《me @ PRISCILLA》~ 留言版留言

玩野攪笑篇~　　　　　溫情篇~　　　工作篇~

	背景：會長同慧嫻日本遊回來後
	Note Nr.: 2948 from 2003-12-04 03:08:08 by 版主 email: no email url: no homepage 經過呢兩三日的觀察，我發覺公會主對佢自己的高度非常滿意，因為: (1)助手小姐矮過公主，公主就不停想佢買鬆糕鞋; (2)我高過公主，公主又要食短我對腳; 應該係咁啦!
	背景：會長到過慧嫻家後... ...
	Note Nr.: 3138 from 2003-12-14 13:36:13 by 版主 email: no email url: no homepage 嗚嗚......你地話比我知，係咪無論公主變成點，你地都咁愛佢呀??????? 謝謝........嗚嗚.......
	Note Nr.: 3144 from 2003-12-14 14:15:27 by 版主 email: no email url: no homepage 今日下午陳san call我入宮領獎，我去到之後，陳san係到食緊粥，我仲以為陳san"論盡"食到成口都係，但係佢食完o野，咀唇及對上仲係有條痕，我問佢o羊o野o黎o架?佢話琴晚同BB玩，BB抓傷佢，現在是一條一吋長的血痕...............依................19/12要出鏡o架嘛................BB好衰呀!!我頭先打o左佢一身，豈有此理!! 唔謝!!
	背景：會長與慧嫻打完麻雀後~~
	Note Nr.: 3592 from 2004-01-02 15:46:43 by 徬徨的版主 email: no email url: no homepage 昨晚與陳san、助手小姐及醫生打了四圈麻雀，這是陳san自從1989年尾與十數名Fans餞行飯局中打過幾舖牌之後第一次打麻雀(除了她曾在美國玩過電腦麻雀外)。其實，這不算是打麻雀，因為陳san打牌o個陣好似玩砌積木咁。陳san打牌好好笑，佢搭牌好似砌積木咁又慢又”論盡”，她在助手小姐下家，四圈麻雀中不停向助手小姐打眼色，好似助手小姐打了五素，佢就會戚下眼，原來佢想要五筒，助手小姐為o左逗佢開心，就不停鬆張比佢；她又會亂咁摸牌，有時係呢邊摸，有時係o個邊摸，有時係中間摸；對家打了牌，佢又會話”上”；如果佢想碰牌，佢唔會叫”碰“，而係叫：呀……………….。仲有一個經典場面，就係佢有一二三四五筒，不過佢唔知甚麼是叫兩飛，仲打了四筒出來，單吊五筒，但又比佢食出(雞糊)。我地三人要兩番起糊，但佢就可以食雞糊。最後，陳san食了大約八舖雞糊、四舖一番及一舖自摸兩番，以食糊次數來計算，陳san得了<新年勁爆至尊食糊大獎>。醫生都好攪笑，第一舖就大相公，我地都好人慈，比佢放番一隻牌出來，最後都食了五番。不過食頭糊，並沒有輸甩褲，因為有我墊底嘛……………………. 待續……………..

