My Diary
6 - 7月 / 8月 / 9 - 10 月 / 11月 / 12月
30 / 11 今日都算好早起身呀... 因為我要溫日文呀... 星期一就考試啦...唔想唔合格呀~ 夜晚,我地一家人一齊打邊爐... 真係好耐好耐都冇試過0勒...
29 / 11 今日放假呀...我好舒服咁訓到11點幾... 之後3點幾就同左亞Wing去行街街... 4點幾再等亞Yan,Candy 同LonG 雞... 佢地出黎飲野傾計... 傾傾下...亞昊同大友又黎埋... 到左5點幾...我就去學日文lu... 學完日文之後,就搵番佢地食飯... 不過行行下搵佢地0個時, 居然有人走過黎,叫我去做part time model... 問我介唔介意用幾分鐘時間, 上一上去佢公司量一量個尺寸.... 痴線架....一睇就知道係呃人0既公司啦.... 仲有呀,可能佢係肓架...? 不過真係好搞笑呀... 食完飯之後..我地猜,邊一個Win就話事去邊... 點知俾亞Yan猜到話去西灣河... 之後11點幾先返到屋企...
28 / 11 今日去旅行0勒...我地搭巴士去集合地點... 我同亞Yan0係車上面食愛心早餐呀... 之後再搭校車去北潭涌... 我地燒左兩個鐘...0個d遊戲設施都未玩... d 老師就話要走人0勒...唔係亞化...??? 點解我地班要被抽中要BB蕉呀...如果有得選, 真係寧願唔燒囉...做乜去咁遠BBQ 0者... 我地去石澳燒唔好...? 去咁遠做乜...? 之後搭車出番銅鑼灣百德新街... 大家都傾多一陣計之後...就返屋企lu...
27 / 11 聽日去旅行0勒...亞Yan話冇衫著... 所以今日放左學要陪佢買衫衫呀... 之後先返屋企...唔知點解每逢星期三... 都好早好早就訓左覺0既.... 難道係因為太早食飯...? 之後搞到我冇野做?
26 / 11 今日好無奈呀...都唔知係唔係唔開心... 本來今日放左學之後,亞YunG佢 諗住約我地去玩0既...點知佢激嬲左條女喎... 所以放左學要陪女朋友....都唔得閒理我地... 亞Jay又放飛機喎.....所以我地就落左西灣河 食Tea....之後就返左屋企換衫... 再出返銅鑼灣學日文....
25 / 11 今日朝早好早起身去食早餐... 放左學之後就同亞WinG去左 銅鑼灣...再落旺角行街街... 5點到就返左屋企lu... 今日唔知點解好想發脾氣呀.... 好憫呀個人....
24 / 11 今日都冇乜野要做... 剩係去左學琴咋... 原來MisS Ng都好搞笑架... 同佢傾左好多計...唔錯唔錯...
23 / 11 今日講野開始有D問題0勒... 亞WinG俾左D藥我呀...不過叫我唔好而家食... 因為佢話不出半個鐘,就會覺得好眼訓架.... 同亞Wing 今日Just 睇衫囉...冇買過任何野... 不過我地0係旺角居然俾我見到"大眼妹"呀... 呵呵~同兩個男仔一齊...? 佢仲唔斷正...? 夜晚,我就要去爺爺度食飯0勒... 食到10點幾呀...如果照平常黎講, 我都巳經訓左0勒~
22 / 11 今日係星期五呀...0係學校做埋份pass paper先可以走... 之後一班人就去飲茶,另一班就去唱K.... 亞Yan點都要幅"Lee Hom"0既掛畫,真係好搞笑~ 之後Lone & Candy都出埋黎... 我地再去飲野等Candy 0個friend出黎, 因為佢0個樣好似日本仔架... 飲緊0個時,我地撞到好多好多人呀.... 銅鑼灣真係銅鑼灣呀....撞人0既機會都多D 0既... 之後大家就好無無聊聊就去左維園.... 夜晚再去食据扒....最後再去皇室堡玩...
21 / 11 今日心情都平平0既..... 同亞Yan所實行0既計劃失敗左0勒~ lunch 0個時,亞Yan好Down 呀... 因為有人收埋左佢本成三百幾蚊0既 business studies書...好彩後尾都搵番... 放左學之後,我地要留堂做Pass Paper呀... 不過都係做左半個鐘頭就做晒lu.... 然後就去食價格 $13 0既 tea.....正...
20 / 11 今日唔知點解真係真係好唔開心呀... 好想好想去打人.....發脾氣....呀 之後過左個lunch先冇乜事咋... 放左學之後,同亞Yan & WinG 落左 銅鑼灣飲野...都傾左好多野... 臨走0個時,我地撞到FiOn呀....哈哈... 真係都成一個月冇見過佢0勒... 返到屋企...食完飯之後... 好早就訓左覺0勒...西遊記都未睇晒呀... 唔知係唔係因為病0既原因呢...?
