玩野攪笑篇~　　　　　溫情篇~　       　　工作篇~

背景：會長講成為會長之過程

　

Note Nr.: 1653 from 2003-10-15 17:56:09
by 版主

 

email:  no email 
url:  no homepage 


當年我都係fans，第一代o個隻，慧嫻一出道就識佢，因為成日去電台呀電視台呀見佢，後來幾好傾，關係就密切o左，1986年經理人成立歌迷會就搵我同細妹幫手，1989年經理人公司同慧嫻完o左合約，歌迷會要淪為孤兒仔，因為唔忍心要解散，我同細妹咪懶勁咁執o左Fan Club返屋企養囉，一路等慧嫻由美國畢業回來，一直幫慧嫻撐住唔比o個Club散，因為我地係獨立o既，不屬唱片公司或經理人公司，我只需向慧嫻美女交代，所以就算慧嫻轉公司都不受任何影響。

　

　
背景：慧嫻在電台訪中提到 "歌迷們在網上有一個聊天的地方”，即是歌迷會的留言版，有人說：『慧嫻真係知道有這個地方（留言版）架喎！』會長說...

　

Note Nr.: 1793 from 2003-10-21 13:37:29
by 版主

 

email:  no email 
url:  no homepage


梗係啦，我應承將大家的留言比慧嫻睇o架嘛，哪.....証明我無欺騙妳啦，呢到不是一個普通的竇，是一個有情意結的鐵竇。

　

　

背景：2003年的樂壇頒獎禮慧嫻沒有獎... ...

　

Note Nr.: 3341 from 2003-12-23 17:41:43
by 版主

 

email:  no email 
url:  no homepage 

投票只是盡一點Fans責任，慧嫻呢個時期有無獎真係無o羊所謂。
現在，無人埋怨慧嫻無獎羅，而慧嫻亦不希罕，但不要堆砌原因騙她去。
有D人時常借慧嫻過橋，游說她做呢樣做o個樣，原來只是借慧嫻做人情，又或幫自己晒馬，但係又成日跣人。
我都忍o左好耐，應承人做呢樣做o個樣，講就天下無敵，做就一星期前先放飛機，七月生日會，唔係經理人公司找數，我做"妓女"都唔掂。頒獎禮訂飛，又係佢地話只訂$250，自己放唔到貴飛，又想屈我比$400，我學精了，死都唔比!!
我踩了半隻腳係呢行，慧嫻一雙腳係呢行，都未夠功力對付呢D事，何況係歌迷丫!!!
你地係唔會明白一個歌手的真正感受!!
我和慧嫻都想做開心快活人，攻心計唔o岩我地。

今天不吐不快，如有得罪，多多包涵!!

　

　
背景：2003年冬天時中國又再有SARS個案，當時慧嫻又要北上表演...

　

Note Nr.: 3788 from 2004-01-08 17:11:35
by 版主

 

email:  no email 
url:  no homepage 

助手小姐好攪笑，佢今日帶住幾支酒精噴噴係身，不停係慧嫻四周噴噴，慧嫻行路又噴噴，慧嫻綵排又噴噴，慧嫻上台唱歌前，原來係助手小姐先上台噴噴，左噴噴，右噴噴，上噴噴，下噴噴，前噴噴，後噴噴，最後連咪都噴噴，仲噴到濕晒添..................
梗係啦，我個公主大人又乜事呀，佢實比我同醫生溶o左啦!!

　

　
背景：2004年慧嫻表示考慮重返校園，但之後又說不是退出，外界指她 "反口"...

