Vinátta

Vinargjöf skal virða og vel hirða.  

Það hjarta, sem vináttan hefur vermt og blíðkað, þolir ekki sífelldar ávítur.

Vinátta byggist aldrei á skynsemi, aðeins skilningi.

Því ríkari sem vinir þínir eru, þeim dýrari reynast þeir þér.

Gifstu aldrei konu sem þú mundir ekki velja þér að vini væri hún karlmaður.

Það er ástæðulaust að elska óvini sína. Notaðu manngæskuna heldur til að vera betri við vini þína.

Vinátta er mun sorglegri en ást, hún endist lengur.

Þinn besti spegill er gamall og góður vinur.

Þeir voru svo hamingjusamir að meira að segja eftir að þeir voru orðnir öldungar héldu þeir áfram að leika sér saman eins og hvolpar.

-  

það er mótlæti mannanna, hve óvinátta óvinanna er miklu áræðanlegri heldur en vinátta vinanna.

Ekki eru allir vinir þínir, sem mæta þér með bros á vörum og taka vingjarnlega í hendina á þér.

Kunninginn segir til nafns þegar hann hringir. Vinurinn þarf þess ekki.

Kunninginn byrjar á því að segja frá lífi sínu í smáatriðum.  Vinurinn byrjar á því að spyrja hvernig þú hafir það.

Kunninginn heldur að umkvartanir þínar séu nýjar af nálinni.  Vinurinn veit að þú hefur tönnlast á þessu í fjórtán ár og segir þér að gera nú eitthvað í málunum.  

Kunninginn hefur aldrei séð þig fella tár.  Vinurinn er með axlirnar blautar af tárum þínum.

Kunninginn veit ekki hvað foreldrar þínir heita fullu nafni. Vinurinn er með símanúmer foreldra þinna í dagbókinni sinni.

Kunninginn veit lítið um fjölskyldu þína.  Vinurinn veit allt um heilsufar,matarræði og hjónabandserfiðleika hvers einasta ættingja þíns.

Kunninginn færir þér vínflösku þegar þú býður honum í mat.  Vinurinn mætir snemma til að hjálpa þér að elda og verður eftir til að hjálpa þér með uppvaskið.

Kuninginn hringir í þig klukkan tíu að kvöldi, bara til að spjalla.  Vinurinn veit að þér er illa við að fólk hringi eftir níu á kvöldin.

Kunninginn vildi gjarnan vita meira um ástarmál þín.  Vinurinn veit svo mikið um þau að hann gæti beitt þig fjárkúgun.

Kunninginn hegðar sér eins og gestur á heimili þínu.  Vinurinn opnar ískápinn, setur fæturna upp í sófann, svarar maka þínum fullum hálsi og hastar á börnin þín.

Gerðu aldrei neitt, sem óvinur þinn má ekki vita.

-

Bind þú aldrei vináttu við neinn mann, fyrr en þú veist hvernig honum hefur farist við fyrri vini sína.  

-

Vingjarnlegt orð er útlátalítið, en það er þó oft mikils virði.

Til góðs vinar liggja gagnvegir.     

Vinalaus maður ferðast eins og útlendingur alla ævi

Í þörf skal vin reyna.

Lifðu lífinu þannig að vinum þínum leiðist þegar þú ert ekki við.

Langt finnst þeim er vinar væntir.

 Vingjarnleiki er mál sem jafnvel sá mállausi getur talað og sá heyrnalausi heyrt.

Maður þarf hvíld frá öllu öðru hverju, jafnvel bestu vinum sínum.

-

Kunninginn álítur að vinskap ykkar sé lokið ef þið lendið í rifrildi.  Vinurinn veit að rifrildi innsiglar vináttuna.

-

Nýir vinir eru silfur, gamlir gull.

-

Vinir sem deila skerpa huga hvors annars.

-

 Sá sem vill veita öðrum góðum félagsskap á að halda sig í góðum félagsskap.

 Það kostar okkur ekki mikið að sá fræi kurteisinnar og vináttunnar unhverfis okkur.

Taktu þér tíma til að líta um öxl.  Þeir sem

standa við bakið á þér í raunum eru sannir vinir.

-

Í návist vinar getur maður  hugsað upphátt.

 -

Hugarfar þitt ákveður hvers konar vini þú dregur að þér.

Það sem menn kæra sig ekki um að hlusta á hjá vini sínum,

heyra menn oft hjá óvini sínum.

-

Talaðu aldrei um óvini þína, þeir eru þitt eigið sköpunarverk.

                                                      Ástin             Kossar 

                                                                        Heim