|
Warar xogaaal ah oo aanu ka helnay magaalada
Jabuuti iyo xarunta Yurub ( Broksel –Biljim ) waxa
ay shegayaan in Maaamulka Jabuuti ololo-weyn qaaday
lagabilaabo bishii hore, kaaso ah sidii loo
khal-khalin-lahaa aqoonsiga Somaliland ee Yurub maanta
gacanta ku hayso hirgelintiisa.
Waxa olalahaa ka mid ah in Maamulka Jabuuti, isagoo
ku hadlaaya magaca I.G.A.D, uu u soo gudbiyey xarunta
Yurub- Bruselis - Biljim warar nuxurkoodo-yahay in
midowga Yurub joojiyo kuna deg-degin aqoonsiga
Somaliland, sababtoo ah in hadda Maamulka Jabuuti wado
waan-waantii lagu gaadhilahaa heshiis midha dhaliya oo
ka dhex-dhaca Somaliland iyo Somaliya. Si taa loo sugo,
Bishan ( August 2002 ) Jabuuti waxay ka keentay wafdi
balaadhan Muuqdisho kaasoo hadda ku sugan magaalada
Hargeisa.
Marka la eego ololahan cusub ee Maamulka Jabuuti
qaaday si uu Somaliland uga curyaamiyo aqoonsigii
aduunweynaha ee fooda ku soo haya iyo qorshahii
hore ee Jabuuti ee ku salaysnaa in jabhad cusub oo
shisheeya ah lagu beero Somaliland ( kuwaaso qaxooti
lagu tilmaamayo ), waxa iska cad
oo markhaati madoon ah in Maamulka Jabuuti aanu
baddalin siyaasadisii ku salaysnayd burburinta
gobonimada iyo jiritaanka Somaliland.
Waxa Golohu ( Council ) Madaxweynaha ka codsanayaa
in arrintaa loo bendhigo Ummadda Somaliland, loona
sameeyo gudi heer qaran ah oo xal u hesha sidii looga
hortegilahaa dhibaatadaa iyada ah.
Miss F. Ali
Secretary of the Council
|