愛．情

＊＊　第二集　＊＊

開學既第二日，奈村同鈴好似平時咁番學．．．．．．．

奈村（面青青）：琴日我發左個惡夢！好恐怖架！

鈴：講出黎聽下有幾恐怖，我都識識地解夢架喎！

奈村：我夢見有隻四個人咁高既怪獸追住我呀！我走得愈快，佢就追得愈近！

鈴（成個專家款）：我知道點解你會發個咁恐怖既夢啦！你琴晚係咪睇左星球大戰呀？

奈村：係呀！點解你會知既？係咪同我個夢有關呀？你快ｄ講埋落去啦！

鈴（好大聲）：你個死妹釘！我叫左你臨訓之前唔好睇科幻片架啦！

奈村：咁好睇呀嘛！成日係屋企好悶架！電視都睇到厭晒啦．．

鈴：咁都唔係下下睇埋ｄ咁激既野架嘛？唔發惡夢果個就真係奇人啦！

山田一夫（突然出現）：神樂同學，櫻希同學，早晨呀！！

奈村：你．．．早晨．．乜．．你行呢邊架咩？又會咁都撞到你既！

一夫：係呀！！我住附近架咋嘛！我離遠見到你地！咪行快ｄ嗌你地囉！

鈴（嚇到呆左）：早．．．．．晨！咁岩．．．．

一夫：係呢！櫻希同學，神樂同學！你地一齊住架？一齊番學既？？

鈴（忍唔住串佢）：同學！唔係一定要一齊住先可以一齊番學架嘛？咁唔通一定要住係小　　　　　　　　　　　　　　　　　　　　　　　　　　食部隔離先可以買野食架咩？？

一夫（好天真）：係喎！！我真係傻呀！問埋ｄ咁既問題！都係神樂同學你叻！

奈村：不如你行先啦！我同佢仲有其他事要做！番學校見啦！

一夫（仲唔識做）：你地有咩事要做呀？睇下我可唔可以幫到你地？

鈴（要爆炸）：你係真唔知定扮晒野呀？

奈村（控制住鈴）：好小事架咋！我地自己攪掂架啦！你番學先啦！再見！（愈行愈快）

一夫：櫻希同學，神樂同學．．．．．行得又會咁快既？實係運動好叻架啦！

鈴（激到出晒煙）：都唔知呢個係咪地球人黎架！（扮山田一夫）你地係咪一齊住？點解一齊番學？咁深既問題，我真係唔識答佢囉！

奈村：你唔好咁啦！可能佢天生係咁豬呢？你咪原諒佢囉！唔好勞氣！番學啦！

鈴（邊行邊鬧）：我本來心情好靚架嘛！無那那行條咁既友出黎．．激死我啦！

番到學校，一夫又周圍結識新朋友．．．．

一夫：你地好呀！我叫山田一夫！可以同我做個朋友嘛？

涼平：你好！我叫千葉涼平！佢叫緒方龍一！請多多照顧！

龍一：你叫山田一夫呀？個名好有大志喎！（忍唔住笑．．）

一夫：係咩？多謝你既讚賞！希望我地可以做得到好朋友啦！再見！

涼平（打龍一個頭）：你咪咁衰啦！無端端做咩笑人地個名呀？口痕咩？

龍一（仲玩）：唔係喎！佢都不知幾開心，我讚佢個咁有大志既名呀！

一夫（見到奈村同鈴番黎）：櫻希同學，神樂同學！你地番黎啦？

奈村（快過鈴出聲）：係呀！係呀！唔同你講啦！係咁啦！

鈴（番到埋位）：我諗我地要轉校啦！再對住佢，我唔排除暗殺佢既可能性囉！

班主任：今日呢一堂係自己我介紹，我相信大家都對其他同學認識唔深架啦！

涼平（好驚訝）：唔係呀嘛？要介紹自己？？仲細咩？攪Ｄ咁既野！

龍一：你唔駛咁驚喎！陣間我講先，然後到你啦！跟住我咁講得架啦！

班主任：好啦！我諗大家都準備好架啦！邊位同學想講先呢？

一夫（舉手）：老師！不過如等我講先啦！大家好，我叫山田一夫！請多多指教！

班主任：你好呀！一夫！不過今次叫位女同學試下啦！就呢位啦！（指住鈴）

奈村：鈴，Miss好似叫緊你介紹自己呀！