咁靚既月色，最好就係拖著靚仔隻手搖下搖下咁行尖東。肉麻當有趣又有，吊起黎賣都好。總之就盡情咁享受一下女仔應有既權利。唉！不過做咩都好，都唔好係十幾樓跌落街呀！不過如果有個男人寧願同你一齊死，都唔願意放開你隻手。做女人既應該好開心至係。之但係，如果你發現呢個男人同時又拖住另外一個女人隻手，果個女人仲係你friend到唔friend既老死呢﹖其實我真係好想況天佑放開我既。真既。反正佢拖到幾實都冇用啦。
我叫馬小玲，係驅魔龍族馬氏一家第四十代傳人。祖宗有命，拍拖﹖No Way！為男人流眼淚﹖No
Way！總之要消滅殭屍至將臣先啦。終於我地三個都冇事。因為珍珍連消防車都叫埋黎。又咁岩趕得切用氣墊救番我地，簡直係奇蹟！
呢個物體叫金正中。係我徒弟黎既。佢就冇咩好既啦，不過勝在捱得鬧。當一個女人冇男朋友既時候，有個男人俾佢鬧下。都可以平衡下心理呀！ |