《愛是…》
by 紫雨
< > 類心想 << >> 筑紫心想
上回提要:
筑紫與類後課,而且小滋也從永林轉校到英德。另外,筑紫與司成為「朋友」。
…………………………………………………………………………………………
~英德學院~
下課的鐘聲響起,在筑紫的課室門外聚集了一群女學生,像是在圍觀甚麼似的,筑紫起初也沒有多加理會。
女生甲:「我從未試過在這麼近的距離望花澤類的,他真的很帥呀。」
女生乙:「為甚麼他會站在這裡呢?」
當筑紫聽到這兩個女生的對話後,便立即拿起袋子往門外走。
類:「筑紫,你終於出黎喇。」
筑紫:「你做乜響度既?」
類別有用心的說:「你唔記得我同你講過,我會一直咁等你咩?」
筑紫:「類,我……」
類未待筑紫將話說完,便帶開了話題,說:「唔好講喇,我送你返屋企先。」
筑紫:「唔該你呀。」
類與筑紫在途上都沒有說話,他們各懷心事地望著窗外的景物。
<筑紫,究竟你幾時先會接受我?唔通我真係比唔上阿司,俾唔到幸福你?>
<<類,我真係唔知點樣同你講。其實我係鍾意你架,但係我又驚你以為我係將你當成阿司既替身。>>
不久,便來到筑紫的家了。
筑紫:「類,唔該你呀。」
類:「嗯。係喇,由聽日開始,我黎接你返學,好唔好呀?」
筑紫:「好呀。」
<<咁我就可以有多D機會同你講清楚喇。>>
~筑紫家~
筑紫與類話別後,便回到家中。她一打開門,便看見牧野夫婦與阿進在執搭行李。
筑紫驚訝地說:「爸爸、媽媽、阿進,你地做乜執行李呀?」
筑紫爸:「筑紫,我地要去漁村生活呀。」
筑紫:「點解咁突然架?」
筑紫媽:「其實今次我地去漁村,係因為我地有個親戚要移民,但係佢又唔想結束間小食店,所以咪叫我地去幫佢囉。」
筑紫:「咁點解連阿進都要跟埋你地去既?」
筑紫爸:「如果佢留鍇度受你一齊住,你既開資一定會好大架,我地唔想你有咁大既負擔,所以咪要阿進跟埋我地一齊去囉。」
筑紫:「不如我跟埋你地一齊去漁村丫?」
筑紫媽:「唔得,你要留響度讀英德,我地一定會供你讀完為止架。」
筑紫:「嗯,咁你地幾時出發呀?」
筑紫媽:「我地聽日一早就去喇。」
筑紫:「我去送你地丫。」
筑紫媽:「唔駛喇,你耍返學家嘛。」
筑紫:「咁我得閒就去探你地丫。」
~第二日~
類一早便來到筑紫的家,他看到筑紫正與她的家人話別。
筑紫媽:「筑紫,你自己要小心D呀。」
筑紫:「你地都係呀。尢其係爸爸你,要俾心機做野呀。」
筑紫爸:「你放心啦,我會架喇。」
筑紫:「阿進,你要俾心機讀書呀。」
進:「姐姐,你就黎好似媽媽咁囉唆喇。
筑紫:「姐姐都係關心你咋。」
筑紫爸:「好喇,我地夠鐘要出發喇。」
筑紫:「再見。」
筑紫的家人走後,類才現身。
類:「筑紫,早晨呀。」
筑紫:「類,早呀。你咁早既?你唔係要訓十五個鐘頭先夠咩?」
類:「因為我應承左你黎接你家嘛,咁我又點可以遲到呢。」
<<類,你為左我犧牲你既睡眠時間,真係好多謝你呀。我一定會搵機會同你講清楚架。>>
類:「係喇,你D屋企人去邊呀?」
筑紫:「佢地由今日起,就會去漁村生活架喇。」
類:「咁你呢?」
筑紫:「我?我當然留番響度啦,我仲要返學架。」
類:「咁你而家咪自己一個人住囉?」
筑紫:「係呀。」
類:「咁不如你搬去我屋企住丫?我唔放心你自己一個人住呀。」
筑紫:「嗄?!去你屋企住!俾人見到講閒話就唔係咁好啦。」
類:「咪由得人地講囉。」
筑紫:「但係……」
類:「無得但係呀,今日放學之後,你就搬去我屋企。」
<咁我以後就可以成日見到你喇。>
《待續》