PGDP大旅行+實習篇
第一個禮拜
|
序章 講實習既事之前, 咁就一定要講下未出發之前既事啦~ 就係2001年2月, 知道polyu SAO搞o左個中國大陸placement既
program, 唔駛問梗係apply 一下啦, 點知只係得2個位, 仲要有好幾個PT同OT 一齊爭, 哈哈~ 3月收到個email, 知道果2個位只係得vincent同fredrick 去到, 唉, 算啦~ 不過我係果時都報o左個去北京placement 既program(同去杭州果個差不多~) 等下等下, 等了差不多枑個世紀了, 連北京果個placement都無乜聲氣。算啦, 都係專心d等出本地placement啦。今次威爾斯親王要勤王喇 ~
威爾斯親王, 勤王了 好快好快, 又到六月中, 又係出placement 既大好日子。今次我出placement o既地點就係位於九龍中部, 被何文田高尚住宅所環抱, 毗鄰香港理工大學, 青山綠水大樹成蔭, 呢個就係坐落係九龍京士柏山上的----伊利莎伯醫院 (Queen Elizabeth), 地址係九龍加士居道 30 號。 今次仲唔係勤王? 帶晒「架生」去QE做野喎, 仲唔係勤王? 嘿嘿~ 不過呢, 有關o既內容呢, 都係睇番我係placement實錄d野啦。 今次, 我係要講o既係, 係開始o左placement 2日之後o既放工時間, Dr 羅就打o左個電話黎, 話可以俾我去杭州實習, 但係要我去搵一搵Fanny Yip先。我當時心情真係好忐忑o架, 但係都好快咁搵一下Fanny先, 但係我搵極都搵佢唔到, 打佢office電話啦, 打佢手提啦, 寫信啦, 寫email啦, 都係搵佢唔到。我好心急. 等o左好耐好耐, 終於等到o左第2日, Fanny 終於出番黎喇~ 當然又係果句, 用我剩低無乜幾多o既美色同Fanny傾好晒, 又安排好晒placement d野~ 嘿嘿~ 今次仲唔俾個驚喜俾佢地兩個~ 嘿嘿~
I come I see I conquer 一早返到去polyu clinic出placement, 太好喇, 有得去杭州.......嘿嘿嘿嘿嘿~ SAO仲為我地做o左好多出發前o既準備, 有3個talk, 3個我都有去, 分別係第一次完全出席啦, 第二次簽o左名就當出席啦, 同埋最後一次訓住咁出席喇!! 哈哈~鬼咩, 次次都係我開工又或者上完自己報果d course之後, 唔訓就奇啦~ 不過最記得都係係lecture hall門口撞到一位朋友N872, 先知佢會同我o地3個人一齊上去!! 係離開香港前一個禮拜之前, 當然要去一轉gym room啦~ 仲好記得 6月21日晚, 我執o野執到成2點先得訓。 2001年6月22日凌晨2點, 終於有得訓喇! 2001年6月22日凌晨6點, 起o左身! 我發現我原來係訓唔著, 好精神。算啦, 唔理咁多喇, 食o左個包, 嗯, 真係好食, 諗諗下, 可能係往後一個月都唔會有得食, 都係食多個先。 6點30. 搭車, 轉車. 無電話, 無MD, 無人陪, 仲要成身行李o既我, 係一個鐘多d到達香港國際機場。(之前費事帶MD,
之後就悶到死.........) 「係呀, 訓唔著, 又無o野做, 咪早d黎囉~」我答,「早呀, 陳太!」我當然係好有禮貌咁叫o下人啦~ ^^ 唔知Fred 到o左未呢, 我正想講果時, 發現Vincent係度望緊同我地一齊等Lift機師同空姐。係喎, 佢都好似未黎過, CX呀, CX係乜野航空呢.......嗯.......算啦....「Lift到喇!!」「哦~」 上到離境大堂, 見唔到一齊去既人, 太早喇...等o左一陣, 見到d人喇, 不過唔係一個人, 係一對人, Sarah同阿雪。 等等o下, Vincent話佢有d肚餓, 想去食早餐。行行o下, 就見到阿Fred, 「食o左o野未呀, 一齊食呀~」「好呀, 陳太」阿Fred同樣都係咁有禮貌。^^ 去邊食?老麥啦, 唔好煩喇~ 一行人匆匆食完, 又上返去, 今次見到多d人喇, 仲有同我同組o既人, 包括我地3個PT啦, 同2個RD女仔, 即係阿雪同Sarah(Sarah係我個中學Fan Ryan個女友~呵~), 問候一下, 映下相先啦。仲未出發呀, 好悶呀, 就係呢個時間, 見到...見到William Tsang呀!!!(佢去荷蘭開會呀~) 出發喇, 又映o下d團體照先啦~ 黎, 1, 2, 3笑~
