我和殭屍有個約會２>>>
|
秦夢 |
| 況中棠︰臣況中棠參見皇上 秦始皇︰況中棠，你此去寒山將叛盜一舉殲滅，做得非常好 況中棠︰謝皇上 秦始皇︰唉，內亂未平，外面又有妖屍將臣為患，未知何時才能安享太平﹖ 況中棠︰臣願前往殺魔除妖，為民除害 秦始皇︰據說要收伏妖屍，必先降伏神龍。朕已派巫女馬靈兒前往處理此事。況中棠，你就負責保護她的安全吧！ 況中棠︰臣領旨 ∼∼∼∼∼∼∼∼∼∼∼ 馬靈兒︰過黎呀！有好多怨靈跟著你，我用潔淨既海水幫你畫符驅靈。你又殺左好多人﹖ 況中棠︰係！因為佢地想殺我 馬靈兒︰殺戮太多，我怕有一日會招禍劫 況中棠︰皇命不可違。要你殺人，不可不殺。要你除妖，不可不除。 馬靈兒︰況家代代虎將，馬家世代通靈。一切都係命中注定。 ∼∼∼∼∼∼∼∼∼∼∼ 況中棠︰未必有事，可能係巧合 馬靈兒︰唔係！一定會有事 況中棠︰係將臣定係神龍﹖ 馬靈兒︰唔知 況中棠︰你係馬家第一代最強驅魔師。唔通連你都冇辦法對付佢地﹖ 馬靈兒︰唔知 況中棠︰我地今晚就入樹林降龍係唔係﹖ 馬靈兒︰神龍會係今晚子時出現。黎吞風飲露，吸收日月精華。只要降伏到神龍，就有機會殺到妖屍將臣。 況中棠︰連你都冇十足既把握﹖ 況中棠︰可唔可以幫我占一支掛﹖ 馬靈兒︰你知既，我從來都唔會幫你占卦。 況中棠︰我想知呀！ 馬靈兒︰不行！我怕會係兇兆 況中棠︰我有重要野要決定 ∼∼∼∼∼∼∼∼∼∼∼ 馬靈兒︰走！即刻離開呢度！ 況中棠︰咩事呀﹖ 馬靈兒︰我叫你走呀！是大兇之兆，你會死既 況中棠︰我會死﹖咁咪無緣娶你為妻﹖ ∼∼∼∼∼∼∼∼∼∼∼ 況中棠、馬靈兒︰皇天在上 況中棠︰我況中棠 馬靈兒︰我馬靈兒 況中棠、馬靈兒︰不能同生，只願同死，千秋萬世，至死不渝 ∼∼∼∼∼∼∼∼∼∼∼ 秦始皇︰徐福，你去左邊呀﹖朕就黎死啦。你究竟去左邊呀﹖徐福 徐 福︰皇上 秦始皇︰徐福，你搵唔搵到呀﹖ 徐 福︰臣遍歷各地，終於都俾我搵到長生不老之藥 秦始皇︰好，好，你快獻俾朕 徐 福︰臣遵旨 ∼∼∼∼∼∼∼∼∼∼∼∼ 馬靈兒︰你已被靈符所鎮，走唔甩既啦。我根本冇諗過殺你。只是想借你之力，消滅妖屍。你既為世間靈獸，何不用有用之軀，為人間除魔伏妖﹖如果你再係冥頑不靈既話，我就將你打到永不超生。現在只得兩條路俾你選擇。一是化為淨世龍珠，千秋萬世為我馬家驅魔靈獸，一是死。你自己選擇。 ∼∼∼∼∼∼∼∼∼∼∼∼ 秦始皇︰點解，點解朕會咁樣既﹖朕冇曬頭痛，全身好舒服。點解﹖ 徐 福︰因為將臣將我變為妖屍。而我亦將皇上變成妖屍 秦始皇︰妖屍﹖將臣﹖ 徐 福︰沒錯，只有妖屍才可長生不老。恭喜皇上能享萬世之大業 秦始皇︰萬世大業 長生不老 萬世大業 長生不老 ∼∼∼∼∼∼∼∼∼∼∼ 馬靈兒︰你真係冇事﹖ 況中棠︰冇事 況中棠︰好在你支掛象唔準 馬靈兒︰妖屍﹖ 況中棠︰將臣﹖ 馬靈兒︰你受左傷，等我去睇。 況中棠︰你要小心。 馬靈兒︰放心啦，我有龍神幫手，一定可以消滅將臣 ∼∼∼∼∼∼∼∼∼∼∼ 徐 福︰天下間只有一個人可以殺我地 秦始皇︰邊個可以殺我地﹖ 徐 福︰就是馬靈兒 秦始皇︰馬靈兒﹖ 徐 福︰冇錯！如果佢可以收神龍，殺將臣，亦即是話亦都可以將我們殺死！ 秦始皇︰唔得！冇人可以殺朕。叫況將臣殺左佢 徐 福︰況將軍下跪接旨。皇上有命，況將軍立即追殺馬靈兒，不得有誤 況中棠︰馬靈兒所犯何罪﹖ 徐 福︰況家世代效忠皇上。逆旨視為不忠。照做！ 況中棠︰唔我！ 徐 福︰你甘願以馬靈兒一人，換取你全家一十三口性命﹖你全家已被押赴刑場。若然你敢抗旨，每隔一個時辰，就處決一個！ 徐 福︰一個時辰轉眼即逝。當月光升到最高既時候，死既就係你娘親！ ∼∼∼∼∼∼∼∼∼∼∼ 馬靈兒︰你不是人。中棠快D走呀！ 徐 福︰況將軍，只要你將妖女馬靈兒誅滅，榮華富貴應有盡有，難道你甘願做不忠不孝之人﹖當月光升到最高既時候，死既就係你娘親 馬靈兒︰仲不走﹖ （況中棠殺馬靈兒，隨後自殺。靈兒臨死前） （靈兒回憶） 況中棠、馬靈兒︰皇天在上 況中棠︰我況中棠 馬靈兒︰我馬靈兒 況中棠、馬靈兒︰不能同生，只願同死，千秋萬世，至死不渝 ∼∼∼∼∼∼∼∼∼∼∼ 馬靈兒︰不能同生，只願同死，不能同生，只願同死，千秋萬世、至死不渝 馬靈兒︰從今以後，馬家既女人不得再為男人流淚。終生以追殺將臣為己任。世世代代，不得有違！ ∼∼∼∼∼∼∼∼∼∼∼ 馬丹娜︰終於，馬靈兒用佢最後一口氣，寫低佢最絕望既遺言，留俾給佢的後人。從此之後，眼淚就成為我地馬家女人最彌足珍貴既寶物。
＊＊＊＊＊＊＊＊＊＊＊ 馬靈兒遺言︰ 余自幼以為天地造化 皆已洞悉 惟天地無極 造化無止 豈能盡由人測﹖ 此刻遭此畢生之恨 至肝腸俱斷 淚血皆枯 自知命數將盡 此恨無期 聊以絕筆遺諸後人 以察因果 |