一，仍然有學校體罰時，是指明只可罰男不可罰女直至九一年九月，才全面禁止體罰學生，即係而家好多青年既童年都受過，所以你唔好以為係好年代久遠、好咸豐年的事。就算冇喱樣野，但同樣犯規，男生比女生罰得較重這種事，也一定有吧！！！
二，好多勞工法例，都係「保護婦孺條例」，只對「女性僱員」提供保障，男仔冇份.
例如最高工時、做幾耐要畀幾耐break
time等.
這不單是女性的需要吧！！但偏偏只是保障女性！！(九七年七月，特衰政府剛成立之初有關條例被指抵觸「性別歧視條例」，而遭廢除！！點解要廢除，而唔係保障埋男性?很明顯，「反性別歧視」只係藉口剝削勞工至係真目的!!!本來這特衰政府(狗)
官(奸)
商勾結，從冇把勞工階層當係人剝削基層已是司空見慣，但點解當年要咁樣立法？？)(詳情請按此處)
三，逢親乜桃色糾紛，梗係乜都話係男人既錯。鐵証：
1.陳健康事件，全世界一味對佢瘋狂圍剿,
但對佢個「丁蟹」老婆，就一D批評都冇，反而一味同情、憐憫，甚至「殺子可以理解」，陳健康「害死妻兒」...…呸！是誰擲子落街的？？？？「不忠」罪大過「殺子」？？？？
如果兩人角色對調，我唸大眾反應一定係：「一定係個老公衰，老婆才勾佬，所以老婆勾佬「可以理解」，老公戴綠帽係抵死」「父親殺子，罪加一等！！」(我強烈質疑點解同樣係伴侶不忠，但「戴綠帽」喱個譏諷卻是男性專利)
2.楊寶玲一句「你都冇俾家用，點解要有喱D福利」陳容森就被千夫所指，但陳亦有指楊及外家待他豬狗不如，又有人理嗎？
3.情侶吵架後，不論誰是誰非，
要道歉、卑躬曲膝的，男方不是壓倒性的多？
4.一對男女在街上吵架(不論他們是甚麼關係)第三者不是幫個女人多D??
這其實是因為一有桃色糾紛、男女間的瓜葛女人一定幫女人，男人不一定幫男人為甚麼呢？
我認為有兩個原因：
1.男性不及女性團結，甚至會為討好異性而損害同性.
即使對受討好的異性並無企圖，即使和受害的同性無仇無怨
2.香港女權太高漲，某些男性想為同性講說話也不敢，否則會被女性視作公敵，甚至連同性(男人)也唔妥你(原因見上)
又或者自幼在香港這重女輕男的環境長大，在潛移默化下，也認定女人永遠是對的。
追加：陳章事件，可說是罕有的例外
四，不時有一些消費優惠只對女性提供，最常見莫過於某些Disco、酒吧的
「Ladies Night」雖然已有「性別歧視條例」管制.
但充其量只能令有關機構作些「應酬式」的改善.
例如：原本只對「首X位入會女士提供A優惠」在「性別歧視條例」管制下，再加「首Y位入會男士可享B優惠」.當然「Y人數」遠較「X人數」少，「B優惠」亦遠不及「A優惠」豐富.
例如：「首一百位入會女士入會費全免、首五十位入會男士入費半價」.(我真的見過類似廣告，好像是健身中心的)
五，男對女好、男對女遷就、容忍是「應份」；女對男好、女對男遷就、容忍是「恩賜」。女人的要求，就叫「應份」；男人的要求，就叫「過份」鐵証：
1.逢世界杯，全世界都話：「做人男友要識做，唔好掛住睇波泠落女友」。
不過，鐵達尼號大熱時，無數為人男友悶死之餘仲傾家蕩產，仲有坐完三粒鐘後，
隔離果個極可能已「毛毛雨」甚至「傾盆大雨」又要花心機氹番！！
有D仲橫蠻到因為男友
搵唔到根本唔存在既五粒鐘版而大發爛渣......
仲有史諾比事件，被女友勒令梗足廿八日，浪費金錢時間兼喉嚨痛狂爆暗瘡者，
大不乏人！
然而，在鐵達尼和史諾比事件期間，傳媒和大眾的反應卻是靜如深海，彷彿一切是「應份」！！
世界杯時滿口「做人男友要識做」.鐵、史事件其間有提過半句「做人女友要識做」嗎？？？果然，女人的要求(鐵達尼，史諾比)，就叫「應份」；男人的要求(世界杯)，就叫「過份」.
男遷就女，陪睇鐵達尼(仲要破財)係「應份」.女遷就男，陪睇世界杯(免費娛樂)係「恩賜」
2.女人對男人說：「你愛我就買D乜乜物物畀我」.
