愛．情

人物介紹：

櫻希奈村：心思細密，善解人意

神樂　鈴：愛幻想，性格反

緒方龍一：愛理不理，愛出鬼主意

千葉涼平：怕醜，點激都唔會嬲

＊＊　第一集　＊＊

奈村：你唔好咁既樣啦！失戀咋嘛！你又唔係未試過！

鈴（好傷心）：就係因為試過好多次！我都唔明？次次都係人地飛我先既？好Hurt呀！

奈村：我真係怕左你啦！今日第一日開學，唔好咁既樣啦！話唔定．．．

鈴（好熟練咁講）話唔定又會有一段新既戀情呀嘛？你次次都係咁講架啦！

上堂鐘聲響起．．．

奈村（環顧四周）：鈴，我睇左好耐都唔見有個睇得上眼喎！做咩唔出聲？

鈴（隻眼發晒光）：奈，你望下果邊果個得唔得．．．

奈村（跟住鈴既眼光）：睇過．．（好失望）普通咋喎！你眼光幾時咁差架？

鈴（好惡咁）：我唔係話呢個喎！你有冇睇清楚架？懷疑我既眼光！！作死你呀？

涼平（驚驚青青）：龍一呀！你覺唔覺得好似有人眼甘甘咁望住我地呀？

龍一（搭住涼平膊頭）：涼平哥！今日大家都第一日番學！好奇係正常架喎！

涼平：唔係喎！我真係覺得有人牛咁眼望住我地呀！好似係果邊架！（指住奈村果邊）

奈村（好諤然）：撞鬼囉！！個男仔指住我地呢邊呀！大鑊．．．．

鈴（好似盲左）：邊個指過黎呀？？我睇唔度呀！！你講清楚Ｄ啦！

班主任：各位同學你地好！今日第一日上堂，我介紹下自己先，我叫．．．

同學甲（突然大聲嗌）：Miss你咁靚女！不如講左你有冇拍拖先啦！

奈村（不屑既眼光）：好心佢第一日番學，就唔好扮好笑啦！智商低到死！

班主任（好串咁）：就算我冇拖拍都唔會選擇呢位同學囉！！更何況我有拖拍架啦！

全班聽到Miss既偉論，成班都忍唔住拍手掌．．．

鈴（笑到停唔到）：Miss真係型到爆廠！唔知岩岩個條友點落台呢？呵呵！

龍一：真係估唔到Miss咁機智，涼平，你話係咪？

涼平：果個同學真係大膽呀！肯當眾咁大聲講野．．仲要比人串到成隻野咁添！

龍一（好似發現新大陸咁）：涼平！你識得講笑呀！有好大進步，努力！！

開心既時間話得特別快，小息時間又到．．．．．

涼平（望住小食部條隊咁長）：龍一！你估我地幾時先可以買到野食呀啦？

龍一（好無奈咁）：我諗岩岩打鐘果陣，就到我地架啦！唔好咁擔心啦！

奈村（離遠望到小食部人山人海咁）：鈴，我諗我地要番轉頭架啦！

鈴（埋怨）：駛唔駛咁多人呀？而家唔駛錢咩？好鬼肚餓呀！而家點算呀？

奈村：你買罐野飲飲住先啦！第二個小息行快ｄ落黎買啦！

鈴（好嬲）：唔買啦！番上課室訓覺好過啦！真係好鬼麻煩架！

上到課室，鈴仲係好嬲．．．．

奈村（安撫）：你唔好咁嬲啦！會多幾條皺紋架！乖啦！

同學乙（好有禮貌）：你地好呀！我叫山田一夫！可以做個朋友嘛？？

奈村：當然可以啦！我叫櫻希奈村！佢叫神樂鈴！多多指教．．．

鈴（奸笑）：奈村！你睇下咁快就有人同你做個朋友啦！厲害！厲害！

龍一（好失望）：都唔知呢間乜鬼野學校黎架！邊有學校小食部ｄ野會賣晒架？

涼平：咁証明我地唔好彩囉！！下次都係帶野番黎學校食把啦！