相集
係筲箕灣地鐵坐9號巴士，到大風坳迴旋處落車
沿鶴咀道入去，見到路邊大石堆疊，呢到就係鶴咀石河
上層石河分四個出入口，都mark有記號，最好由上而下，所以要先爬上去石堆上面
最高第四洞口，入口好窄又難搵，雖然黎過一次，都要確認咗先可以入洞
石洞入面黑炆炆，如果你冇帶電洞，真係迷路兼穿頭
有D位好窄，要側身兼扭腰，(誠誠：落到上唔到...)
又扒地，又縮肚，(Henry：身高6尺幾都冇問題...)
又堀膝，又下跪，(Bonnie：咁高點落黎呀...)
終於平安到晒呢個褐紋石室，欣賞一下舊"陽魚石"啦
(阿貓：喂...有出口...)(肥Pe：喂...有得落...)
(阿威：嘩...窄到要用絕招...屎忽行路...)
石洞裏面四通但唔係八達，隨時有入冇出，有落冇上，所以千祈唔好亂行...(死啦...個出口係邊呀...)
都係隻貓醒，出口對正馬路，出黎果時，小心比車車親
鶴咀石河分為上下，玩完上探下
繼續探下石河既蝙蝠洞，呢度就係入口
蝙蝠洞入口就係大石下面，個洞好大
下石河D石仲加大舊，上落更崎嶇，要更小心
蝙蝠洞好大，但一隻蝙蝠都冇，蝙蝠屎就一堆堆
我地打算嘗試由石河直落海邊，所以向下探索
巨大既石頭通道，可以算係奇觀，往下重有好多通道，但石罅時闊時窄，一直通下去又怕有入冇出
所以係石河石頂上面走，不過就蔓藤滿天
越落就越密，有剪都冇用，唯一生路--回頭
離開石河，返出大風坳，唔落廢堡上龍脊
我地直接由南坡上攀，沿山脊石坡上去
南坡以前有山路，又有好多石玩
上可接山路，橫行可以玩石景石坡
呢舊腳板石，不過得三隻腳趾
呢到有個石堆，有拳頭石，跳板石，石床，石塔
繼續橫移，就可以去到南坡上最正石景--老鼠石
玩完老鼠石，向山頂走去又會見到呢舊龜紋石
上到高254M既南坡頂，北行遇見一群石像
呢個位係南坡上面最大既觀景台，好靚
接返龍脊，就係港島徑第8段
龍脊最高點，打爛埕頂山，高284m，滑翔傘同滑翔機熱點
前面就係高265m既雲枕山，條山路完全入林
繼續北行，只係係林入面走，終於去到歌連臣山高347m
跟住落馬塘坳，再經墳場到柴灣走人
回首頁
回主頁