離境喇~ 入閘喇, 杭州, 我黎緊喇。 入閘前要俾機場守衛check o下d行李先. 到我喇, 我記得有3個實Q 睇到我實, 諗諗下, 我個行李d急救剪果d野會唔會有事呢.......好彩無事o者!! 「咇~~~~~~」vincent果條隊有事喎. 原來係vincent身上有金屬反應............呀,佢將急救剪放o左係身上呀, 唔怪佢會「中招」啦 , 但係, 點解我無事既? 我行李有面都有喎!! 嘿~ 呢個時候, 帶我o地隊個staff-- Liza就問我, 「喂, oscar呀, 你個fan做乜呀?」 「唔駛問啦, 一係佢果幾把『黑星手槍』同手榴彈俾人check到, 一唔係就係佢d冰俾警犬check到囉~」 過o左關, 坐無人電車過去候機室lu~ 就係候機室果面, 見到我地個同房, 張世文 Gabriel。佢, 手執一大部單鏡機, 一身sporty既打扮, 好鬼正添~
上機 lu, 係上機果條行人道就梗係要「攝」下鏡, 又俾人「攝」下鏡啦~ 「喂, vincent, 好快就起飛喇, 立個遺言喇, 嘿嘿, 打唔中我呀~」我打趣說, 「Fred, 你呢?」「我想食埋個餐先, 得唔得? Oscar, 俾你果份報紙我呀」 大公報喎, 你又o岩??!! 隨著那100米起步先有o既加速快感, 向上傾斜, 窗外的跑道不見了。起飛了。
到步了~ 小睡片刻, 食o左個不錯o既飛機餐, 再看看窗外的風景, 不見了藍天, 只有煙雨茫茫。 杭州正在下雨呀~ 行李都因天雨的問題, 濕了.... PT三人組, 自此一個月內, 要相依為命喇。
杭州人真係好熱情, 浙大仲熱情, 竟然派o左一大架豪華旅遊巴o黎接我o地。不過唔知係唔係我地太多行李p既問題, 有d人無得放行李, 咁唯有放係車度~ 架車好正呀, 好舒服.....舒服到訓著o左............................... 行o左40分鐘, 入到杭州市喇~ 開始見到西湖, 煙雨茫茫, 分外思鄉。突然好掛住香港添, 唔想黎杭州。 行行下, 見到浙大, 不過唔知點解架車唔停......噢~ 原來係 湖濱校區!! 先係呢度講下浙大d資料先: 合併之後, 就有四個校區, 玉泉, 湖濱, 西溪同之江校區。而我入住果個校區-----玉泉, 係幾個校區入面最有歷史o既校區。但係我住果間宿舍就係最新架喎----竺可楨國際教育大樓。 竺可楨係前任浙大校長, 好大貢獻o架~ 成間野叫得做國際教育大樓就梗係俾海外生留宿啦, 正呀!! 有中央冷氣, 中央加衛星電視(有四川, 有上海, 又有鳳凰同ESPN, 不過就無香港........) 仲有個好正o既 lobby, 不過佢貫徹整個中國大陸o既一樣特色, 好賺電, d燈都唔開o既!! 不過算啦, 唔駛軍訓~ 分房lu, 八下其他人訓邊先, ryan係第2座2樓d 單人房(leader 迎單人房, 但我覺得會好悶~) 我就係第3座2樓o既四人房3210, 阿雪同KK師姐同Mandy就係我地樓上3304, 即係3樓。入房, 第一件事梗係揀床啦, 原來我地間房仲要分兩邊, 我同阿fred一間。布置好我間房喇, 就同d浙大同學social下先。係lobby等果時, 俾d日本仔撩我o地d女同學, 你o地唔係呀, 咁飢渴o既!!!!!
