或者叫佢雪定o的啤酒外，絕少咁做)，想同佢傾下偈，睇下佢做緊乜。
原來今日是三八婦女節，佢話今晚唔係幾想煮飯，於是我
建議出街食。佢一向都喜愛吃辣o野，所以我o地就去
o左屯門市中心一間印度咖喱屋食。
她好細心，話我剛剛好番，唔好食咁辣o既o野住，就叫
o左個少辣o既印度烤雞，佢就叫個紅咖喱羊鈑。(呢間
o野都幾好，唔錯！)
我o地好耐冇咁撐檯腳了，嗌交果陣梗係冇，之前又怕佢
腌占又嘰吉，好少好似今次咁我話去邊度食就邊度食，自
從出院之後，老婆的確唔同o左，可是我就 …… (間歇性
憶 Twins症仍時不時發作，上次還要她跟我一起看勁歌……
我太過份了！)
用膳後，我o地一起由市中心行番屋企，我像似有種初戀的
感覺，我在顫抖，拖還是唔拖她的手好呢？ 結o左婚之後都
好少拖了，有時扮晒要拎o野去掩飾 (有次去Seven買排香口
膠都問人取個袋扮拎o野)，或者扮揚頭髮和挍痕去鬆開她。
可能是剛才o的咖喱實在太辣了，見她面紅紅，鼻涕流流咁好
似好辛苦，我就連忙去鄰近Seven買了杯軟雪糕給她，當她從
我的手上接過雪糕時，跟我的手碰了一碰，我倆也呆了一呆。
怎料這在很多電視、電影出現過無數咁多次的老土橋段情節，
也會令一對結了三、四年婚的夫婦產生作用，之後我們的手便
緊緊地牽起來了！
我們一路行一路傾偈，雖然是短短兩三個字的路程，但像似已
傾了兩三個鐘咁，我講下我公司o的o野佢聽，佢又講下在屋
企做家務o的o野我聽 (乘機又想換電視機)。以前好少咁傾偈
法，尤其是在街上，通常一句起兩句止，因為第三句佢就鬧人
收場。但今晚就猛咁講，但大家也極力避免講以前的事和有關
Twins o的事。
回家無耐，佢話好(支力)要睏覺，我以為佢想……所以我亦不
怠慢，立刻換衫沖涼後就入房，怎料她真是(支力)到連涼也不
沖就睏著了。真奇怪，以前佢都唔係咁早睏o既人，但近排
佢不單早睏，而且早上又懶起，或者，平日家務辛苦嗎？
本來今日成日都無乜“發作”，但當一開電腦，Wallpaper 是
Twins，我又有少少…… 於是我鼓起勇氣，好不容易才搜尋到
一張 Winnie the Pooh 的相來更換做 Wallpaper (她鍾意 Pooh)，
我想以後可以望住哩張 Pooh 相，便諗住我老婆……我的愛人！
(8-3-2002)