　

Note Nr.: 5124 from 2004-03-16 11:34:11
 by 版主

 

email:  no email 
 url:  no homepage 



 或者等我簡單啲講下，慧嫻現在已經沒有唱片公司合約，而經理人公司合約會係今年年尾約滿，因為佢覺得現時環境及銷量反映出佢暫時唔再適合繼續出唱片，所以寧願與經理人約滿後去做一啲自己會開心嘅事，咪就係繼續讀master囉。她的確有暫別打算，但並不是講"一世"唔再唱，將來嘅嘢有邊個知，無人咁蠢會咁講嘢，既然報紙報導有些出入，所以慧嫻才作出更正，慧嫻無咁cheap要反口，她只是想澄清事實，她完了經理人合約後真係打算歸隱一段時間，所以作為慧嫻及你地之間橋樑嘅我先會咁頭痛係咁諗：究竟第日攪唔攪生日會呢??慧嫻又可能想低調一陣，但係啲歌迷又掛死晒 .......。(不過呢個問題，我仲未度掂，我打算聽日入宮向公主請示)

慧嫻講工作，居然一個傳媒報導都無，但慧嫻想澄清一個立場之嘛，就要大大隻字，是但啦，大家明就得啦!!
而家我講番一單無一個媒體報導的消息比大家知啦:
慧嫻將會主唱電影"驚心動魄"主題曲，係英文歌嚟o架!!

謝謝!!

　

　
背景：慧嫻男友及父母受狗仔隊滋擾...

　

Note Nr.: 5182 from 2004-03-18 09:41:55
 by 版主

 

email:  no email 
 url:  no homepage 


 琴日下午被召入宮時，雖然公主已知道有dog去騷擾醫生，她有啲不滿，但未至於好嬲，公主仲沖coffee比我飲，我又比你地啲留言佢睇，又傾好多好多偈，好開心o架。不過，傍晚接到皇后電話，公主就怒髮衝冠，我唔敢走，肚餓都唔敢走(因為我個胃而家唔餓得，所以係廚房拎咗隻蕉食，不過我唔係偷，我唔係dog，我最多係宮女啫) ，一直陪佢商討對策。


謝謝!!

　

　
背景：再傳出慧嫻懷孕傳聞，事後慧嫻出席許冠傑演唱會時遇見記者，被問及此事時慧嫻只笑笑口便上車，沒作任何回應，原來是慧嫻與會長事先相討過應付方法...

　

Note Nr.: 5911 from 2004-06-07 16:18:22
 by 版主

 

email:  no email 
 url:  no homepage 


 都唔係咩教路嘅，不過每次有啲新聞出街，尤其係啲衰嘢，我同姐姐都會研究一下啫，佢唔一定聽我講晒照做，姐姐有智慧架，不過我哋啲睇法通常都差唔多，或者係相處得耐，思想相近啦!!

　

　
背景：又到了一年一度的續會期，因為慧嫻讀書的決定而令會長不知怎樣繼續運作歌迷會...

　

Note Nr.: 5970 from 2004-06-15 17:23:36
 by 版主

 

email:  no email 
 url:  no homepage 

唔..........前幾日見過姐姐，商量咗啲嘢......
我哋今年決定唔攪生日會，今年生日姐姐暫時都係想休息一下.....
係姐姐滿經理人合約之後，我究竟點做好呢??
我思想鬥爭幾日，想嚟想去，我都仍然認為將18年情意結一下子就解散實在好可惜。
我又試要經歷姐姐離家出走的日子，今次是第3次了......我的角色令我感到相當吃力.........。
不過.......姐姐又唔係要退休，而且我唔做嘅話...........你哋就更加難知道她的消息啦......
於是乎，我決定繼續去延續歌迷會的生命，唔知我可以捱幾耐，但至少我都要觀察一年。

今日我已寄出續會信比啲會員，雖然唔攪生日會住，但係又唔代表姐姐以後唔出來見大家，我仍然有這樣的信念.......否則我就乾脆將Fan Club關門大吉。
維繫住歌迷會嘅運作，必須要有一定的開支，我哋商量過之後，決定酌量收$50年費。今年18週年啦，我會印製小小紀念品比新一年度嘅會員，我暫時只可以做到這樣，但係......我一有機會，都仍然希望可以攪啲地下情聚會比你哋見下姐姐咁啦..........我會努力喎....

非會員歌迷想標尾會嘅，都好歡迎你哋加入，而家可以去隔離download新表格，但係若果到時真係有聚會而又無入會嘅，我可能有啲嘢做唔到..........希望你哋體諒我...。

我好頭痛呀今晚.....


謝謝!!

　
返頭一頁~~