和 老 婆 和 解 的 轉 綟 點，都 幾 得 意，幾 值 得 同大 家 分 享！
我 睏 的 是 一 張 普 通 房 的 病 床，亦 十 分 接 近 那 電 視 機。記 得
果 日 夜 晚 TVB 有 個 講 眼 睛 護 理 的 節 目 有 Twins 做 嘉 賓，本 來
我 一 心 諗 住 今 晚 終 於 可 大 模 私 樣 地 去 看 Twins 了，但 突 然
老 婆 從 遠 遠 走 過 來，原 來 是 我 阿 媽 打 電 話 叫 佢 來 的，唉！
真 是 大 煞 風 景，( 果 時 我 o地 仲 未 好 番 十 日 無 傾 過一句偈。)
於 是 我 唯 有 詐 睏，佢 就 坐 在 我 的 病 床 旁 邊，始 終 大 家 也 沒
主 動 去 講 一 句，詐 睏 詐 詐 下，可 能 食 了 藥 有 o的 (支力)，我 真 係
睏 o左，一 醒 番 唔 記 得 o左 佢 仲 o係 度，擰 o左 過 去 佢 果 邊，佢 就
叫 我 個 名：
「龍，點 呀？」
我 當 時 諗 我 唔 係 發 夢 下 話？ 呢 幾 年 來 依 稀 記 得 除 了 擺 酒
果 晚 我 在 眾 親 友 面 前 不 慎 仆 了 在 地 上，和 另 一 次 在 阿 媽
屋 企 食 泥 (魚孟) 哽 骨 之 外，她 稱 呼 我 通 常 一 係 叫 全 名，
一 係 就 就 咁 喂。
當 時 我 突 然 有 種 久 違 了 的 感 覺 再 從 投 我 心，真 的 內 咎 起 上 來，
我 知 道 誰 最 關 心 自 己 了。但 我 始 終 沒 回 應 她，大 概 是 我 害 羞 和 自 咎！
我 擰 番 去 另 一 面 (即 背 番 住 佢) 靜 了 一 靜 諗 下 同 佢 講 乜 好，
望 下 個 電 視 先 醒 起 今 晚 …… 原 來 仲 有 十 幾 分 鐘 到 就 做 果 個 Show
…… 於 是 我 終 於 諗 到 借 大 便 遁 ( 事 關 大 便 比 小 便 用 時 耐 些 )
相 信 大 家 就 算 連 自 己 也 估 唔 到 十 多 日 無 講 o野，第 一 句 跟 她 講 的 就 是：(我 想 痾 屎！) 之 後 就 走 o左 去 廁 所 度 避 一 避 ……
痾 o左 十 幾 分 鐘，真 係 痾 無 可 痾，之 後 鼠 番 上 床，我 依 然 是
背 住 她，事 實 上 當 晚 的 Twins 我 不 想 看 了，只 可 惜 電 視 的 控 制 權
不 是 在 我 手，更 不 是 在 她 手。終 於 Twins 要 出 場 了。
好 明 顯 地 佢 係 唔 知 呢 個 節 目 有 Twins，因 為 她 一 直 望 住 個
電 視 都 無 乜 反 應，但 一 有 Twins 就 開 始 發 抆 憎，我 見 佢 發
抆 憎 我 就 仲 驚，我 一 直 冇 望 佢，佢 突 然“at”一 聲 推 開 張 椅
就 走 了，之 後 我 很 傷 心，我 好 後 悔 咁 好 機 會 唔 講 句 Sorry，
其 後 仲 傷 心，八 時 半 左 右，姑 娘 把 電 視 關 掉，使 我 連 Twins 也 失 去！
( 為 何 不 提 早 半 個 鐘 就 熄，如 果 早 o的 熄 老 婆 就 唔 洗 走！)
我 連 姑 娘 給 我 吃 的 藥 也 冇 吃，心 事 重 重 地 入 睡 了。
怎 料 第 二 朝 起 身，身 體 完 全 不 對 勁，全 身 又 發 冷 發 熱 好 辛 苦，
後 來 醫 生 給 我 吊 了 鹽 水，又 打 針 打 好 多 枝 好 痛，於 是 我 矇 矇
矓 矓 又 睏 了，正 確 應 是 陷 入 昏 睡 狀 態。
我 唔 知 自 己 睏 o左 幾 耐，但 睏 緊 果 陣 不 時 感 覺 到 一 種 很 舒 服
的 感 覺，一 對 很 熟 悉 的 手 不 停 為 我 抹 身，又 用 濕 綿 花 掂 我 的
唇，這 對 手 應 好 耐 無 咁 撫 過 我，是 誰 人 的 手 呢？是 阿 媽？ 姑 娘？
…… 唔 通 係 阿 Gill？ 阿 Sa？ 唉！ 好 舒 服，我 好 享 受 這 一 刻！
突 然 我 痛 了 一 痛，她 不 小 心 碰 到 那 鹽 水 針 口，我 迷 迷 糊 糊 醒 過
來，啊 原 來 是 她，我 老 婆，我 便 用 微 弱 的 聲 音 向 她 說：
「欣 … 欣，對 唔 住……」
之 後 我 o地 就 相 擁 而 泣 了。
我 問 佢 你 果 晚 是 不 是 嬲 我 睇 Twins 而 嬲 到 走 呀？ 佢 話 唔 係，
只 不 過 是 隔 離 床 o 個 個 阿 伯 整 埋 o的 好 核 突 o既 o野 所 以 先 忽 然 間
走 o左 o者。
我 發 覺 自 己 仍 十 分 愛 老 婆，可 是 要 是 一 到 發 作 時 又 控 制 唔 到
自 己 去 愛 Twins，就 算 做 出 欺 騙 老 婆 那 缺 德 行 為 也 要。我 只 想
再 向 老 婆 講 句 對 唔 住！ 老 婆，還 是 覺 得 你 最 好！
(9-3-2002)
