我得你

朋友對我o黎講係好重要o既！我好重友情、好鍾意朋友，我希望我o既朋友都會鍾意我，因為我要o既係「你係我o既朋友，我亦會係你o既朋友」，我認為友誼係雙向o既，係要一齊去維繫先會「友誼永固」o家！你又願唔願意去同我一齊令大家o既友誼永固呢？我亦都認為朋友係有分級o既，有d人會係你o既點頭之交；有d會係你o既豬朋狗友，同你玩樂o既普通朋友；有d會係你o既好朋友；有d會係你既知心友，話明知心，當然知你者莫若佢啦！你o地會交心，講心事、秘密。我亦相信朋友係可以進級o家，只要係大家有心就可以成為好朋友，甚至係知心友添，但當然都要配合天時地利人和啦!無論如何，我都覺得有d o野呢!係貴精不貴多o既!有d人可能永遠都唔會成為你o既好朋友，但有人可能相識無耐就同你成為要好
o既朋友，所以呢!朋友，隨緣吧!

『青梅竹馬篇』─ 有2個鄰居﹝丁氏兄妹：妙妙同埋BB﹞係我2、3歲時已經一齊玩o家啦(哈！其實o甘細個邊識玩)。由於o係木屋區長大，我o地3個成日通山跑、玩狗、玩探險，好開心o家！o果時我o係佢o地屋企食午飯、做功課、玩、去街街。日子過不知幾愉快。不過，人一路大，有自己o既忙碌，玩樂o既時間一路減少。我十五歲時已經搬走o左，之後已經好少聯絡、好少見，但佢o地永遠都會係我o既老朋友，話晒識o左成廿年，試問有幾多個朋友係相識於童年呢？其實我都好掛住佢o地o家！好懷念細個o既生活。希望佢o地都唔會淡忘我─殘雞英啦！亦都好多謝丁叔叔同丁奶奶o既照顧同愛錫，嘻！我愛丁家呀！哈哈！佢o地永遠都係我o既好鄰居呀！

『小學篇』─小學o既時候係好好玩o家，成日小息同同學仔跳橡筋繩、玩守關、十字介豆腐；有時放學之後就煲下電話粥、去下同學屋企；去下行街街。同d同學好鬼開心，大家都好單純、真誠、傻傻地，有時發下小姐脾氣、玩下冷戰，依種生活係好開心、好難忘，可能因為大家都係細路仔，所以好真。我好懷念以前d日子，o係操場上玩、o係班房上堂、o係小食部食o野o既所有片段o係我腦海中o既記憶仲好深，我好掛住佢o地呀！以前有好多一齊玩過同學依家已經冇聯絡，好似我o地七公主(譚譚、婷婷、馮馮、玲玲、楊楊、黎黎，同埋我依個英英)，依家我有見o既都只有頭3公主，不過已經足夠啦！而且你o地3個真係我o既好好好朋友o黎o家！除o左譚譚、婷婷、馮馮之外，仲有一齊出o黎玩o既老友包括江記、連體怪嬰o既肥邦同簡仔、林景良、劉顯勝、黃國樑、黃海明等等。都差唔多係o甘多，不過都好叻啦！可以keep 到成十幾人，我o地要努力keep落去呀！我真係好希望我o地可以做到一世o既老友，因為話晒都係一齊長大，小學時代就認識，好難得o家嘛！大家努力啊！
同佢o地出o黎食下飯、吹下水都好開心，好多歡樂，但我始終覺得大家可以深交d、可以傾多d、可以成為更老友o既老朋友。因為大家相識在童年，比較真誠，所以我對依份友誼係有期望o家！保持聯絡！友情長存！我o地好多人都差唔多識o左成十五、六年啦！好長o既日子，而且就快畢業十週年啦！遲d攪個十週年慶祝活動啦，你會支持o家？一言為定，攪大佢•••

