※《Tat Flip》 Music Bar Tender※
將音樂比喻成雞尾酒是最好不過，只要將音符、旋律、風格、樂器揉合，一首歌就此誕生。如果說香甜的VIRGIN COLADA是學生情歌；甘澀的RAINDOW是HARDCORE。那麼，甜酒溝西柚汽水，上層加雪糕球的雞尾酒究竟是啥酒﹖INDIE樂隊TAT FLIP可以話過你知。
TAT FLIP雞尾酒
曾是BEYOND自組經理人公司的旗下組合TAT FLIP，隨著公司解散而自立門戶，一手一腳炮製專輯，不經不覺，他們的新碟又即將見人。相比前作，TAT FLIP的新作來得溫順少許。歌詞內的火氣轉嫁到音樂上；戾氣不再單靠主音大吵大嗌，而是利用多款搖滾樂去發洩出來，如ACOUSTIC ROCK、FOLK ROCK、MELODIC ROCK、PUNK ROCK等風格。有人會懷疑，ROCK真的有以上的類型嗎﹖TAT FLIP 3子笑一笑。
「其實而家嘅音樂趨勢，一係返頭嫁，一係就左溝右溝而成，我哋本身唔鍾意將一類音樂去定型，所以我哋會將不同類似嘅音樂溶成一爐，如果玩齊一類音樂，就變得老土。
所以，我哋嘅新碟好似一杯雞尾酒，歌詞好似甜酒咁，唔僧好火爆去鬧人，可能令人有錯覺以為歌詞灰暗，但其實較易入口；音樂就似西柚汽水，甜而不膩，微酸得來刺激聽眾。兩者溝埋，樂迷飲落唔覺苦，卻又感受到幾分酒意，聽到HIGH HIGH地㗎﹗上層仲加一個雪糕球去包住杯COCKTAIL，就好似碟內首尾嘅純音樂一樣。」
本身並非酒徒的TAT FLIP，越說越多鬼主意、越興奮，看來他們比樂迷更快HIGH吧﹗
開炮、轟人
汲取教訓，TAT FLIP發現借歌鬧人的方法不行，因為鬧前鬧後沒兩樣，所以他們改借這裡來發洩一點點不平聲音。
嘉榮：「我要鬧各大唱片公司，點解香港BAND不被重視呢﹖因為佢哋著重包裝，漠視創作精神，大公司有錢壓死蟹，佢哋根本唔會睇音樂上眼，唔理你花咗幾多心血去製作，最緊要都係賣錢。最弊係我哋要借助佢哋去發表音樂，但無人知道一入唱片公司會否係條隊道，有入無出仲慘﹗」
嘉威：「輪到我鬧某一撮樂迷，佢哋過份盲目追捧靚仔偶像，唔識深究乜嘢係音樂，應該嘗試多聽不同的音樂呀﹗」
懷恩：「咁我要鬧香港嘅教育風氣，唔一定要迫後生仔讀書先令佢出人頭地，去讀音樂專校、去玩Band都可以有成就，唔好侷限新一代，佢哋比我哋一輩更聰明㗎﹗」
鬧過後，TAT FLIP不會舒服些。
因為他們所鬧的，只是無奈的現實，就像他們的新歌《依舊吧》還好。
※∞HOME∞※※∞NEXT∞※※∞BACK TO INTERVIEWS∞※※∞TOP∞※