	Note Nr.: 3595 from 2004-01-02 16:52:11 by 迷失的版主 email: no email url: no homepage 昨晚頭一圈，我有舖牌12張單吊”紅中”，輪到陳san打牌o個陣問o左我一句：妳係咪食唱歌o個個呀?? 其實我唔知佢講o羊，因為怕阻住人，所以求祈話：o下?唔係。點知陳san就打o左隻”紅中”出來，我就食了六番，佢要比64蚊籌碼我。跟住就慘囉，陳san不停鬧我話：妳又話唔係食唱歌o個個!!!!! 我咪話：我都唔知妳講邊個呀?鄭中基呀?? 陳san話：有無攪o左錯呀，”紅中”呀，巨人三重唱其中一個歌手咪叫”紅中”囉!! 救命呀，我都唔識o羊叫巨人三重唱呀?? 之後，每一舖”紅中”出現o既時候，陳san就會o卑o下我，佢仲會依依吟吟話：係窮人身上羅$$。終於攪到我唔敢食糊，尤其係佢打出來的牌，我聲都唔敢聲，情願博自摸，但一舖都摸唔到，就比其他人食先。最後，我就變了大輸家，我輸了108蚊，醫生輸了27蚊，而陳san輸了72蚊，助手小姐鬆張之餘又不忘食了幾舖大牌，成了大贏家。我以為我輸得最多就無事啦，點知臨走前陳san都話會記住我食o左佢隻<中>。我一路搭的士一路好後悔，估唔到佢記我咁耐，終於攪到訓唔著，但驚唔知醒返工又唔敢食藥訓。今日開工忐忑不安，唔敢打比佢，又驚佢打比我，最後send了兩個SMS認錯，話佢知我很後悔，如果因為一隻<中>破壞了廿年感情，很可惜。傍晚，我收到她吩咐助手小姐send比我的SMS話：呀姐話妳不錯在食紅中，錯在妳唔識紅中，知嗎?? 即係話，陳san仍記住我的錯。而家，我仲係好驚佢打比我，我亦都唔敢打比佢，但又有事報告公主大人，最後我都係Email比佢，然後叫佢開電腦睇。好驚呀………… 謝謝!!
	背景：有人問：『乜慧嫻唔識打牌架咩？』
	Note Nr.: 3601 from 2004-01-02 17:51:32 by 版主 email: no email url: no homepage 佢真係唔識o架，食極都係雞。仲有呀，佢o個舖一二三四五筒，我地教佢打一或打五叫兩飛，但講極佢都唔明，淨係話：咁咪無o左隻眼囉!!!!!! 點會無眼呀，佢成晚都用眼o卑我!! 如果下次再入宮打牌，我會用卡羅多D$$去打牌，因為我唔打算食糊囉!!我要送$$贖罪呀!! 謝謝!!
	背景：幾日後...
	Note Nr.: 3990 from 2004-01-14 17:49:05 by 版主 email: no email url: no homepage o個日我碰紅中，公主又試啤我，仲口噏噏咁話：成日攪人啲紅中............. 以後大家打麻雀千祈唔好碰紅中，食紅中呀，啲紅中係公主大人o架，知冇???? 真係比佢激鬼死!!
	背景：話說會長又再同慧嫻打牌，其中一鋪慧嫻由食出，會長便為慧嫻所食出的牌拍下一張相... 怎料回家看相後才發覺原來這鋪牌... ...慧嫻小相公！！！！
	Note Nr.: 3993 from 2004-01-14 17:59:36 by 版主 email: no email url: no homepage 無人偷牌喎，佢都係無哪哪食出爆棚，最奇係我返到屋企睇相先發現佢小相公，但係當時我地照比$$喎。陳san, refund 呀!!!有相為證，妳唔refund我就民事起訴妳...............哈哈...........，但...25仔咁忠心，佢上庭一定會比假口供啦，點算好呢???? 但我度下先。
	背景：慧嫻被會長和助手小姐玩~~
	Note Nr.: 4120 from 2004-01-18 17:50:52 by 版主 email: no email url: no homepage 現在有一則公主被捉弄的報導：昨晚我和助手小姐送嘢入宮，未上樓之前，我地發現公主和朋友在Club House嘅網球場打波，於是乎我靜雞雞以草叢遮掩然後影相，當閃光燈一閃，就比公主發現，然後我地就逃走，坐咗係遠處草叢石壆，跟住望番落去網球場，已經唔見咗公主同佢朋友。原來，公主以為有狗仔隊影相，所以和朋友氣沖沖走上來想鬧人，當佢見到係我地之後，佢個樣幾鬼好笑呀!! 好彩我地無逃離現場，否則可能連累了警衛叔叔要四周捉狗仔啦!! 公主拎住個球拍氣沖沖好鬼嬲o個個樣好鬼凶猛o架，但仍然很靚，hehe........... 報導完畢!!

