愛．情
＊＊ 第十一集 ＊＊
涼平搵到龍一，坐係佢身邊，冇出過半點聲音，就係咁過左成個鐘．．．．
龍一（好頹喪）：你做咩唔安慰我呀？
涼平：你記唔記得我係點識你架？
龍一：記得！個陣同阿媽嗌完交，自己坐係個公園度，你行過黎問我幾點就識左囉！
涼平：果陣我見到你個樣同而家都係一樣！
龍一：我係咪好豬呀？明知人地前面有陷阱，我都仲要行快ｄ！
涼平：你又知前面果個係陷阱？可能跌左落去之後，係個世外桃源呢！
餐廳中，奈村望住鈴．．．．
奈村：仲唔嗌野食？內疚係唔可以食飽人架喎！
鈴：佢咁突然問我？又捉住我喎！我一時間唔知點答佢，先叫佢放手咋嘛！我冇心架！
奈村：你同我講冇用架喎！係對人有意思既，咪講同人地講囉！
番到學校，龍一冇望過鈴半眼．．．．
奈村（細細聲）：你睇下龍一咁幾唔開心，你要負全責添呀！
鈴（望住龍一）：我都唔係有心．．．
涼平：鈴，陣間個堂Miss冇番呀！你坐過去睇下龍一！好冇？
奈村（見鈴猶豫）：而家係你表達自己心意既時候啦！仲諗咩呀？過去啦！
龍一見到鈴坐係自己隔離，並冇作出任何舉動．．．．．
鈴（鼓起勇氣）：對唔住！我岩岩唔係有心架．．．
龍一：傻啦！其實你都冇錯，你只不過講左心入面既感受出黎咋嘛！
鈴：唔係呀！岩岩係我太緊張先會亂咁講架咋！你唔好扮係個心上面呀！
龍一：亂咁講？？（諗左一陣，好激動）咁即係你鍾意我？
代課老師：做咩事咁嘈呀？係咪冇野做呀？我比ｄ野你地做架啦！
涼平（聽到龍一把聲）：睇黎佢地個邊有好大進展喎！！哈哈！
鈴（好怕羞）：你唔好咁大聲啦！！慌死全班唔知咁！
龍一：呢ｄ咁開心既野，梗係要大聲ｄ架嘛！我拍拖啦嘛！哈哈！
奈村：龍一你拍拖啦？你女朋友係邊個先？講清楚ｄ好喎！
鈴：奈村！你而家係咪玩先？信唔信我用同一個問題，問番涼平呀啦？
涼平（面紅）：你問左我都唔會答架！
結局．．．．當然龍一同鈴成一對！涼平同奈村成一對！係咪覺得好似少左一夫咁呢？
最後因為佢既單純既性格！都搵左個比佢更加單純既女仔囉！希望睇呢個小說既人，
都可以好似佢地咁同自己錐意既人成為一對啦！