愛．情

＊＊　第十集　＊＊

小息過後，四個都帶住不同既心情上堂．．．

龍一（見到涼平面帶甜笑）：千葉先生！你中左六合彩呀？笑到咁既樣？

涼平（照住鏡）：係咩？講ｄ開心野比你知啦！

龍一（好醒）：唔駛講我都估到啦！關於奈村既！！

涼平：今次最叻仔係你啦！岩岩我聽鈴講，話原來奈村對我都．．．咩架！

龍一（心諗：一早知啦）：咁咪好囉！有情人終成愛侶囉！

涼平：咁你呢？你既愛侶呢？係喎！你今日扮得咁靚仔，究竟係比邊個睇先？你好講啦！

鈴（好開心）：你嫁得出啦！！我要做伴娘架！

奈村：你咁既講，即係．．．．．涼平佢．．．．．

鈴（不斷咁笑）：佢已經深深咁愛上左你囉！恭喜晒！！

奈村：咁我就唔駛估估下啦！鈴，我都有野話你聽呀！不過你要答我問題先喎！

鈴：唔係呀？咁快想問下著咩婚紗啦？傻妹，到時先揀都唔遲啦！

奈村：如果．．．．．我話比你聽，龍一都深深愛上左你，咁你會點．．．

鈴（呆左）：．．．．．．你肯定未食藥！如果唔係，唔會講埋ｄ咁冇根據既野！

奈村（好認真）：我講真架！岩岩你同涼平落左去果陣，龍一同我講架！

鈴：咁就更加冇可能啦！以龍一既為人，點會無那那講ｄ咁既野比你聽呀？

奈村：因為我講左比佢聽，我鍾意左佢個好朋友呀嘛！所以佢咪肯講囉！

鈴：你唔係呀嘛？之前我問極你都唔認！你而家親口向龍一講！你好野呀！

奈村：唔好講廢話啦！一句到尾，你對龍一有冇感覺先？問心個句呀！

鈴（諗左一陣）：我好坦白既．．．．唔知！

奈村：咁即係有可能啦？你知啦！我同涼平出街！都唔想你地兩個咁悶架嘛！

鈴（不屑）：真係用心良苦囉！你叫我點感激你地好呢？殺左你地兩個，比你地葬埋一齊啦！咁好冇？

涼平：你曳曳啦！鍾意人都唔同我講！係咪兄弟黎架？

龍一：咁我唔肯定呀嘛！如果我同左你講先發現自己唔係鍾意佢咪死？你要體諒下我架！

涼平：咁你而家肯定左未呀？如果係就同人地講聲啦！

龍一：未．．．肯定！知左再通知你啦！

LUNCH既時間又到.．．

龍一（拉住奈村）：點呀？佢點答呀？

奈村：我問佢對你有冇感覺！佢話唔知！咁即係有可能啦！你加把勁就一定得架啦！

龍一（灰心）：我仲以為佢會話鍾意我添．．．

奈村：你唔好咁啦～你唔試又點知喎！如果你放棄左就咩都冇架啦！

鈴（望到龍一，好唔自然）：你地．．仲唔行快ｄ？陣間就會冇位坐架啦！

龍一（望住鈴，突然）：鈴，你鍾唔鍾意我呀？

鈴（瞪大隻眼）：你．．．你咪玩啦？我唔玩得架．．．

龍一（捉住鈴）：你知我唔係玩架！你講比我聽你鍾意我呀！

鈴：你放手啦！呢度好多人望住架！放手呀！

龍一：你唔鍾意我．．．你真係唔鍾意我！（跑左去．．．）

奈村：你做咩呀？你明明係鍾意佢架！點解你唔講心個句呀？

涼平（咩都唔知）：做咩呀？龍一呢？

奈村：我都唔知點講比你聽啦！龍一走左！你追出去睇下佢點啦！

涼平：究竟發生咩事呀？（走左去追龍一．．．．）

奈村（望住鈴）：你究竟想點呀？佢都講晒出黎啦！點解．．．