『中學篇』─中學時代係應該最需要朋友亦係最易識到朋友o既階段，依家回想起，我都覺得真係有好多朋友曾經o係我身邊經過、陪o左我走過一段路，但試問依家仲係有聯絡o既又得番百份之幾呢？但都唔緊要，因為同樣我亦深信大家曾經係交過個心出o黎做過朋友，亦都好多謝你陪伴過我，我真係好開心可以有你o地，當然更加要多謝到依家仍然係朋友既中學同學。我記得海豚同我講過一個人不同階段會有不同o既朋友，咁最起碼我o係中學o既七年裡面都有不同o既朋友，為我o既中學生活帶o黎好多不同o既片段，多謝你o地！
我o既中學朋友可以分為3個階：中一開始認識o既、中四及中五的、預科的。 首先講講中學時第一班朋友，都好大班o家，佢o地有曹思雅﹝唯一一個同我交換過日記o既朋友，我o地曾經好friend o家，一齊有好多回憶、經歷o左好多﹞、亞汾﹝對於認識佢o既第一印象好深，同佢都o岩傾﹞、海儀﹝同佢最熟o既時候就係o係巴士上﹞、梁珍﹝佢係一個好活潑o既女仔，同佢曾經都friend過o既﹞、梁萍﹝好多片段都屬於我o地o既，我o地有段短時間好似孖公仔o家，哈哈！﹞、羅玲﹝對佢o既朋友好好，多謝！係個好真誠o既朋友﹞、八爪﹝同佢之間有d分歧，但last day o果日，我o地o黎o左個真心o既擁抱﹞、雀仔﹝一個好可愛o既表姐﹞、亞敏﹝同佢之間有不少唔會，但始終都係朋友﹞、婷婷﹝依個婷婷係之前o係小學篇都有提及過o果個，係o米覺得好正呢？中、小學都係我o既好朋友，雖然中一至中五，我o地唔係成日一齊，但始終都係一對要好o既朋友﹞。另外仲有紫蕙同埋汶靜，我o地3個中一o果年好friend，一齊影沙龍，好靚呀！哈哈！不過又唔知好咩誤會，我o地冇再一齊玩啦！真遺憾及可惜！
到中四既時候，我同中一玩開o既同學唔同班，因為我選純文科，我一個人孤伶伶入o左o果班，從新識過一班朋友，好彩都可以搵到一班朋友陪我開心咁過o左2年，其實成班o既關係都好好，不過依家已經冇再聯絡，o果段友誼好似就隨住畢業、小聯絡就失去o左。但我o地一齊o既回憶係唔會隨住時間過去而失去o既。我會記得同Tiffany 、Leo一齊o係自修堂o既傾談時間；同亞權o係小息、lunch時o既分享﹝依家都會同佢有聯絡o既，亦多謝佢o係節日時send俾我o既SMS祝福。祝佢生意興隆啦！﹞；同紫蕙一齊o既時間﹝曾經冰釋前嫌，friend過一段時間，但可能有d人真係唔會做得成朋友o羅﹞；同詠恩、珊珊、小珊、亞珠、家敏、嘉琪、慧雯、家樂一齊係學校玩、放學後去快餐店吹水，哈哈！係好多歡笑聲o家！其實我都想同你o地出o黎聚聚舊o家！
到o左中六，好似同以往o既中學生活係唔同晒咁！好多o黎自唔同學校o既同學，係一個全新開始，雖然我o係o果間學校長大，但都要重新適應過。全班同學30人關係都算幾好，雖然唔係全班都好熟，但好在夠團結，我都好難可以一一提及預科o既朋友o既名，因為太多啦！就只好提下幾位好朋友啦！又係婷婷啦！﹝我o地到依家為止，做o左成13年好朋友啦！佢係我o既知心友，好姊妹。我同佢o既關係係非筆墨所能形容o家，佢係我人生中一個好重要o既人，我好愛佢o家！佢都好錫我，我知o家！我對我o地o既友誼係好有信心，我知我o地可以係一世o既知已。「唯求好姊妹抱我一抱•••分半點福氣給我 不准留低我一個。」﹞；Carmen小車人﹝係我主內一個好姊妹，佢好友善、好親切，同佢傾偈o既感覺好舒服，同佢其實相識o左只有四、五年時間，但已經可以咁friend，係難得o既，多謝佢對我o既支持及關心，我亦相信我o地o既友誼會長存。﹞；Candy 鍾卓B﹝我中六第一個同窗，哈！同佢開始時有d誤會，亦唔係好friend，但經過時間同心機，我o地結果成為o左一班好朋友，佢係個有責任感、好有生氣、好識諗、好強o既大家姐，多謝佢對我o既照顧同關心，我希望我o地幾個會保持聯絡，成為永遠o既好朋友啦！﹞。除o左6A o既佢o地之外，仲有6B o既梁萍同羅玲﹝我o地係中一時識o既朋友，到預科仍係隔離班好朋友﹞，當然仲有sor star star 啦！佢真係一個好攪笑o既人，o係中六時認識，到入o左City都成日撞到，注定我要煩死佢，哈哈！我都當佢係我o既朋友o家！﹞
o係浸中除o左有同學之外，仲有d學長學弟o家，好似有Sor Lo Ho Smart（一個好o岩傾o既學弟，好攪笑o家，唱首歌俾佢聽先：123 321 1234567 234 432 45678910，哈哈！）、BoBo（同佢o係學長隊度合作，好高興可以識到依個拍當）、一齊組過學生會競選內閣o既Panda、黃侯偉、李銘熹等等！