男人不答應就是「自私」、「小家」、「孤寒」、「冇『風度』」、「不愛她」...
男人對女人說：「你愛我就同我上床」就係「男友的過份要求」、「咸濕」、「賤格」、「只是愛她的肉體」............
3.男人D錢 ，
使在女人身上，買公仔、飾物、時裝甚至金銀鑽石....就係「風度」、「浪漫」、「細心」、「溫柔體貼」
...
使在自己身上，買模型、音響......就係「浪費」、「揮霍」、「玩物喪志」...
4.情侶之間，甚麼紀念日、情人節，通通等如「女友節」(這個最簡單俐落，不用多說吧)
六，好多野，「責任男人負，功勞女人領」。好似養兒育女、擔起一頭家的責任總是父親較大，(還有你在街上留意一下，可能因女權太高漲,
現在的年輕夫婦，??抱仔的、推BB車的，已經多是男人)
但你只會聽到「世上只有媽媽好」，「媽媽真的愛你」爸爸不知去了哪裡，(不知陳健康的兩名兒子，身在另一世界還會否唱這些歌？)
大眾、傳媒對父親節、母親節的反應可以說是天淵之別！(哪個反應大得多？不用多說吧)
又如「浪漫」喱樣野，冇男人D心思同銀兩，我睇你點「浪漫」！！！但如果你問人「男人定女人浪漫D？」答案相信不用多說，一定答女人，但如果問「製造浪漫既責任男人大定女人大？」又會點呢？
七，好多公共浴室、更衣室(例如學校、泳池果D)女仔果邊個個間開一格格，仲格格有廉遮住，但男仔果邊，唔好話浴廉，連間格都未必有。大細超！難道男性不需私人空間嗎？？？？
其實和同性的距離，男性要比女性大(又是因為「男性不及女性團結」)和同性作親密身體接觸，是女性專利，例如跳齋舞、手拖手行街、玩超級無敵夾死你(麵包),玩一級奸爸爹中的水中接吻.......等.
女性之間可以做，但男性之間可以嗎？！
可見在同性面前，男性比女性更需私人空間.
但現在卻是本末倒置！！
不過當你想到：
1.「男人入女廁」和「女人入男廁」，兩種後果差別有多大
2.清潔阿嬸可大搖大擺入男廁，男人不滿，就大叫：「我幾廿歲啦！有乜未見過呀！」但清潔亞伯可入女廁嗎(除非將之清場兼封鎖)？可以對入面既女士(如有的話)大叫：「我幾廿歲啦！有乜未見過呀！」嗎？？
3.醫院入面，有D要接觸病人私處的工作,如插/拔尿喉、剃陰毛(割盲腸前必須)等.
男護士不可為女病人做，
但女護士卻可為男病人做！！唔好話因為護士以女性佔多數,
難以下下用男護士服待男病人，警察有九成是男性，但又要指定搵女警服待女人？！
4.昭仁和伊藤不單止被日本電視台要求(應是命令)當眾全裸出浴,
而且畫面播出後，外間一D反應都冇，如果佢地係女，不要說畫面播出後，外間反應如何?
就連會否被要求當眾全裸出浴也成疑問。
5.對好身材的異性,
女對男可邊「好man呀~~~」邊又搣又摸.
男對女呢？？？.......
你就會知道，「私人空間」和「身體私隱」這回事上男性是如何「次等」，女性是如何「超等」
八，不論是男多女少或女多男少的場合，男性總是好像是蝕底的一群.如：男校女生是「公主」(不用多說吧)
女校男生是「奴僕」.冇人願梗既豬頭骨，就被屈去行先死先，肥豬肉呢？lady
first！！最後至到你！！！
(又是因為「男性不及女性團結」男校內，男生為討好男校女生而作賤自己,
但女校女生卻絕不會如此)
九，甚麼「好男不與女鬥」、「男人要大量」，
都係「男人有義務被女人老屈仲要啞忍」，「女人有特權無理打男人，男人有義務捱打」的美化版.
十，常聽人說：「係咪男人黎架？！咁唔負責/講左又唔做/咁優柔寡斷/冇義氣..
」又或「男人大丈夫，要有責任心/講得出做得到/堅定決斷/有義氣…」言下之意，是否女人就有「唔負責/講左又唔做/優柔寡斷/冇義氣」既特權？？
(↓以下是有關雙重標準的↓)
十一，女性可穿梭傳統和現代的社會標準
盡享兩者好處，而男性不可，例如：
1.一班年青男女去camp，煮食、洗碗等時女的就大叫：「我唔識煮食、洗碗呀！而家男女平等，點解仲要規定女仔一定要做喱D野呀？」哈！「男女平等」！！搬重物、紮營、透爐果陣唔見佢咁講！！！(所以去camp既工作，幾乎乜都係男仔做哂....)