	Note Nr.: 4123 from 2004-01-18 18:10:58 by 版主 email: no email url: no homepage 你地有所不知啦，其實我都係用心良苦o架，我都係想訓練下佢啲警覺性啫，結果幾好丫，考試合格。哈哈............
	背景：03年12月時，會長特地請假在家中溫書應付日文考試，但慧嫻卻要會長與她一起到日本旅遊。會長考試後自覺考得不好，但最後卻考試合格，慧嫻送她一支 "孖蒸" 作禮物祝賀～
	Note Nr.: 5343 from 2004-03-29 03:50:06 by 版主 email: no email url: no homepage 梗係做紀念啦，邊捨得飲呀，姐姐寫咗好多字係到，好有紀念價值架，今晚影相比你哋睇下啦!! 乾杯??琴晚姐姐用sake乾咗我幾舖啦.......幾high呀!! 佢不知幾開心，因為唔駛責任承擔嘛，人哋考試又夾咗我去日本shopping做翻譯.......!! 謝謝!!
	背景：慧嫻與版主之電話對話~
	Note Nr.: 5370 from 2004-03-31 16:43:25 by 版主 email: no email url: no homepage 剛剛收到公主好奇怪的來電...... 姐姐：喂.....妳同我update啲資料丫... 版主：update資料??乜嘢資料呀?? 姐姐：我最鍾意嘅歌曲係"幸福的條件"... 版主：咩呀???無啦啦update歌曲??? 姐姐：呢.......我以前咪話過有自己最鍾意嘅歌曲嘅，而家我係最鍾意"幸福的條件"呀，妳同我話比啲fans知啦... 版主：等等....我摷吓本會刊先......喂...妳係會刊話自己最喜歡的歌曲係："最後的纏綿"，"從今夕到永久"，"從一而終"同埋"幸福的條件"喎.... 姐姐：咁"幸福的條件"係咪排第一呀?? 版主：妳o個時話排名不分先後喎.... 姐姐：咁總言之妳要幫我update啦，我而家係最鍾意"幸福的條件"呀..... 版主：哦....好啦!!點解妳無啦啦打嚟"幸福的條件"呀?? 姐姐：我今日聽番自己啲歌，聽咗幾個鐘呀，發覺都係呢隻歌最鍾意囉... 版主：咁妳覺得陳慧嫻唱歌好唔好聽呀?? 姐姐：梗係好聽啦(語帶堅定)!!! 版主：哈哈......識貨.... 姐姐：就咁啦，再有最新消息打比妳啦.....bye bye... 版主：bye bye ... 各位Fans，我現在正式代慧嫻公主宣布，由2004-4-1(愚人節)起，慧嫻公主最喜愛的陳慧嫻歌曲是~~~~~ "幸福的條件".....!! 請鼓掌!! 謝謝!!
	背景：留言版內大家都討論著自己用什麼歌作為電話聆聲～
	Note Nr.: 5864 from 2004-06-02 16:27:29 by 版主 email: no email url: no homepage 我係用情意結。曾經用過飄雪，俾人話我：嘩........仲用呢隻歌，妳"leung"唔"leung"啲呀........!! 於是我就話：妳咪詆毀飄雪呀，咪詆毀我姐姐呀.....豈有此理!!!!! 佢見我咁認真，跟住就唔敢再出聲囉。呢個人........咪就係唱歌好好聽嘅陳慧嫻囉!! 而家佢聽到我電話響，個咀笑吟吟咁啦!! 謝謝!!
	Note Nr.: 5879 from 2004-06-04 15:16:45 by 版主 email: no email url: no homepage 佢係用原裝電話裡頭已有嘅鈴聲啫，佢唔會自戀狂用自己歌架，邊好意思呢如果比人聽到嘅話，用其他人嘅歌都唔會啦，妳叫佢用邊個喎??所以佢都係用"lin lin"咁囉........。謝謝!!
	背景：會長對慧嫻愛護有加，又隨傳隨到，懷疑上一世不知久了慧嫻什麼...
	Note Nr.: 5939 from 2004-06-10 17:40:57 by 版主 email: no email url: no homepage 乜妳唔知我哋段故咩?? 話說好多年前，我同佢講，唔知點解我咁錫佢咁撐佢..??於是我就話佢知，我應該前世欠咗佢，所以今世一定要嚟搵佢報恩，咁佢就話：咁妳前世欠我啲乜呢??唔通妳前世搶我米....?? 過咗一段日子，都好幾年咯，我依然都係對佢不離不棄隨傳隨到，於是我又同佢講，如果我前世係搶佢米都應該還晒啦，點解我仲要咁辛苦為佢做咁多嘢呢??於是姐姐又話：唔係，妳前世原來唔係搶我米，係搶我金呀，妳未還夠架......!! 今晚見過姐姐嚟，傾咗兩三個鐘添，佢都有提我前世搶咗佢幾隻金飯碗喎，咁 o岩妳又講呢個問題嘅，好邪呀....... 今晚有一刻佢同我講嘢我無為意所以無應佢，跟住佢就叫我:姊妹........ 我叫佢姐姐好耐lu，今晚佢叫咗我一聲"姊妹"，我有啲好特別嘅感覺囉!! "姊妹"???好似買雜誌睇咁........ 今晚講到一個話題，姐姐用"無價"嚟形容我同佢之間嘅關係，最衰我哋成日攪笑玩晒嘢咁，所以佢都係笑住嚟講嘅，如果佢好嚴肅咁講呢句說話，我諗我會感動到喊lu........ 謝謝!!

返頭一頁~~