雲, 腦袋還是飄走了....對著那些實驗用品, 都不知怎辦! 仲令兩位阿SIR頗煩添...不說出來, 一定無人信我係repeater!

唉....為何我的LAB總是那麼水的???.....憎死實驗室, 憎死TAS! 為了擺脫LAB陰影, 我要努力上大學! 努力入一些同LAB全無關係的學系!(因為我不想被chemicals毒死都未天光呀！我唔想個肺被ＮＯ２弄至腐爛！因為阿媽已經再不能提醒我啦！)

不過．．．ＣＨＥＭ既ＴＡＳ又就來了．．．

今天呢, 我有兩位朋友都生日了, 可是她們都互不相識的! 可是身為外人的我就覺得很奇妙了, 很難找到和自己同一天生日的人吧! 如果我是她們, 一定會透過ICQ認識一下對方的^^ (如果你們要對方的ICQ的話, 找我吧! 兒, 士多0卑梨)

兒! 祝你生日快樂! 我們明天玩個夠啦!

(順帶一提: 我現在天天都在學校對面白宮食飯呀! 各位得閒過來見下面丫!)

用了這麼多時間來做甚麼? 答案是: 唱歌

雖然小蟲已經竭力壓抑自己不去想唱歌和聽歌, 可是還是不能! 越要不想, 便越想去聽....我...在忍了四天不唱不聽之後, 終於忍不了了...還是在昨日拿起了隻0米, 一唱就是兩小時...那麼, 另外的三小時呢? 啊! 用了來mix歌了....該死的小蟲....(新歌已經upload了在nao studio了, 不過走音無數的^^")但是, 唱完歌個心情係好好好舒暢嫁! 我在想, 其實, 如果不沈迷的話, 每個月拿少少時間來唱下歌, 都應該是件好事和不太過分的吧....(在替自己找藉口呢)^^"

另外, 我終於做完份對於小蟲來講難過登天既評論功課啦~(克服了啦! 恭喜恭喜~心情異常舒暢~)謝謝Flora姑娘幫了我這麼多呀! やベゎシよ~

呀! 還有, Miss Yuen已經生了BB啦! 唔知幾時可以見見她和BB呢???

是了! 蟲蟲小屋已經正式被Yahoo 登錄了啦~^^search到啦! search到啦!

still can't get used to it...

班同學應該是好人來的, 然而, 實在在他們面前還未能自自然然

在早會完時, 還是以為後面的男同學是邊走邊嬉戲的那班monkey

在Biol堂時, 還是以為隔離的是阿媽

在Chem時對著chem & soc時, 還是想睡覺

在maths&stat堂去601上堂時, 望著黑板前還未被拆下的假玫瑰花, 還以為Miss Yuen就在面前講文化問題

在去大家樂食飯時, 還是以為對面的是Fｌｏｒａ，　Ｂｅｔｔｙ隔離的是阿媽，　八八掛掛．．．

為了保存和你們一起的開心回憶，　我決定不去旅行和謝師宴了．．．（不是要孤立自己，　是覺得不太有意思了）

今日原本無打算上網, 但是為了找資料做功課, 惟有忍著ICQ的引誘只開了個IE啦...今日終於正式上堂, 發覺和舊年的要求好好好不同! 現在開始, 我要日日看報紙, 隔兩星期就要做事時評論, 此外, 還有"吶喊", 原來要做的呢......其他一連串的功課都排山倒海...評論, 這真是我最弱的一環....CHEM 老師亦提出了要測驗我最最"屎" 的OR CHEM, Oh! my god!舊同學們, 這真的和舊年很不同...不過, 我會努力的! >_<

幸好, 今天Yahoo為我帶來了個幾好的消息: 蟲蟲小屋將會被登錄到其網站搜尋器呢^^ 算是一件好事吧!

現在是凌晨兩時了, 可是做慣夜鬼的小蟲還是眼光光的...想下想下, 忽然想到兩件趣事, 於是即刻開電腦寫下來...

趣事一: 在今年放榜時候的某日, 我乘車回家, 在我對面有一個十五.六歲的男孩, 被他身傍的中年女人(應該是他的媽媽)指著類似是成績單般的物體, 罵到抬不起頭....就在他低下頭的時候, 我忽然發覺他戴著一頂和我妹妹一模一樣的帽子, 不同的是, 他把帽子戴錯了方位, (妹妹說帽子兩邊那些圓點應該和耳朵對齊的), 把圓點戴了在額頭上, 哈哈....此時我的眼睛停留了在他的帽子上, 可是他好像會錯了意, 以為我在看他! 隨即他竟然用手撥頭髮, 表現出一個頗"英俊"的模樣....哈哈哈哈....當時我好壞, 我心裡其實是笑他唔識戴那頂帽而看著他, 然而他好像以為有女仔望, 從他媽媽的罵聲裡還有心情對我"回禮"(撥頭髮, show show quali)..為了維護他的專嚴, 我惟有忍著笑, 等落車候先掩住口笑啦~

趣事二: 那天我悶到自己一個人出了街行, 行下行下, 見肚餓, 就入了麥記食野, 我坐低食野, 此時來了個男人指著我對面的位問: 有無人? , 我搖頭, 他便坐下了....這是普通的"搭檯", 起初是沒甚麼事發生的, 可是當我見到他把看起來好好味的魚手指"質"落那斗我生平最怕的沙律時候, 我心裡有些想嘔的感覺....可能就在此時我的眼睛不自覺地盯住了那男人拿在手的魚手指, 竟然令到他誤會了! 他把整盒魚手指推向我這邊來, 問: 要不要些? .....哈哈哈哈! 我還留著魚手指被沙律醬摧殘的回憶, 便說: 不要了....啊啊啊! 我再一次被誤會了! 今次19歲的小蟲竟然被人誤會自己為食, 真醜呢!^_^"

回家後, 冰雪聰明的長髮妹妹綜合兩件事情分析出---

1)我很容易被人誤會

2)我的行為不能正確表現出自己的想法(卻往往是相反的想法)

是嗎? 哈哈哈哈~

(還有27小時便要上學了! 加油吧!)