《LoVe Is MeSsAgE》  作者: Kwaii Homi

第十九回:

桃子:                      (隻手緊撓住剛…有心想比龍一見到) 啊…係呀…初初諗住真係唔黎架…但係

                                如果今次唔黎既話,都唔知幾時再有機會睇到你地既表演喇….哈哈

光稀:                      (非常緊張) 你講咩呀??? 咩唔知幾時再有機會睇到呀??? 你去邊呀???

慶太:                      呢到好多人望住我地喇….我地不如搵個地方坐底先傾啦…好嗎???

龍一:                      係囉…你地有冇地方去丫…如果冇既話…一齊去w-inds café開大食會丫….

涼平/舞靜:            去啦….難得我地齊人丫嘛…剛你都一齊去丫???

剛:                           啊…我冇所謂架…睇桃子啦…

桃子:                      好呀~~~今晚係平安夜丫嘛…緊係要大家一齊玩先開心架啦….哈哈

就係咁佢地7個人就去到w-inds café喇…而當時既café已經係close左,得返佢地7個人……

光稀:                      桃子…你快d講咩事啦…你頭先岩岩話咩唔知幾時再有得睇佢地表演呀…(想

                                喊咁既樣喇)

桃子:                      你個光稀丫…都仲係咁細路女既…我走左之後…你要識得照顧自己喇…不過

                                唔緊要啦…你有慶太嘛….哈哈

涼平:                      你要走??? 走去邊呀??? (已經望住龍一既反應)

果陣時既龍一只係冇乜反應咁等待桃子既回應…..

桃子:                      係呀…我26號就走架喇…我同剛一齊返九州咋嘛…又咁耐都冇返過去,我既家

                                人都好想我返去…咁剛又住係九州既…咁咪一齊走囉…係咪呀剛??? (扮晒一

                                個幸福樣望住剛)

剛:                           啊….係呀係呀…. (唯有好無奈咁附和桃子)

龍一:                      啊…原來係咁既…幾好丫…難得有人陪你丫嘛…就算返去九州都可以有好好

                                既前途既姐…唔錯呀… 恭喜晒喎 (聲音變得好沙啞)

桃子:                      啊…多謝你呀龍一…我都祝你地w-inds一日比一日紅啦,(強忍眼淚)仲有你呀

                                慶太,對光稀好d呀…唔好成日蝦佢呀…雖然佢係比較蠢….哈哈

光稀:                      咩喎…我呢d唔係叫蠢呀…係單純咋嘛…. (用一個好可憐既樣望住慶太)

慶太:                      你放心啦,我邊捨得蝦佢丫…我地呢d係情趣黎架嘛^^

桃子:                      仲有呀…涼平你呀…唔好成日對任何人都咁溫柔啦…咁會引人誤會架嘛…淨

                                係對舞靜一個溫柔就夠架喇….知嘛???

舞靜:                      呢個就係佢既性格黎架喇…我就係鍾意佢既溫柔….(勁大膽係大家面前講)

涼平:                      嘩…舞靜…我第一次聽你咁講咋…我好開心呀…我都係…好鍾意你….

龍一:                      喂!你兩個夠啦…已經好凍架啦…仲要聽你地講d咁既野仲凍…雞皮都起晒喇!

桃子:                      你呀…緒方龍一…唔好成日淨係識得食先得架…再係咁就越黎越肥架喇…慶

                                太同涼平佢地都有女朋友既照顧…好心你都搵返個啦…(扮晒對龍一冇感覺咁

                                講,其實個心好難過)

龍一:                      哈哈~~我呢d浪子黎架嘛…何況…何況唔係話搵就搵既(好有意思咁望住桃子

                                講)…我都係鍾意兩袖清風多d囉…呵呵

桃子:                      咁我希望你早日搵到個好既女朋友啦…

龍一:                      我都希望你同剛會開開心心啦~~~

桃子:                      你地放心啦…我個手提唔會改架…我地除時都可以電聯啦嘛…係咪???

光稀:                      嗚嗚~~嗚嗚~~你走左…就…就…得返我…我一個人…一個人係屋企….我…我

                                會驚架…又冇人陪我….嗚嗚…桃子你唔好走啦….. (喊到好慘)

慶太:                      (見到光稀喊勁心痛…之後就攬住左光稀) 傻女黎既…邊個話比你一個人住

                                架…仲有我陪你丫嘛…唔洗驚架…你搬黎我地屋企住, 你同舞靜一間房啦…好

                                冇???

光稀:                      嗚…嗚…你講咋嘛…佢地都唔知鍾唔鍾意既…嗚嗚…(又再次喊)

慶太:                      佢地試下話唔准丫….我殺左佢地呀…(努力安慰中)

涼平/龍一             嘩…你好有型呀…我地話唔准就殺左我地喎…放過我地啦…橘大人…我地

                                又冇話唔得…

舞靜:                      緊係啦…果個我亞嫂黎架喎…呵呵

光稀:                      真係可以既???

慶太:                      係呀…放心啦…傻豬^^

桃子:                      咁就好喇…我就好放心咁走喇…好啦…唔好再傾啦…今晚一定要玩過痛快啦!

大家:                      yeah~~~冇錯…一於不醉無歸!!!

就係咁佢地7個人都過左一個好開心既平安夜…而26號果日桃子叫光稀等人都唔洗送佢喇,因為費事大家都唔捨得…但其實係唔想比佢地知道自己同剛已經分開左而唔係一齊返九州…之後既日子又會點??? 請繼續睇第二十回啦~~~

哈哈~~~我係第一次寫小說架,如果對小說有咩意見既話請email到 mosquito@eltex.com.hk啦~~~

要繼續收睇喎!!!