『大專篇』─2年o係CityU o既生活眨下眼就過o左去，o係City唔係交o左好多朋友，雖然識　o左好多人，但大部份都係點頭之交，有d同學甚至連個名都唔知，唉！以前以為o係大學會識到一大班朋友，但原來好難識到好似中、小學時代o既朋友o家，但唔緊要，我知道朋友係重質唔重量o既，我都已經好幸運 可以識到幾位朋友，佢o地就係茶道人、Cherry Cherry Friend、攪笑陳師傅、凌逍遣、小妹妹、茵茵及Candy，多謝佢o地陪伴我渡過o左o果兩年。特別係茶道人（一個好特別o既XXX，教識o左我好多，多謝，佢對我真係好好o家！）同埋Cherry Cherry Friend（同佢好好傾，佢整d蛋糕、曲奇好好味，多謝！）我o地三個一齊經歷o左好多，有狂笑、有冷戰(可能係我o既問題)，就因為經歷o左o甘多，我o地先會可以成為依家o甘樣o既好朋友，我已經當o左佢o地係我o既好好姊妹o家啦！o甘唔知我依個傻婆又係唔係佢o既呢？嘻！再一次多謝佢o地令我o既大專生活更難忘同精彩。我會記住我o地o既片段，不論係開心抑或唔開心o既。我愛佢o地呀！

『工作篇』─ 1. EPAC→係我幾年暑期工作o既地方，o係o果度我識o左好多朋友，有d年年都係佢，有d係年年新相識；有d陪o左我成六年時間，有d可能只有一個暑假o既時間。不過唔緊要，因為佢o地每一位都係我o既朋友，不論我o地一齊走o左幾長o既路我相信大家都曾經係朋友。而且不論係邊年暑假，我都可以肯定咁講，我同佢o地玩得好開心，因為佢o地
o既原故，我個個暑假都過得好難忘，多謝！
等我o係o度特別鳴謝下我班EPAC Friends先。首先當然要多謝咁多年都一齊玩o既３傻啦！佢　o地３個都係我要好o既男性朋友，我都好鍾意同佢o地吹水、講心事、啤啤佢o家！哈！佢o地３個都係傻傻地，所以成日攪到大家狂笑，多謝佢o地為我o地帶來咁多歡樂。我o地都差唔多識o左六年啦！好似睇住佢o地大咁，其實我只係大佢o地一、二、三年o家咋，但自己好似大家姐，哈！不過我都覺得佢o地好識得照顧人，多d照住我wor，知無？多謝大傻輝輝（好似陳小春o家，係個好細心、好真、好識關心人o既一個男孩子，我祝佢生活可以愉快d、樂觀積極d，我好多謝佢當我係friend，好多o野都會同我分享，我希望佢都知我都會o係度支持關心佢。）、二傻亞呂（佢個英文名Luther好好聽、好有深度啊！我相信幫佢改依個名o既人一定都係好有深度o家喇！我同佢曾經真係好friend o家，我希望o種感覺唔會變。He is my good friend before, now and forever！但唔知我又會唔會係佢o既呢？其實我都覺得佢好重視我依位朋友o既，多謝晒！我希望佢記得應承過我o既o野，I am waiting！嘻嘻！）、三傻Lugie（仲記得佢套牛仔look，嘩！好型呀！哈！時間過得好快！佢係怪獸公司o既毛毛，好有性格。佢係個好玩得又傾得o既朋友、好識諗、好識照顧人o既大男孩，多謝晒！）。玩足６年o既除o左３傻之外，仲有亞龍（一個對朋友好好、口硬心軟o既人，多謝佢！）。有d依兩年先開始玩埋o既朋友仔，佢o地係Mandy（同我分享耳環o既朋友，係個好細心o既小女孩，佢有副超Baby o既baby face）、何蚊（好好玩o既賓嫂，祝佢同賓賓永遠幸福快樂！）、Carol（好認真o既女孩，玩時玩得好認真；做o野做得好認真，勁！）、仲有d玩玩下、又唔係成日玩o既朋友，佢o地有梅芝、凱盈、方普、Monica、Queenie、大舊、Fonnie（超玩得o既朋友，同佢玩o既一年係勁顛、勁放）、Janny（同我諗法、性格都幾似o既雙魚女）等等。

