上個月(二月)真叫我難過！先和老婆不和，其後又大病一場。
Twins 簽名會看不到偶像，仲入埋醫院。
但怎料一入了三月，就完全相反。昨天早上趁老婆番佢阿媽度
(佢有叫我去但我呃佢話仲有o的唔舒服唔去) 我一早就上NOW
睇Twins o既大浪漫主義同埋其他Twins o既 MV (原來NOW
有咁多Twins 睇，我都係第一次上，如果一早知有，就唔冼同
老婆鬧交)
之後仲出o左去銅鑼灣時代廣場睇Twins.....幾開心！終於都見到
佢o地真人啦 : ): ): ) 白白的面孔，甜甜的微笑，靚靚的形象......
叫我本來還有少少病也舒服番哂！(話時話，原來Twins都有十分
多的男Fans，佢o地咪仲瘋狂，舉晒牌，嗌晒名咁，有o的睇落
仲大過我啦，咁我鐘意Twins 都唔過份o者) 真是可愛！真是美
妙....突然電話響起.....原來是她....老婆大人！
她的來電真有點兒大煞風景，佢問我仲有冇事，我就騙她話宜家
在屋企樓下餐廳食緊o野，怎料佢話現在會回家煲湯，仲叫我買
定o的(食送)等佢番o黎煮。
死硬了，由銅鑼灣入番屯門坐巴士都至少要成粒鐘，而佢o係
荃灣搭巴士入番屯門可能半粒鐘都唔洗！.......終於我是選擇了
的士，搭左三百幾蚊，不過唔緊要啦，洗少少錢既可親眼目
睹 Twins 蘆山真貌，又可維持同老婆的關係良好。抵到爛！......
不過我都係唔記得o左買(食送)。
我回家再打比佢，佢o岩o岩落車 (嘩！快佢唔係好多o者，
好彩) 我又呃佢話去到街市見有o的暈所以冇買到，於是佢就買
了回來煮晚飯....佢叫我唔舒服就睏陣，於是我入房，繼續上NOW
睇Twins.....好正呀！
最關鍵性o既時刻終於要到了.... 勁歌金曲！
她剛沖完涼出o黎，我唔知佢之前知唔知今晚有Twins
(我就緊係知啦) 佢仲坐o係我旁邊一齊睇....嘩！出場啦，有Twins！
好彩，可能朝頭早睇得多，宜家睇又唔係好大反應bo，反而我仲猛
留意住身旁老婆的反應，出奇的是她是若無其事咁，嚇得我便問她
一句：你唔嬲咩？佢答：你鍾意睇咪睇囉.......(o下......我老婆o黎o架？)
於是昨晚我很開心！三者兼得！老婆、阿Gill 同阿Sa，希望三月，
同以後將來都係咁就好！:)
PS：今朝睇東方頭版，好驚！我老婆大概唔會咁對我o卦？！
因為自從我出院之後佢就一反常態，好似琴晚咁....
唉！都係唔好諗咁多好了..唔比佢知我上網講哩o的o野
應該冇事o卦......
襯 老 婆 睏 晏 覺，靜 靜 上 網 打 哩 編 文
(03-03-2002)
