好辛苦先搵到張齊人o既舊照，不過影得唔太好~

偉大o既老豆~

玩起上o黎可以好癲，惡起上o黎又可以好得人驚。

最叻係搶修屋企壞o左o既o野，勁過維修師呀。

佢最鍾意睇VCD同瞓覺，做o野辛苦o麻。

hehee...

勞苦功高o既媽咪~

最緊張我o地幾個仔女，成日掛住理我o地，攪到老豆呷醋。

hahaa...

媽咪最叻就係煮o野食，咩都識整，我o的friends試過佢o既手勢都讚好o架。

攪笑o既細佬~

年紀同我差成7年，但係就可以玩得好埋 (雖然我成日鬧佢...haha)。

佢成鬼日做埋o的攪笑動作，好得人驚。

睇漫畫同打機就係佢o既嗜好，平時仲有學欖球、粵曲&笛子~

得意o既細妹~

細我成11年，但都冇代溝 (可能因為我o既精神年齡??????)

佢係我o既私人助手兼顧問，好幫得手o架。

不過佢都幾牙尖咀利，有時都會俾佢寸親。

佢都有同細佬一齊學粵曲，仲有古箏。

靘仔o既公公~

公公最疼就係我o地一家人，尤其是係我呀。

我o地久唔久都會陪佢飲茶，佢就會好開心。

佢好貪靚o架，次次都要著到仕仕正正同擦到對鞋蠟蠟拎先會出街o既。

hahaa...

靚女o既婆婆~

婆婆都好疼我o架，話晒我細個o個陣係佢照顧o架o麻，所以我o地感情都好好。

我放長假都會去公公婆婆屋企住o下o架，似足渡假，

因為佢o地咩都唔俾我做，又會整好多好味o既o野俾我食。

婆婆最掂o既係整魷魚肉餅同稯，我o的friends同宿舍o既同學食過都話好味o架。