2. HRC─ 係我o地o既彩色流星村，哈！我好幸運可以o係工作環境中識到一班咁好o既同事，我o地o既關係晤止係工作上o既伙伴，更係生活上、個人成長上o既朋友，好正呀！同佢o地一齊工作、玩樂真係好多歡笑、好難忘，我好懷念我o地一齊攪活動、一齊開會、一齊食晏時睇流星花園／亞旺，一齊一齊做o左好多o野，有好多難忘回憶！我開心時，佢o地陪我開心；我唔開心時，佢o地令我開心，多謝晒！而且佢o地教識我好多，令我o係待人接物、工作上學識不少，助我成長，雖然我仲有不少缺點，但多謝佢o地包容、接納我，我會繼續努力，我相信佢o地會支持我o家，呵？一齊加油吧！
記住我係流星村o既村姑、亦係鳳梨頭道明寺、都係英式呀！當然我真係Sandy (SC)啦！
而我o地流星村o既成員包括：F4其如３子(花澤類Sally，佢係個好溫柔、有負任感、細心、關心人o既亞娘呀！多謝佢帶我返番返教會、佢亦係玉色呀！；美作小May May，佢係個認真、有責任感、慢熱、成熟、樂於助人、好識關心人o既村長呀！我「英」同佢「美」要聯軍努力o係HRC工作，我o地英、美要並肩作戰呀！；西門亞Yan，佢同我一樣都係鍾意Snoopy同紫色o家！佢係個成熟、賢良淑德、樂觀積極、健談、勁識照顧人o既女仔，同佢傾偈好舒服、好o岩咀形o家！)；我o既愛人杉菜Rainbow呀！佢o既性格都幾似杉菜o家，好堅強、好真。好多謝佢成日撐我，佢對朋友好好，多謝晒！我都一樣撐硬佢，因為我o地係「瑩」「英」帥靚正嘛！哈哈！；青和學長Stephen，佢係我o地亞頭，佢好睇住我o地做細
o既，對我o地好好，教識o左我好多o野，多謝晒！；Ben哥(我o地老細呀！)、劉姑娘(一個能幹、細心o既同事，同佢雖然一齊工作o左只有個多月，但佢已經教識o左我好多、提點o左不少，好多謝佢！)、Cherry(要跟佢學習獨當一面)、Eman(一個好開朗o既同事，成日o係佢臉上都見到笑容o既)、亞儀(多謝佢教我開始整網頁，如果冇佢，我諗就唔會有Sandy’s World，真係要多謝師傅喇！)、亞Roy(多謝佢幫我搬Rehab Shop d 貨，辛苦晒！)

