《愛是…》 by 紫雨
 
《第十二回》                                          12 May, 2003

　

 
< > 類心想   << >> 筑紫心想   <<< >>> 司心想
 
上回提要：
類與筑紫返回英德上課，小滋亦由永林學園轉到英德讀書。午飯時，小滋與F3在餐廳裡，看見類與筑紫正走近餐廳。
…………………………………………………………………………………………
~學生餐廳~
 
小滋：「你地睇嗄，一講曹操，曹操就到。」
 
類與筑紫進入餐廳，看見F3與小滋後，便走到另一邊坐下來。
 
小滋：「點解佢地唔過o黎坐o既？等我去叫佢地先。」
 
西門：「小滋，唔好去叫佢喇。」
 
小滋：「點解呀？」
 
西門望了望道明寺，說：「難道你想令到筑紫難堪？」
 
司不耐煩的說：「你地要講果個麻煩女人講到幾時呀？我地係o黎食飯，而唔係傾偈架。」
 
<<<點解我見到類同果個麻煩女人一齊，我就會覺得好嬲o既？唔通佢真係我忘記左果個人？>>>
 
~另一邊‥類與筑紫~
 
類：「筑紫，不如我地去過第二度食飯？」
 
筑紫：「點解呀？」
 
類：「阿司都響度食飯呀。」
 
筑紫：「類，你放心啦，我識得去面對架。我諗通架喇，雖然我同道明寺做唔成情侶，但我都希望我地可以做到朋友。」
 
類：「你識咁諗就好喇。」
 
筑紫：「好喇，我地快D食飯先啦，我好肚餓呀。」
 
筑紫與類吃完飯後，便走到小滋與F3那兒。
 
類：「司、美作、西門。」
 
司：「你仲記得有我地三個兄弟咩？」
 
類冷冷的對司說：「司，筑紫佢有野想同你講呀。」
 
司：「有咩你就講啦，我唔係好多時間架。」
 
筑紫：「道明寺，我唔會再去煩你，但係我想同你做個朋友，咁得唔得呢？」
 
司：「看在你係類o既女朋友份上，只要你以後都唔再去煩我，我會嘗試去同你做個朋友o既。」
 
筑紫：「多謝你呀。」
 
美作：「好囉，咁大家以後就係朋友喇。筑紫、類，你兩個坐底一齊傾偈啦。」
 
筑紫：「好呀。」
 
之後，類與筑紫便坐了下來。此時，從遠處傳來一陣叫喊聲，而且有一個男子正走過來。
 
男子：「筑紫！筑紫，我好掛住你呀。」
 
筑紫：「和也！？」
 
司：「暴發戶的兒子，你唔好再響度大叫大嚷呀。」
 
和也：「你無資格話我，唔係因為你，筑紫都唔會走架。」
 
筑紫：「算啦和也，我而家都返左o黎喇。」
 
和也：「但係……」
 
筑紫：「無得但係呀，而家道明寺係我個朋友o黎架。」
 
小滋：「好喇，我仲有好多問題想問筑紫架，和也，你都快D坐底啦。筑紫，呢兩個星期你同花澤類去左邊呀？」
 
筑紫：「我地去左北海道，之後仲響當地一間旅館打工。」
 
和也：「花澤類都會去打工？！」
 
類冷冷的說：「唔可以咩？」
 
之後，筑紫將所有在當地發生的事情，當然包括類打工時的趣事，她全都告知他們。
 
西門：「咁我去搵你地果日，你地去左邊呀？」
 
筑紫欲開口說的時候，她想起類在函館向自己表白，便不禁臉紅了。
 
類見她尷尬的模樣，便代她回答西門的問題，說：「我地只係出左去周圍行嗄。」
 
西門：「哦。」
 
筑紫見類替自己解話，便向他報以一個感謝的微笑。
 
《待續》

 
作者的話：
我明天有test，今日理應溫書家嘛，但係我又忍唔住作左呢一回。唉~~聽日都唔知點死喇~~*_*~~
睇完記得去我個板板留言呀~~Thanks~~^^~~
網址：http://gb1.hiweb.com/afgb.php?A=a217-purplerain