第二十回:
就係咁光稀搬左去w-inds屋企住喇~~而桃子亦都有同光稀等人聯絡…涼平/舞靜,慶太/光稀呢兩對情侶亦都發展得好好,龍一亦都好享受佢認為係浪子生活既生活…一切都好似好平靜…
係學校中…光稀同舞靜一齊預備去食lunch…..
同學甲:
喂….你咪行住…你就係三宅光稀呀??? (語氣相當唔友善)
光稀:
啊…係呀…請問你係邊位呀???
同學乙:
你知唔知你好乞我地憎呀??? (指住光稀)
舞靜:
喂~~~你地唔好咁過份喎,我地好似唔識你地架喎….
同學甲:
你唔識我地唔緊要呀,我地識你呀…橘舞靜…你就係慶太個妹丫嘛…(一把討好既
聲音) 但呢個三宅光稀…有乜資格做慶太個女朋友呀????
光稀:
你地…你地…點會知架…(心虛…驚影響到慶太)
同學乙:
要做人女朋友都諗下自己咩料啦…人又蠢…唔好似住自己生得可愛d就可以扼到
慶太先得架,身為一個當紅偶像最忌既就係有女朋友呀,一有女朋友d
fans就唔鍾意
架喇…你有腦既都識諗啦,你咁樣係鍾意佢咩…係害佢咋….
舞靜:
你地好喇喎…我亞哥鍾意邊個關你地咩事呀???
點都好過你兩件豬扒丫…你地先
不自量力呀…你地連做fans都唔配呀,呢d唔係愛偶像應有既行為囉….簡直就係影
衰晒其他真心鍾意w-inds既fans呀….哼…光稀我地走…唔好理呢d低下層既人!!!
光稀:
啊…..(心情超低落)
舞靜:
唔洗理佢地講野喎….d人妒忌你可以同亞哥一齊先咁講野咋嘛…你一d都唔蠢呀,
唔好放係心到呀,知唔知??? (好擔心光稀會亂諗野,因為光稀個樣表露晒出黎)
光稀:
啊…我冇野呀…你放心啦…不過你唔好將今日發生既野同慶太講呀…我唔想佢擔
心我呀…可能平時既我已經係佢既一個負擔喇…原來我唔識做人女朋友架…一個
好既女朋友係應該幫男朋友分擔唔開心既野,要體諒佢…果個女仔講得岩…我唔係
鍾意佢…係害緊佢….
舞靜:
光稀你唔好傻啦…係到亂諗野…當初又係你教我既,又話同到人氣偶像一齊好勁
架,又教我唔好亂諗野既…宜家既你呢…咪係到諗埋一邊囉…亞哥鍾意既就係傻傻
地既你嘛…唔好理人講野啦…如果真係咁多fans唔鍾意呀,就一早比人唱到通街都
知啦….知道嘛~~~
光稀:
得喇…知道喇…我又邊會記住丫,你都知我架啦…一陣間我就唔記得左架喇…哈
哈!! 快d行去食飯仲好啦…冇時間喇~~食咩好呢…. (扮晒冇野…但其實已經諗
緊….)
舞靜:
你個光稀丫….一講起食你就開心晒喎…你近得龍一多呀….哈哈~~~
係食飯途中,光稀手提響起….
光稀:
嗨嗨~~~
慶太:
稀稀….你係到做咩呀??? 有冇食飯先???
光稀:
(聽到慶太把聲即時想喊) 啊…有…緊有啦…食緊喇…
慶太:
你咩事呀,把聲咁既??? 冇事丫嘛???? (勁擔心既聲音)
光稀:
我冇野呀…邊有事呢….係喎咩事呀???? (聽到慶太勁擔心自己又諗起岩岩既野)
慶太:
我地聽日冇通告呀,不過第二朝一早就要去拍CM喇…你地聽日又係假期喎…不如
我地一齊去玩丫….好唔好呀??? (極興奮既聲音)
光稀:
傻既~~我地一陣都見架喇…返到屋企先講咪得囉….(少有既溫柔聲音)
慶太:
咁我好想即刻話比你知丫嘛…哈哈你突然間好溫柔呀…搞到人地好想見到你呀…
稀稀~~~
光稀:
我都係好想見到你…慶太呀…不如我地聽日淨係我地兩個去玩丫…好嗎????
慶太:
(因為太過開心所以留意唔到光稀有D唔妥) 啊…你鬼馬喇…嘻嘻~~原來想二人世
界呀…哈哈難得係你提出咁就緊係好啦,我都不知幾想呀….
光稀:
咁好啦…我地一陣見面先再傾啦…我就黎遲到喇….
慶太:
好啦…真係想快D就見到你呀….拜拜喇~~~稀稀豬^^
光稀:
拜拜~~~
舞靜:
唔洗問喇,肯定又係亞哥啦???
我聽到有人聽日去玩唔預我地喎…不過都岩既….哈哈
仲好啦,我都想同涼平兩個人去街街呀….
光稀:
哈哈~~~咪係囉…不過龍一就慘喇….
舞靜:
佢話佢係浪子丫嘛,要兩袖清風丫嘛…佢得架喇….
光稀:
咁又係…我地快D行喇….遲到喇….
究竟聽日既佢地會發生咩事呢????
請留意第二十一回啦~~~~
哈哈~~~我係第一次寫小說架,如果對小說有咩意見既話請email到
mosquito@eltex.com.hk啦~~~
要繼續收睇喎!!!