光 感 集
(3)
光 感 集
(3)
Year 2002-(3) (Diary)
清新．是我們的感覺！
12月, 寒冬聖誕, 你能和你最愛一起嗎? 但我始終覺得朋友比任何人更重要, 近來有人說我變了很多, 我也感覺到自己樂觀和開心了, 但究竟我心裡真的是這樣嗎?
October-December 2002 ↓頁尾↓ 光"感"集(主頁)
<光感集> Since January,2002
16/10/2002
推下推下,
本來諗住早D update, 結果因為心情唔穩定, 寫唔到野, 到今日先得閒update~ 呢次可能又係我再一次重拾唔開心的時刻, 點解每次都係因為我自己??? 呢次更加係因為我,
如果我過到我自己果關的話, 我就唔會再唔開心, 只不過...
我係一個獨生子, 可能因為咁樣, 我習慣將自己唔開心既野收埋在心, 唔會同人講, 慢慢便令到自己負擔好重, 好辛苦, 但我知根本沒有人可以幫到我, 因為我呢個心病根本唔會一朝一夕醫好, 不過有冇人願意聆聽我所思所想??? 我真係好辛苦呀~ 唔通呢個世界真係咁?
不過多謝你關心我呀^^, 你已經幫左我好多, 無論點都好,
我地永遠都係朋友,
是嗎??? 呢幾日發生左好多事, 不過你唔好再理佢地亂吹啦~ 佢地傻架, 因為有一日我見到你呆企, 跟住我就問佢地, 之後就攪成咁~ 咁你究竟相信佢地定係我呀?
如果你真係相信佢地的話, 你就去信啦, 我唔會再理~
20/10/2002
上年12月的某天,
我好巧合地在ICQ上遇到一個唔識既人, 佢話俾我聽好多好多關於我一個朋友(暫代號X朋友)以前的事,
當我覺得我和X朋友有緣的時候:(因為竟然能撞到一個以前認識X朋友的人), 剛巧我和X朋友的關係卻在那幾個星期內開始有變, 出現了問題~
到昨日, 正當我煩緊一件事時, 又好巧合地在ICQ上遇到另外一個唔識既人, 佢以前係曾經認識我另外一個朋友(暫代號Y朋友), 而我和Y朋友剛巧在前幾天發生了一些事(呢件事在上一篇提及過), 點解會咁巧合呢? 究竟代表D咩呀? 你曾經令我由唔開心到快樂, 但係唔通個天今次真係要我永永遠遠都再唔會開心?~
無可能遇到的人點解卻會在這幾天遇到呢?
唔通呢個唔識既人出現係一個預兆?
唔通我地關係真係會惡化?
有冇人可以話俾我聽我應該點做? 001我真心想說的話
咁多件事集埋一齊,
令我不能再不相信"緣", 仲有上天已安排了一切~
6/11/2002
測完驗啦, 好開心呀,
因為九巴在4/11開辦了N237, 係一條通宵線經我屋企的, 我真是期待已久, 也估不到九巴會開辦這線, 我阿爸前幾年成日話, 凌晨根本都冇巴士小巴返葵盛,
但係葵芳, 新區, 石籬, 荃灣就有24小時紅色小巴往返[旺角佐敦道], 阿爸就話好唔方便, 有時出左地鐵但趕唔到專線小巴返屋企, 都唔知點算,
而家我諗會好D啦~
好啦, 講番我自己先, 無呀, 個留言板俾人拆左, 有D嬲呀, 而家申請了一個新的,
希望大家可以上番去啦~ 今日我仲更新了很多很細微的內容, 希望大家留意啦~ 仲有呀, 聽講遲D會有一個小學的聚會or BBQ, 希望今次會勁好玩啦~
16/11/2002
精神健康大使???
唔通同"精神領袖"有關? 今日個活動都算無聊, 只係聽講座同討論, 不過都算幾輕鬆, 可能實在太自由啦, 攪到每個參加既人都唔出聲有D悶,
不過下午在旺角搵左超耐野食, 行來行去, 最後同friend去左打牌, 但感覺自己好似做左好多野, 好疲倦......
返屋企時, 好奇怪, 當我見到每對男女一起的時候, 忽然我心裡有點酸呀>_< , 這種心酸的感覺在我以前是經常發生, 但已沒有了幾個月, 近排卻又開始在我心中泛起, 令我有D悲傷寂寞之感, 不過算啦~
我在這裡想說多句, 因為前排要整"巴士路線資料", 所以這樣遲才更新"光感專集"~
現在"巴士路線資料"已辛苦完成了, 不過我對這網頁還有最後一個夢想...... 你估下是什麼啦~
8/12/2002
其實都成個月冇upload個網頁lu~
唔知點解呢, 可能因為忙啦, 又可能係因為我開心wor, 點解? 因為這個網頁始終是在我最唔開心的時候整的, 呢度包含o左好多好多我心裡面既o野,
有時諗番以前自己都幾傻架... 算啦, 人唔經歷過, 又點會有新生活同反省呢?
近排想搵番一個人, 雖然話香港細, 但原來真係咁難搵架, 有D掛住你tim, 點算呢?
最後在此預祝聖誕快樂, 今年唔知點解, 成個香港都提早o左佈置聖誕裝飾, 12月頭就見到聖誕老人? 唔好掛?
聖誕佳節, 應該個個都會好開心既, 大家又諗住點過呢個聖誕呢? 我就緊係同自己o既朋友過啦, 好期待呀...!!!
