| 世界盃冠軍誰屬（二） －Jimmy 咁究竟, 邊幾隊有冠軍相呢, 5屆冠軍巴西, 真係抵佢係冠軍既頂頭大熱, 你話喇, 有細哨依件當今球王, 佢全個身體都可以踢到波, d假動作又夠哂假, 傳送, 射門同控球, 都係ss級, 淨係踢佢一個已經夠啦. 仲要有埋肥拿度, 和獨食怪阿祖安奴, 前線依個鐵三角, 真係堅過石堅呀,仲有一個又靚仔又好波既加 卡, 佢本身速度高, 腳法好, o係球場上仲有廣闊既視野, 依4條友合埋既攻擊力, 試問世界上有邊一隊球隊, 敢話百分之一百可以頂得住. 中後場方面, 艾馬遜同薜羅拔圖擔任雙防中, 巴西自從94年, 採用雙防中戰術之後, 防守能力好左好多, 94年既鄧加同施華, 02年果陣就有基拔圖和艾美臣. 不過兩閘卡富同卡路士既年紀大, 真係巴西一大隱憂, 加埋果條迪達今季係ac成日騰騰雞雞咁, 得件中堅盧思奧係比較穩健, 就算唔落卡富, 落施仙奴, 佢都係攻 多過守, 巴西d後, 傳統都係差o架喇, 不過今年唔選利華古遜成日傷同甩漏果個洛基祖利亞, 其他隊就少左 個死穴去攻巴西喇. 又睇下巴西條線喇, 佢首名出線, 根本唔會有難度, 十六強就會對住e組次名, 依個位好緊要, e組球隊, 就係 意大利, 捷克, 加納同美國, 照計呢, 意大利係最有機會 係e組首名, 一陣先講解下意大利既機會, 按正常情況, e組次名, 都會係捷克o架喇, 對住巴西, 邊有可能有運行, 成隊波, 打個尼維突, 都3張幾, 加拉鍚啦, 普波斯斯又係, 前線, 真高拿傷愈無耐, 巴路士係球會表演一向都係乏善 可陳, 但打國家隊又係另一回事, 04歐國盃神射手, 梗有 佢既必殺技, 但係捷克班波, 點睇都無可能打得贏巴西啦. 到左八強, 巴西就要對住, h組首名同g組次名既勝方, 咁呢, h組首名都係非西班牙莫屬, g組次名好可能係非洲 球隊多哥, 南韓失左主場, 威力大減o架喇, 瑞士攻守都弱, 3零部隊穩膽啦. 西班牙8強要遇到巴西, 講賽西 班牙今屆人腳都算強, 前鋒, 唔計老矣, 大衛偉拿同新金童f托利斯, 今季o係西甲, 表現都好過魯爾, 但係都 唔明西班牙既領隊, 仲要堅持用老矣, 仲夠膽話佢係寶刀未老, 如果係都要用老矣, 邊有可能贏到巴西, 大 衛偉拿今年係華倫入左25球, 係西甲入球率最高既球員, 無論係狀態和表現, 都勝老矣九皮啦. 西班牙依隊世界盃既永遠黑馬, 永遠係比賽前都有人睇好, 但係決 賽周既表現, 永遠都係唔好, 如果想重溫50年打入4強既美夢, 前鋒一定 要棄用老矣, 至兩翼方面, 雖然左路無左維辛迪, 但好在仲有件雷耶斯, 右路非祖阿昆莫屬啦, 上屆世界盃, 佢雖然射失十二碼, 令西班牙飲恨 出局, 相信今屆捲土重來, 一定會打醒十二分精神. 後防呢, 西班牙有弱隊出鋼門既卡斯拿斯, 佢既身手反應, 令佢成日 都救到d可以話必入既波, 中堅佩魯爾和馬真拿都係防守力強, 右路既沙 加度, 可能會係缺口, 佢今季係皇馬經常坐冷板. 西班牙要係8強闖過巴 西, 真係有一定難度. 去到四強, 相信都係會遇到c組既次名o架喇, c組次名係十六強對d 組首, 又係果句, 無講係阿根庭, 荷蘭定係科突迪瓦, 對住d組首名, 相信 都係葡萄牙, 都會係順利過關, 之後, 八強就對b組首名同a組次名既勝 方, 都係瑞典對波蘭o架, 就算英格蘭咁好彩b組首名, 都要係過唔到到 荷蘭和阿根庭o架喇, 4強對巴西, 除左阿根庭有d威脅之外, 荷蘭都係唔 會夠巴西打, 所以入決賽, 巴西一定無難度.（待續） |
 |
 |
 |
| Copyright: Reuters / Reuters |
 |
| Copyright: Reuters / Reuters |