『教會篇』─ 由10歲開始已經返灣浸，o係o果度結識o左好多好朋友，可能因為大家有共同o既信仰、人生觀，所以好o岩傾，大家都好真，真係好開心可以識到一班咁好o既朋友陪住我成長，成為我o既同路人，多謝佢o地每一位！除o左一齊返團契、崇拜之外，我o地仲會交心o家，會一齊去慶祝節日、一齊去玩o家。嘻嘻！不過已經有好一段時間冇聯絡、冇見過面啦！真掛住佢o地o家，雖然我冇再返灣浸，但我希望我o地會係一輩子o既朋友！o係教會真係有好多朋友，等我數數佢o地個名先：嘉加(細個o既時候，有d人會認錯我o地兩個，又或者以為我o地係兩姊妹o家，哈！我同佢好friend，係會傾心事、秘密o既主內姊妹)、洪宇(係我o既知己，雖然佢唔o係香港已經好多年，但我o地依然係對要好o既朋友，Friends apart but close in heart！我希望我o地o既友誼唔會因為地理差距而減淡，嘻！Paul (朱古力呀！佢俾人一種好唔定性、好冷o既感覺，但其實佢都幾識諗o既，都傾得心事
o家，祝佢早日o係森林伐到棵好樹啦！)、廣榮(我係亞不，佢係亞的，哈！我當佢係我細佬咁o家，哈！)、亞邦(佢白白o既皮膚係女孩子所夢寐以求o既，哈！佢係個可以傾心事o既朋友o黎o家，佢都好有朋友心，多謝！)、Agnes(佢係個好有愛心、好關心朋友o既一個朋友)、Elaine(好似大姐姐咁會對我有提點，亦好關心我，多謝佢！)、雪儀(一個好有性格o既姊妹，佢教識o左我好多，多謝！)、Wyman(身處美國的朋友)、Karen(改變真係好大，勁！)、星雯(好純、好關心朋友o既姊妹)等等。總之多謝每一位我o係教會認識o既弟兄姊妹，佢o地曾陪伴我走過。
冇再返灣浸之後，返o左康浸，我希望同o果間教會o既弟兄姊妹可以熟ｄ，成為我o既同路人！我會努力投入o家喇！

『外展篇』─ o靚妹依個名係Jade o既隊員叫我o家。我o地一行十二人(大家姐Fiona、格格Owen、城城Stephen、Big Business Monster Bryan、峰兒、亞超，Tommy、Jody、Chris、Wilson、Ming，同(我) o靚妹)一齊生活o左十日九夜。我o地o黎自唔同o既地方、有著唔同
o既背景同生活，佢o地有d讀緊大學；有d出黎o社會工作o左已經有一段時間；而我只係一個中六放緊暑假o既學生妹。但因著依個外展訓練我o地一班唔同o既人走埋o左一齊，而且仲一齊成長、一齊密集式咁經歷o左好多o野。我地一齊行山、一齊跳海、一齊紮營、一齊煮o野食、一齊食飯、一齊玩、一齊o係風帆上生活o左3日2夜等等，總之我o地一齊完成o左、經歷o左好多好多。我o地一齊講笑、一齊吹水、一齊唱歌(慢慢長路有包萬寶路，一包兩份煲)，哈哈！我好懷念o果十日o既生活，係好充實同開心o家，雖然係好辛苦，但都有佢地陪我，多謝晒！當中係有好多歡樂，我亦有淚水，依家諗番起都覺得好開心，哈哈！我其實好幸運可以識到佢o地，我希望我o地可以保持聯絡，友誼永固，多謝佢o地！

2002年12月我再參加o左外展訓練，從此之後我又多一班外展o既朋友喇！今次依班叫做Team 1，哈！一共有11人(June, Stephanie, Leo, Pat, Helen, Ken, Gloria, Winnie, Esther, Gary)，今次大家d年紀比較相近，都好o岩玩。o係o果3日2夜o既訓練當中大家都比較task-oriented，所以d tasks都做得好好，但關係上o既建立就o麻o麻o地，不過個訓練只係我o地o既相識開始，完o左個camp，我地都有約出o黎re-union，而且都有心keep住，嘻！由於其中有3個成員就o係澳洲生活，所以都好少可以見到面，不過我真係好想當佢o地返香港「旅行」時，我o地都會有機會聚下啦！我真心希望依班朋友又可以成為我人生當中o既其中一班朋友o家！