19 / 11 今日放左學之後,仲諗住返屋企放低d野... 再換衫衫出黎學日文...點知臨放學0個時, 先發現我冇帶鎖匙呀...所以冇得歸家... 至後就去左亞Yan屋企逗留左1個鐘多d, 咁就去學日文lu... 學完日文之後,約左Irene拎野.... 之後就好狼狽咁返屋企0勒...
18 / 11 今日咩咩student counil ,所以唔駛上堂呀... 不過今日真係好搞笑呀.... 我地幫我地0個班打氣呀... 尢其係亞Jay...佢每入一球,我地就高聲歡呼... 場面真係好正架...所有人都望到唔知點咁... 打完波之後,我地仲0係操場玩"糖痴豆"呀... 全校都望住我地玩...連MisS Liu都望到笑呀~ 唉~真係樣衰0勒,不過真係好有小學Feel架... 個個都玩到想死咁,所以放左學之後, 個個都話要返屋企訓.... 而我地就陪左亞WinG去剪頭髮...
17 / 11 今日唔知點解好早就起左身0勒... 我悶到起身燙衫囉...死未...? 晏就同左eric出去唱kk,之後 就睇鞋,買冷衫...
16 / 11 今日我好早起身呀......哈哈~ 因為我要去換ID.CarD 呀.... 我見到D賓妹拎到身分證0個時, 0個樣真係好似想喊咁0既..... 要握手,攬攬,同錫錫架....
15 / 11 愈黎愈覺得返學好悶0勒... 可能係因為個個都巳經成雙成對... 跟住d人就會重色輕友...sO........ 放左學之後,我地一共有14個人 落銅記飲茶...都算幾開心0既... 不過諗起頭先我地要等埋Carene開完會先走得... 真係有d想死0既感覺...因為我地 一直0係學校門口企到1點半呀...好悲~
14 / 11 今日好冇野做呀... 所以同亞Yan又去左老地方食野... 本來我以為亞WinG都黎0既... 點知..........唉......... 0個一刻,真係諗番起上次唱K 0個時 0既情景...D人走晒...剩返我同亞Yan...? 返到屋企,唔知點解又好似好眼訓咁... 所以我一訓就訓到食晚飯lu....
13 / 11 今日朝早課室好靜呀...緊係啦... 因為亞Yung,亞Jay佢地冇返呀... 小息之後,d人先一隻一隻咁出現... 放左學之後,同亞Yan & WinG 去左 老地方食野...哈~真係好耐都冇去lu... 之後就返左屋企lu... 不過返到屋企,我整完晒d無聊野之後... 唔知點解真係好眼訓...sO.............. 一訓就訓到9點lu...
12 / 11 今日本來我去BB蕉架...因為今日係 Mathew's Birthday...不過最衰佢地燒0既時間 咁0岩又係我學日文0既時間...撞到正囉~ 所以我同左EriC去唱KK,睇戲戲.... 原來"鬼船"真係一D都唔恐怖架... 學完日文之後,打俾佢地... 佢地玩得好開心囉...唉~無奈... 不過我諗我去到都未必開心啦.... 可能係因為某某原因啦...哈哈~
11 / 11 今日好無奈呀...本來我巳經都冇乜野.... 不過唔知點解梗係忍唔住0既....? 總之真係唔知俾咩反應出黎好... 放左學,去左"新記"食lunch.... 之後再去皇室堡...then再去行街街.... 點知我地撞到亞YunG同佢條女呀... 哼~呢個死野呀,有女都唔出聲囉... 不過我今日都撞到一個好耐冇見0既朋友仔呀~ 計今日為止,我同亞WinG一共見左 足足15日呀....真係搞笑...
