去 索罟灣到天后宮沿家樂徑上到陰菱坳，左邊係菱角山，右邊係陰山，兩邊都有好多石景
探遊石景，通常都要用好多時間，又要行，又要玩，
又要影相，所以唔會夠時間遊晒兩個山
今次目的地係陰山，咁就要放棄菱角喇
陰山山路崎嶇，唔易行，不過因為山係南丫島最高，所以景色亦都最靚
呢度係其中一組石，石峽門同蓮花椅
呢舊係條滑梯石(上黎啦...傻佬...)
橫移去山脊中間，尋覓另一組石景；發現呢舊"竹筍"訓佐係度，但又似芝士旦糕(你地話呢...似乜...?)
上到脊頂，最精彩有兩個石景，而呢舊石係正中間
先去一舊"食鬼石"玩下先(救我地呀...)
換個角度"食鬼石"原來係咁既樣
係"食鬼石"隔離，就其中一個精彩石景(你話似乜)
有人話係手指石，不過肯定係一舊奇石
另一個角度睇，手指石已經變佐另一樣野；呢一組石景真係好精彩
但係最精彩，最出名，就係呢一組石景，有說一柱擎天，有說不文(又真係幾...)，點都好，呢舊石就真係好有氣勢
不過話時話，探遊就一定要好小心，唔好亂攀
不文石既後面都有D石景，呢度由兩舊石迫埋一齊，中間有條坑...(救我呀...跌落去喇...)
由後面角度睇番不文石，係一條好工整既石柱
呢一組石景，重有幾舊好大既石台石罅
探遊完第一脊既石景，繼續上山，係東脊同北脊之間，發現呢個巨大既裂石山頭，感覺就好似魔戒入面個石城，呢個係"魔戒石城"
我地見冇時間繼續上山探遊，就走去闖"魔戒"，
呢度又係有氣勢
石城中間有個斷崖，氣勢迫人，非人能走，
而從另一方下溯要披荊斬棘，發現內有乾坤
夜喇夜喇...要摸黑落山，返到天后宮
