由中環到索罟灣 起步，你可由天后宮上山，亦可沿家樂徑(中途已可見山上奇石了，最左係菱角石，中間係小狗石)到模達上山
由呢度開始就係上山既水泥路，可眺望石排灣及深灣
梯級一路上，左右兩邊山脊都有大石(喂！影唔影到我地架？)
登上大石要試膽，亦要小心，因為真係好高
企係大石上面可以欣賞好靚既風景
山路右邊遠處有一舊懸空石台，石台似跳板慾跌，坐上去都咪話唔驚
再上，到咗"超時空要塞"(我地要同高達決戰呀！)
石崖上面，有舊"四點台"(真係得四個接觸點)
上到山頂向北脊望，就會見到呢舊"月牙石"或"菱角石"
山頂好多疊石石景，好奇怪。呢舊就一隻"小狗"
轉個方向就變咗做"卡通鼠"，呢舊石好犀利，真係唔知點解佢唔會跌，唔好學佢地爬上去，好危險
(喂！快D番落黎啦，舊石會跌架...)
行前小小，第一個山脊最高點，上面好似積木咁，呢舊石就可以爬上去喇，不過都係要小心D
(嘩！呢度好高呀...)
呢條大裂縫卡住一粒石(同埋兩個人)
係"壁虎石"石罅入去，有一個天然石室，可以係到玩捉迷藏
山上有個涼亭，望向南脊就會見到"史諾比個頭"
沿西脊落山，中途有小路左轉，找尋最奇之石"紡錘石"
紡錘石係一個石區，近山脊處舊"棺材石"(嘩！屍變呀...)
繼續落山，係山路右邊有一堆石景，不過就唔易探遊
係南面山脊上會見到呢舊"鯨魚石"
企係三點台上面，從另一個角度，三點台會變成"毛蟲石"，"鯊魚鰭"就係呢舊石下面
落山既山頭發現一隻"靈龜"，立即走去影張相
今次黎菱角山，就係想行下呢條"九曲防空地道"，入口其實就係路邊既樹叢下面
嘩！入口好細，不過一入裏面就可以企直
入面好黑，如果冇電筒就乜都睇唔到，而且越入越窄，細到你唔可以踎係度，要好似軍人咁趴係地下度先可以前進
(好驚呀...我有密室恐懼症...)
返落陰菱坳發現一攪笑石景，至於似乜...自己諗啦；有時間可以去埋陰山，一樣好多石景，又或者可以行去榕樹灣，條路易行風景又靚
回首頁
回主頁