2.一邊要「不是弱者」的權利.
但又要受「作為弱者」的額外保護！！既然女人不是弱者，何解：
i.女人仲要受保護，要男人接送？
ii.
對於傳統上的男性工作，艱苦勞動、厭惡性、危險和地位低的，如三行、五金、地盤工人、車房仔、打仗時當兵送死......女人從不介意是男性專利；
但地位崇高的專業，如飛機師、工程師、政府高官、行政人員等，就要「平等」
iii.𠄘上面對於高級既野，就「女人不是弱者，男人做的女人也可以做」.對厭惡性、危險、艱苦勞動的工作，就「有冇搞錯呀，要我地女人做喱D野，你係咪男人黎架……」
iv.女人仍可使用眼淚作武器，而不和男人一起「有淚不輕彈」？
v.面對困難挫折，女人可以大叫「我係女人黎架！要人關心架！」但男人就要獨自面對困難挫折，求助就係「冇出息」？
vi.男人對同性可粗暴無禮，對女性就要低聲下氣？
女人一邊爭取「不是弱者」的權力和地位,
一邊還要享受這些「作為弱者」的額外保護、優惠，合理嗎？(最死好多犯賤男人都覺得咁係天經地義)
十二，這是我對「男女平等」的最大質疑：
對於同樣的不公平待遇,
對女性就係性別歧視、剝削女性，天誅地滅；對男性就係「男士風度」、「紳士禮儀」，「天經地義」！！！
男人話唔公平嗎？就係「小氣」、「冇『男人氣量』」！！！！
鑽石証：
大部份國家、地區包括中國，傳統上都是男尊女卑，男人行頭女人跟尾(只有一個情況例外，就係剛打完仗週街地雷時，就女人行頭男人跟尾)
，仲有男人扮殘廢，女人服侍之，例如韓國殘廢餐。不過紅鬚綠眼鬼(請注意：此乃世上勢力最大，最具影嚮力的一群)
卻好像完全相反------ 指明「lady
first」！！(調番轉，女人行頭男人跟尾)甚麼「Gentleman風度」，就係女人扮殘廢，男人服侍之，例如開門拉櫈，
還有要男人為女人做貼錢奴隸，好野、着數、功勞就女；衰野、蝕底、責任就男......(例如：上餐廳、乘公共車時，錢就男人畀，有座位/較舒適的座位卻要讓給女的！！敢問世上還有否有其它不公平事能及此一半？？？)
還有甚麼「只淮婦孺上(救生)艇」........等
但而家香港地D人點睇？？
前者在一句「重男輕女，唔公平」下，早已被丙到煙灰飛滅、屍骨無存了，後者呢？非但從未有人批評過，還奉若聖旨！！是盲目崇洋的畸形心態作怪？還是部份女人在爭取平等時雙重標準輸打嬴要？？
個人見解：
男：盲目崇洋，再加上為博異性歡心而作賤自己
女：盲目崇洋是其次，雙重標準輸打嬴要才是主因.
因為香港D女人女仔十居其九是崇日狂.
平日乜都日本，o架仔興乜都跟. 但人地情人節女仔送野俾男仔、做OL要同男同事斟荼遞水，兼做埋D香港有亞嬸、OA、甚至男同事(！)代勞既清潔、雜務工作薪金又比同級男同事低(據聞只得51%)......百貨公司公司做電梯女郎要不停九十度角鞠躬......等等,
喱D又唔見佢地學下？？(枉佢地仲好意思有「白領儷人」唔叫，學人叫「OL」，真係令我歎為觀止兼作嘔)
雖然重女輕男，鬼頭做成，但香港比人地更勁：
1.有冇第D地方好似香港咁多女高官？
2.成日有人批評部份香港女性如何橫蠻不講理，但有冇人咁批評過鬼妹？好多在外國生活過既人，都話鬼妹nice！！
3.人地既勞工法例，係人都保障，點會只保障女人！！
4.在外國，成年女人同未成年男孩有越軌行為一樣「衰十一」，香港呢？？喱D野錯既永遠係男人！「衰十一」是男性專利！(連埋開頭講既體罰同勞例，可見香港地連法律也對女性諸多偏坦！
法律面前人人平等？？？？？？)
5.外國D情侶，拍拖洗費多數大家分擔.
大時大節、紀念日等男女雙方互送禮物；反觀香港，拍拖洗費多數男人比哂，
大時大節、紀念日=女友節！！