玩完一日, 浙大d同學仔帶我行下浙大, 又搵o下食堂呀, 搵o下外圍o既網bar咁呀。 一大團人話食飯喎, 是但啦, 幾好餸菜呀(後來先知食o左成25蚊~), 我果檯就死得啦, 有我、vincent同Gabriel呢3個焚化爐係度, 骨都無得nur呀~ 食o左返去休息喇~ 等我沖好晒涼o既時候, 成間房就得vincent未沖, 我叫佢去沖個涼啦, 好訓d呀~ 點知..............佢唔知係發開口夢呀, 定係無意識咁講o左「d」o野囉~ 不過佢d夢真係幾「粗」播~ hehehehehehehe~
6月23日(微雨---雨---微雨---大雨) 呢一覺訓得真係好, 朝早7點幾就起o左身(我諗係往後一個月最早起身o既一日, 我出名渴睡~)。 落樓, 拉o左阿fred食d野先啦~ 一入到竺可楨食堂, 就見到好多同學食緊o野, staff Liza話頭果幾日o既早餐都係polyu包o既~ 咁呀?! 又係焚化o既時候lu, 不過我唔慣早餐食得咁飽~ 食完之後呢, 就有一個由polyu請o既 local tour~太好喇~ 學費好抵呀!!!!!!!! 先去岳廟。可惜, 有一部份修葺緊, 不過都唔錯, 由外到內都好有氣勢, 重見到好多人著住橙色衫走o黎走去, 果d之唔係就係我o地PGDP o既人囉, Liza話polyu定o既, 第一日驚你o地會走失喎...........唉.......... 入到去, 岳王爺著住「蟒袍」添, 有個傻仔唔知邊度聽番o黎, 又要吹水唔抹嘴, 「蟒袍上面個蟒只係得四爪o架, 皇帝先可以著五爪o架, 即係五隻腳o架!!!!!!」腳?? 五爪真係講緊爪喎, 五隻腳咁咪係.....怪......胎囉.....再望o下, 原來係RD個 Eric!! 呀, 又講下RD方面有d乜人同我o地一齊去先, 呀, 不過講埋其他Medical flied o既同學仔啦:
(基本上, 我係成個Trip入面, 都係同佢o地玩多, 當然, 仲會同其他同學食下飯, 行下街啦~ 至於佢o地同d nursing 同學個名就出場先講啦~) 講番岳廟先, 因為太多人o既問題, 好難映相呀........好難得諗到d好計~ 就係人o地映緊岳爺爺, 我o地就映大門口, 正!!偷到好多位呀!! 哈哈哈~ 之後呢, 坐船遊下西湖, 睇下三潭印月, 花港觀魚。不過呢, 西湖太大, 讀書果時又成日聽d文學家講西湖個個時間都唔同, 咁就要日日都黎睇下先得~ 遊完西湖, 就一大車人車o左去靈隱附近一間餐廳食飯, 叫做天外天(抄得好勁!!! 因為杭州有一間叫樓外樓o既一級名店, 成百幾年歷史!!!), o野食都算係咁啦。入到靈隱, 有飛來峰, 靈隱寺.....好多o野睇!! 最後想走果時就開始落大雨, 好在我隨身都有把遮。突然.......我好受歡迎, 算啦, 最後都係將把遮俾o左d女仔...... 下一站就係茶藝博物館, 係果度知道o左龍井係d乜黎, (龍井本身都分三種: 獅峰、西湖、杭州, 第一種最好!!) 係綠茶o既一種, 聞到草香, 無色淡嗅, 飲後生津解渴為上品。真係好好飲, 好似人生一樣, 平淡然後見精彩, 淡淡的繒出了人生 (往後仲有一種茶都好似人生, 遲d先講)。買o左d俾自己, 買o左d屋企人同carmen, 係最好果隻, 一買就買o左二百幾蚊, 但係一d肉痛都無喎~ Ryan見到我咁豪就話: 「我得閒就上你屋企飲下茶先, 呀, 都係一陣就上。」「好呀, 你咪o黎囉」之後有個唔識死o既人插嘴:「嘩, 咁我又過多d你間房喇~」唔係同你好熟喎, 你係乜水呀? 我同Ryan乜關係呀........你插口?!! 無理佢, 轉身就走。 買完茶就去o左六和塔、黃龍洞。 六和塔、雷峰塔、寶俶塔係杭州三大塔, 不過雷峰已毀, 如今只有: 六和守錢塘, 寶俶伴西湖..... 由於大雨o既關係, 只有回校, 咁就過o左一日喇。 當然啦, 夜生活點可以無o架!! 就係...........我o地幾個男仔係房睇電視, 果晚好正呀! 鳳凰電視有個節目係台灣d藝人名人講自己d性生活, 又有好多爆笑o野 , 笑到我o地幾個肚都痛埋。節錄一句: 「好食不夠餃子, 舒坦不夠嫂子」 |
睇o左一個week o既o野喇, 點呢?覺得好唔好都寫d野係我個guest book啦, 我會改下佢喎, hehehehehe
footnotes:
| 「Lift到喇!!」 | 人o地講o野 |
| 「哦~」 | 我講o野, 又或心諗 |
| Frederick | 人名 |
| 岳廟 | 地名, 景點名 |
| 3210 | 唔係手提, 係房名~ |
| (往後仲有一種茶都好似人生, 遲d先講) | 注.... |
