第 一 天 行 程
由 香 港 出 發，搭 港 龍 9 點 半 航 機，全 程 3 個 半 至 4 個 小 時，飛 機 餐 都 唔 錯，但 佢 個 電 視 d 節 目 認 真 麻 麻，起 飛 後 半 個 鐘 先 有 得 睇，節 目 都 唔 算 好 吸 引。今 次 呢 個 團 有 成32 人，都 算 幾 多，差 唔 多 全 部 都 係 一 pair pair 既 情 侶，落 機 過 海 關，海 關 入 面 唔 係 好 多 櫃 位，但 排 隊 人 就 幾 多，差 唔 多 要 半 個 鐘 先 攪 掂。
之 後 搭 旅 遊 巴 去 第 一 個 地 點，東 京 銀 座，去 既 途 中 導 遊 講 左 好 多 日 本 既 資 料，例 如 佢 地 d 車 好 平，重 全 部 內 置 定 位 系 統，唔 怕 盪 失 路，重 有 佢 地 街 上 面 為 左 攪 好 環 保，所 以 唔 係 好 見 有 垃 圾 桶，重 有 日 本 既 國 花 係 菊 花，並 唔 係 櫻 花 等 等........
一 個 鐘 頭 後 到 左 東 京 銀 座，百 貨 公 司 林 立，正 值 放 工 時 間，見 到 好 多 OL 放 工，感 覺 同 中 上 環 冇 乜 分 別，先 去 對 面 既 玩 具 博 物 館，有 4 層 樓 高，每 層 樓 都 放 滿 各 式 各 樣 玩 具，但 今 次 去 日 本 發 覺 佢 地 點 解 冇 變 型 金 剛 既 玩 具 買，唔 通 日 本 唔 興 ?
起 度 shopping 完 後 就 去 今 晚 食 飯 既 地 方，呢 度 又 係 另 一 個 大 商 場，但 黎 到 果 陣 已 經 成 8 點，百 貨 公 司 差 唔 多 閂 門，今 日 行 唔 到，但 最 後 一 日 會 再 返 黎。今 餐 係 中 式 自 助 buffet，水 準 一 般，賣 點 係 望 到 彩 虹 橋 既 景，確 係 幾 吸 引，食 飽 就 落 樓 下 便 利 店 行 下，呢 度 7-11 唔 係 好 出 名，反 而 係 兩 間 未 聽 過 既 個 巿 場 大 D，而 且 賣 既 野 都 冇 香 港 果 d 咁 豐 富，買 完 之 後 返 酒 店 休 息，第 一 日 行 程 結 束。
彩 虹 橋
