第 二 天 行 程
朝 早 起 身 食 完 早 餐 就 出 發 去 箱 根 搭 佢 地 既 海 賊 觀 光 船，呢 架 船 會 圍 住 蘆 之湖 行 一 個 圈 俾 遊 客 觀 光，今 日 都 幾 大 風 同 埋 涼 左 d，企 起 度 望 望 下 都 覺 得 凍。隔 離 就 有 間 賣 手 信 既 舖 頭，成 個 日 本 之 旅 我 發 現 hello kitty 係 唔 係 日 本 吉 祥 物，每 間 舖 頭 每 度 地 方 都 有 佢 地 既 特 色 產 品，重 要 係 個 個 唔 同，最 多 既 就 係 電 話 繩 同 糖，真 係 佢 既 fans 我 諗 會 買 到 窮。
炒 魷 魚，唔 多 吉 利
下 個 景 點 就 係 大 涌 谷 火 山，好 多 人 都 慕 名 而 來，政 府 為 左 令 到 個 景 觀 更 吸 引，就 起 度 整 到 幾 條 裂 縫，令 到 d 煙 多 d，呢 度 出 名 既 食 物 係 用 呢 度 既 溫 泉 水 煮 熟 既 蛋，由 於 溫 泉 水 有 琉 璜 成 分，熟 左 既 蛋 就 會 變 成 黑 色，但 只 係 個 殼 變 色，入 面 同 普 通 雞 蛋 冇 分 別，味 道 亦 都 差 唔 多，加 左 鹽 既 話 會 好 食 好 多。
呢 度 既 牛 奶 好 好 飲 架。
再 塔 車 出 發 去 箱 根 平 和 公 園，裏 面 有 座 觀 音 廟，下 面 條 山 路 就 放 滿 一 座 座 觀 音，每 個 都 有 自 己 既 名，相 當 特 別。
不 動 明 王 象，對 面 重 有 一 個
咖 喱 飯，料 唔 多 但 都 幾 貴。
之 後 再 搭 車 去 附 近 一 個 大 型 outlet 場 自 由 活 動，呢 度 有 好 多 牌 子，重 有 間 無 印 良 品，真 係 平 過 香 港 ，忍 唔 住 買 左 幾 件 底 衫。名 牌 唔 0岩 我，重 有 lego，bandai 等 等..........
shopping 完 後 就 搭 車 去 今 晚 入 住 既 溫 泉 酒 店，位 於 山 上 面，感 覺 上 都 幾 高 級，由 於 旅 遊 巴 上 唔 到 去，要 起 山 腳 再 轉 小 巴 上 去，導 遊 話 呢度 d 司 機 好 犀 利，個 個 睇 落 成 50 幾 歲， 但 上 山 落 山 轉 彎 完 全 唔 駛 減 速，頭 文 字 上 身 一 樣，試 完 之 後 覺 得 所 言 非 虛，好 野。晚 餐 係 光 鍋 加 自 助 buffet，之 前 點 左 個 toro 刺 身 船，自 己 都 係 第 一 次 食，味 道 真 係 同 平 時 食 既 唔 同，海 膽 又 唔 腥，剩 係 食 佢 呢 隻 船 已 經 好 飽，要 食 好 野 付 出 既 價 錢 相 對 有 返 咁 上 下，起 香 港 一 定 唔 捨 得 食。食 飽 返 房 休 息，但 冇 浸 溫 泉，聽 d 團 友 講 返 個 池 細 得 交 關，唔 浸 好 過 浸，襟 襟 下 電 視 見 到 有 電 車 男 特 別 版 睇，冇 字 幕 但 睇 佢 地 d 畫 面 都 覺 得 幾 好 笑。