002我真心想說的話
14/12/2002 (特別超長版奇遇日記) update@25/12
今日發生了2件大事, 分別在早上及夜晚, 好奇怪, 呢2件事都是我咁大個仔未曾遇過的...
今日我先upload, 就當係聖誕禮物啦!!!
遊青山: 第1件事我只會簡單講述~ 早上我同fd在學校集合, 當然又是精神健康推廣計劃的活動啦, 今次呢個活動對我來說真是史無前例, 就是參觀青山醫院!!! 不過聽落去好似... 算啦, 當我地到達時, 我地見到眼前... 靚到完全唔係一間醫院~ 接著我們去左一間演講室, 果度有個好似體育老師既人介紹下呢個青山醫院, 仲有教我地點同d院友溝通~ 過左好耐, 我地去左呢個"職業治療部", 佢裡面分開左好多唔同店舖, 旨在令那些人在康復後幫助他們工作和適應社會, 最令我記得就是那間食店, 不過唔記得左咩名, 果度真係有人在那裡食野架...
跟住我地好似去左呢個唔知咩天地, 果度平時係俾D病人o黎玩既, 果度D佈置都幾有趣, 裡面D野雖然有少少低B, 但入左去確實令人幾舒服既, 尤其在熄燈之後... 跟住我地去左呢個好似叫做"動感天地", 果度有D類似冒險樂園既機動遊戲, 最令人記得就係那部籃球機, 不過整體佈置就不夠之前果個唔知咩天地好啦~ 之後我地去左參觀病房, 一出電梯, 嘩... 酒店呀!!! 真係好靚好靚... 我地入到去, 見到D病人在醫院職員督促下, 整緊一D好簡單既野, 例如梳, 膠車仔, 分顏色等等... 我相信呢D真係會幫到佢地...
最後有3個精神病康復者, 其實佢地真係完全唔似架, 我地入去演講室時見到佢地仲以為佢地係醫院職員tim, 之後我地都問左佢地好多問題, 呢D問題都令大家認識到精神病患者是什麼心理的~ 最後, 那位好似體育老師既人, 叫我地忘記今日所見到的所有人, 這個確實是對的... 其實我仲有好多野想講, 不過始終都唔係幾好...
火警笑趣: 第2件事在晚上發生, 其實都算係一件幾搞笑既事~ 我同阿爸阿媽, 仲有我D親戚呢日為公公慶祝生日, 唔算多人, 大約有12個啦, 我地去左一間酒樓, 在西九龍中心7樓, 心水清的你都知我講邊間啦~ 呢日我同爸媽去到時, 見到我2個剛從紐西蘭返來的表哥, 其中一個更2年冇見tim~ 奇就奇在大我幾年的表哥已帶了女朋友來, 好似好咩wor...... 算啦, 之後我地準時開席, 大約食左4個菜左右啦, 那時侍應正在分給我們每人一碗翅時, 突然火警鐘響起, 我們和侍應都以為這只是誤鳴, 因為我們只聽到隔離一個火警鐘響, 後來我舅父出了大廳去看, 看到很多人趕住找數, 之後連我阿姨都出了去看......
當我準備把第一羹翅放落口時, 舅父說警察已來到, 商場真的發生了火警, 原來整間酒樓就係得呢個鐘, 而唔係誤鳴~ 我們那時需要立即離開, 我們趕忙收拾行裝, 酒樓開始混亂...(注意: 每人在離開時是沒有俾錢的), 離開酒樓門口, 見到很多警察, 全個商場都響著火警鐘聲, 遠處見到"EXIT 出口"旁的紅燈在閃動中, 相信逃生門已經開啟, 真是恐怖!!! 但我們聽到廣播說要沿著扶手電梯落地面離開商場, 另一邊廂, 我公公還去問警察發生什麼事, 好彩當時只有少少味, 又唔算好混亂, 我們趕忙拉著公公由7樓逐層逐層落到地面, 我們和幾百人一齊成功離開商場, 後來我們點一點財物, 發覺之前有親戚一早叫侍應將剛才食淨包起的乳豬頭, 在走火警時順便攞埋落o黎(唔好唔記得, 我們離開時是沒有俾錢的), 食完霸王餐仲要又食又拎?...
但好笑的是, 我阿婆先發覺原來忘記拿回她的相機, 記得攞乳豬頭但唔記得攞相機? 當時在街上真係好多警車同消防車,
仲有記者為了報導, 偷偷衝入商場, 再望上去, 真係有D煙wor...
如果俾你, 你會好驚定好笑呢...?
之後我地返左阿婆屋企食野, 跟住我地睇到電視新聞, 原來事發在8樓美食廣場, 我地就在7樓, 聽講還曾經發生爆炸, 而且有2個人燒傷個面tim~ 其實好彩當時商場唔大煙, 連我地都唔知咩事, 落左街望上去先知火警, 不過最後都係得淡笑, 但真係幾無奈, 未飽就要走...
後記:
呢2件事係本人呢日經歷的真人真事, 都算幾巧合... 真係有火警架, 唔係講笑架! 不過呢2件事都給我一個好好的經驗, haha^^!!!
本期精選:
↑頁首↑
巴士區:
主頁
葵青區搭車指南
荃葵青巴士路線資料
八達通轉乘計劃
感光區:
主頁
光感集
千熊屋
靈感盒子
香港燒烤熱點
想吾相
共同區:
網站主頁
關於本網
阿光資料
連結網站
留言板 / 即時問路
(June-2004) Kwong's Terminal
Version 4
清新．是我們的感覺！
<光感集．第3集> A Division Of 阿光總站.
Copyright © 2001-2007 阿光總站. All Rights Reserved.