10 / 11 今日真係好開心呀... 第一次咁無條件咁幫學校去做義工.... 一去到,巳經有一個女人幫我買左$160野... 之後再同亞Yan去sale"玩具"...好正呀~ 只不過係用左半個鐘就掃晒十幾盒0勒...癲架~ 夜晚,MisS PoOn請食dinner...用左七百幾~ 之後再同亞jack,yan & wing玩多一陣 Then就返屋企lu..... 我真係發覺做helper真係好好呀~ 起碼有d咩正野,我地係第一個擁有呀~ 哈哈~真開心呀~
09 / 11 今日真係好好訓呀~好遲先起身呀~ 晏D就同亞Wing去左銅鑼灣買鞋仔... 我地行去"銅鑼灣地帶"0個時... 見到一個著住白色衫,好長頭髮0既女仔 0係條街到行呀...好恐怖架.... 點知後尾先知道原來係宣傳緊 一套電影" 七夜冤靈 "....嚇死人咩~ 我地0係Sogo買左個巴夫黎食呀... 不過我地都係食左一半之後就掉左lu... 因為真係太多cream, 好"溜"架.... 今日無啦啦聽左一個消息呀.... 雖然我真係有少少唔開心呀~不過 我真係反省左好多...真係鬧得我0岩架... 所以我決定我唔理佢地0勒... 由得佢地想點就點啦... 你地0既事再唔關我事呀~
08 / 11 今日返到學校,個個都好似琴晚做完賊咁... 勁眼訓,勁唔唔想郁...不過 唔知點解test完之後,個個都好精神喎... 今日我地有得早放架...不過兩點鐘要 開會呀,所以要留0係學校食lunch... 點知到左2點,剩係同我地講左兩句野... 之後就叫我地走喎....真係幾憫呀~ 落左銅鑼灣之後,真係唔知又咩地方好去... 所以就照舊去左皇室堡玩0勒... 玩玩下,亞Yan & Friesta 玩倒亂呀... 不過真係好好搞笑呀...唔識我地 0個D人真係以為我地係癩架... 最驚嚇0既就係我見到.......我見到... "佢...佢..佢."D Friends呀... 最唔想發生0既事居然發生左呀~ 不過點解係見唔到佢0既...?
07 / 11 今日放左學班際足球比賽... 我地睇睇下波,0係無聊之中, 居然見到"彩虹"呀....好靚呀... 我地0個班當然係獲勝啦...所以之後我地 走左去西九龍食壽司慶功... 我地一共有9個人去,個個都癲架... 個個都鬥食得多,又講又笑...仲要加埋食... 真係好辛苦呀...好彩我都唔弱... 我都食左26舊...之後食到9點就走lu... 不過最經典0既就係... 我地玩到冇野好玩...居然9條友 係MTR裡面玩踩腳...係咪好低能呢? 至搞笑就係臨尾0個時,亞Yan 玩野, 0係亞Jay鞋上面擺左個"芭蕾舞"姿勢...哈哈~
06/ 11 今日放左學之後,就好白白痴痴咁 去左North Point cut hair~ 再晏D就去拎眼鏡lu.... 真係好無無聊聊的一天哦~
05 / 11 今日都算好開心0既.... 放左學之後,就一班人去左 皇室堡玩...最後走剩四個,之後再去 銅鑼灣廣場...真係好好好開心呀~
04 / 11 今日好唔開心呀...本來諗住放左學 之後,去西九龍食壽司...點知個個 都話唔得閒,話留番星期四先食... 算啦~所以我地就同左亞Ken去 到"好麵善"食lunch...今日我同左 Joly講左好多野呀~都算幾開心... 所以食個lunch都食左成粒鐘呀~ 食完個lunch之後,我就返左屋企lu... 真係乖0勒...哈哈~
03 / 11 0係Zoe 屋企真係玩得好開心呀~ 我同亞Wing 打mah jong一齊 win 左 $ 29 呀~所以都請大家食野~ friend 底冇計啦~ 到左凌晨0個時,發生左一單 好搞笑0既野呀...真係好無奈囉... 總之個個都埋怨"黑仔華"啦... 黑仔真係冇得醫架~ 到左朝早,食完早餐,8點先返到屋企呀~ 個個當然一返到屋企,就唔理 三7二十一,即刻訓覺覺豬啦~ 我訓到兩點就起身0勒... 不過都依然係好眼訓架... 所以夜晚0個時,我都好早就訓左覺lu.... 不過我真係唔會忘記呢一個 咁難忘的一個凌晨呀...
02 / 11 今日遲左起身呀~因為我D樂理都唔熟~ 所以想拿拿臨起身溫書... 到左兩點,我就考試0勒...哇~ 我即刻諗番起我之前會考0個陣時呀~ 唔同0既,只不過係同一班小朋友同大朋友 一齊考試之ma...做左一個鐘頭之後, 咁就早走左0勒,之後就去左Zoe屋企玩lu... 我一落場打mah jong,就即刻"淋"莊 連win五次丫,真係開心0勒~ 等到人齊之後,我地先再食飯... 哇!一大班傻人0係同一張檯食飯~ 真係好好笑,好開心呀...所以餐飯 好似食極都食唔完咁0既...
01 / 11 今日影班相呀...好彩我琴晚都算早返屋企0者... 放左學,同亞Wing去左旺角行街街~ 我地居然用左兩個鐘頭,就行晒 旺角0勒...仲有時間食Denifence呀~ 之後4點再去尖沙咀"利時"行... 差唔多時間就拎住d戰利品返 銅鑼灣學日文lu....學完之後... 就meet番亞Yung , Jay & Yan 食飯飯~ 打機0個時,最後15分鐘.... 真係好搞笑呀....不過有佢0係度 梗係有少少唔鍾意0既....