...話說上回「風雷堂」三大高手圍捕變態大魔獸，但也不能力敵，就係三大高手深感絕望，擔心千年道行一朝喪，晚節不保之際，兩位武林星宿李姑娘同孟大夫及時趕到。李姑娘一見情況危急，立即咒出令人聞之喪膽o既「佛碑藤」，有傳此功能令人心神交碎，五臟皆裂，耳膜爆破，而孟大夫也不甘示弱，使出「藥王門」不傅秘技，絕招「化鶴布告」此兩招當真驚天地泣鬼神，任你絕世武功，也不能一免，定會俾人抽乾骨髓致死。兩位絕頂高手果真非同凡嚮，此招一出大魔獸也感厲害，收起笑容，大叫我命休矣！感到絕望地道：「你兩個好野！凡事留一線，日後好相見，你地趕到我咁盡？！好！你不仁我不義，我只好用天竺絕技，「抄書龍爪手」抄盡天下沒敵手！我出黎撈左咁多年，末有野難到我，想當年我一條冷，單手欏住枝PILOT，係石塘咀抄到去銅鑼灣，連抄十八本而面不改容,你地即管放馬過黎啦！」
雙方大戰三百會合，紙來筆往，殺得雙眼通紅，大魔怪筆走龍蛇，初初也尚能勉強應付，但慢慢也感吃力，李姑娘再加一把勁，大魔獸終於都頂唔順血氣上湧，真氣外洩，口中一甜，大量口水狂噴而出，立刻當場昏迷。歐楊潘則把握機會將佢上綁，停眼一望，真係嚇佢一嚇，竟然俾佢發現，同佢打咁耐o既大魔獸就係剛剛係天竺國黎中原o既黑鬼智大師！
(風雷堂內刑室)李姑娘道：「犯人黑鬼智，點解你要咁做？平時睇你斯斯文文，除左成日抄人地d秘笈同樣衰之外，你都無乜點呀，真係估唔到會係你，你對班細路做過d乜，搞到佢地咁，你有乜解釋呀？」
黑鬼智話：「其實....其實....因為....因...為...我..我自己生得樣衰，由細細個開始已經俾人笑到大，搞到我無晒自信心，後尾仲變左心理唔平衡，一見到d可愛o既細路仔就忍唔住捉佢地返屋企...」蔡嘉芙一聽到就火都黎，大叫：「俾我教訓個賤人，等我用「風雷堂記紙神功」記死佢！」溫娘娘立即同佢勸佢唔好，等阿黑鬼智講落去：「我一捉左d細路返屋企，就會………. 就………就…….. 就會….. 我都係講唔落去，好殘忍，我自己一諗起都想嘔….. 」大統領好似發左顛咁狂叫：「你講落去，如果你唔講，我會仲殘忍！」黑鬼智話：「我…. 我…….. 我迫佢地望住我正面個樣十秒，仲要大大聲叫我靚仔！我對唔住大家，我知我無人性啦………. 」，「風雷堂」d高人大吃一跳，完全唔想信人世間會有d人可以做d咁o既野出黎，可以咁無人性！所以統領也不顧一切，要用自古以來最終極的刑法，(相傳此法好很殘忍，一般人就算聽一聽都頂唔順，驚到失禁，就算大膽的人，聽到都出一身冷汗。)娘娘再三問佢：「你真係要用？好殘忍喎」統領好堅持咁話，「唔得，我一定要咁做，如果唔係，唔可以發洩我心中的憤怒！」娘娘嘆道「唉！………算啦，鬼叫佢不識自愛，有咁o既報應，都抵佢死啦」統領大喝一聲：「絕招！…. 「唔………. 同…….. 你…………食………. 飯………！」」黑鬼智慘叫一聲，從此絕跡江湖，遠走天竺。
全文完，對唔住，寫到這類，無乜心機，所以有少少虎頭蛇尾，草草收尾，希望陸運會可以俾多d靈感我啦！
好書介紹
