可 以 出 院 了 。
我 同 阿 君 ( 佢 個 孖 生 妹 妹 ) 琴 日 晏 晝 去 接 佢 出 院， 佢 除 了
病 人 衫 換 上 便 服 ， 見 到 佢 身 體 明 顯 消 瘦 了 好 多 好 多，成
個 樣 都 唔 同 o左 … 但 係 精 神 就 比 上 兩 個 星 期 好 好 多 。
我 o地 搭 [車立] 落 到 大 堂，佢 突 然 好 緊 張， 好 似 有o的 好 緊
要 o既 事 未 做 咁 ， 仲 叫 埋 阿 君 上 番 去 病 房 幫 手 。 我 就 去
會 計 部 埋 埋 張 單 …… 好 溶 ！ 等 o左 好 耐 都 未 見 佢o地 落 番
o黎， 咪 上 去 睇 下 做 乜 咁 緊 張， o車 ！ 唔 睇 由 自 可 ， 一 睇
把 幾 二 把 火……原 來 阿 君 話 佢 住 院 期 間 剪 剪 埋 埋 好 多 F4
o既 新 聞 同 相， 唔 記 得 拎，有 o的 收 埋 o係 枕 頭 底 o個 o的 仲
俾 人 掉 o左…搞 到 阿 欣 好 唔 開 心 猛 o係 度 喊。阿 君 就 俾 o左
袋 o野 我， 嘩！ 成 大 袋 又 書 又 相 又 報 紙 … (好 彩 掉 咁o的)，
我 迷 Twins 都 無 佢 咁 勁 ！ (最 多 用 爆 個 Harddisk o黎 儲 相
o者) ， 本 來 真 係 想 “黎” 手 就 掉 埋 佢 ， 但 係 又 怕 佢 搵 唔
番 袋 o野 又 喊 … 唉 ！ 唯 有 拎 住 先 啦 ！ …
搞 o左 一 爛 餐 ， 終 於 離 開 醫 院， o個 時 好 大 風 好 大 雨 ， 我
又 要 拎 住 佢 o的 衫 ， 佢 o的 藥 ， 佢 o個 袋 o野 ， 又 要 開 遮 ，
臨 急 臨 忙 咁… 見 到 有 架 的 士 咪 一 二 三 拖 o左 佢 上 車 先 o羅，
唔 係 又 會 淋 病… (屯 門 呀 唔 該)… o下！ 死 勒… 原 來 我 拖 o左
阿 君 上 車 喎 ！… (司 機 唔 該 停 車 呀) … 我 心 諗 呢 鋪 一 定 死
硬 ， 其 實 結 o左 婚 咁 耐 我 都 絕 少 會 搞 錯 佢 o地 兩 個… 可 能
係 阿 欣 而 家 瘦 o左 o的 … 定 係 呢 排 同 阿 君 熟 o左 o的 呢 ？ 正
想 落 車 接 番 阿 欣 上 車 之 際，原 來 佢 亦 已 經 好 迅 速 咁 由 車
頭 走 o左 上 司 機 隔 離 個 位 度 坐 ， 司 機 話 ：( 你 唔 叫 我 都 會
煞 車 啦 下 話 ， 係 咁 衝 出 o黎 ， 車 死 你 呀 阿 嬸 ！ 早 知 唔 鬼
做 你 o地 生 意 呀！…… ) 嘩 ！ 今 時 今 日 咁 o既 服 務 態 度 點 得
o架 ！ ？ … 不 過 阿 嬸 …又 幾 似 喎 ， 所 以 我 o地 三 個 成 程 車
都 冇 乜 出 聲 ， 費 事 俾 條 的 士 佬 以 為 坐 o係 佢 隔 離 果 個 係
我 o地 阿 媽 。
其 實 琴 日 朝 頭 早 為 o左 [乙水] 下 阿 欣 開 心，我 已 經 擺o左 個
叫 做 “戀 愛 開 運 風 水 陣”， 其 實 都 只 不 過 係 將 佢 以 前 最
鍾 意 o個 隻 Winnie the Pooh 公 仔 擺 o係 梳 化 上 、 換 了 佢 最 鍾 意
o既 Winnie the Pooh 床 上 用 品、同 埋 最 重 要o既 Winnie the Pooh
VCD… 雖 然 係 老 翻 ， 不 過 佢 第 一 次 用 新 電 視 機 睇 一 定 開
心 死…但 這 個 完 美 無 遐 的 風 水 陣 … 竟 被 四 個 人 破 了 ……
嗚 嗚 嗚 嗚 ！
阿 欣 在 車 上 一 直 沉 默 ， 我 同 阿 君 都 驚 佢 係 咪 又 有 事 ，
但 一 番 到 屋 企 就 大 為 活 躍 ， 我 諗 唔 通 個 陣 真 係 有 效 ？
但 係 佢 去 完 廁 所 出 o黎 就 問 我 ， 果 袋 F4 相 o係 邊 ， 我 拎
o左 俾 佢， 佢 即 刻 坐 o左 o係 梳 化 度 睇， 就 連 那 平 時 日 欖
夜 欖 的 Pooh 也 不 顧， 佢 一 張 一 張 咁 鋪 滿 在 梳 化 上 ，後
來 舖 到 冇 晒 位 舖 ， 竟 然 連 隻 Pooh 也 拎 開 掉 o左 落 地 ( 仲
要 係 倒 豎 衝 o個 隻)，佢 一 路 睇 一 路 舖 一 路 口 up up： 暴 龍
暴 龍 ！ 阿 君 見 到 咁 ， 想 引 開 佢 注 意 力 ， 叫 阿 欣 望 去 部
電 視 機 o個 邊，部 電 視 機 係 阿 欣 留 院 o個 陣 買 ， 想 [乙水]
佢 開 心 ， 終 於 用 得 到 了 。 但 佢 就 好 爽 快 咁 問 阿 君 ： 病
之 前 好 似 未 睇 晒 流 星 花 園 o個 o波 ？ 不 如 而 家 睇 咯 ！ 由
頭 睇 過 呀 ！ 仲 叫 o左 阿 君 埋 去 坐， 坐 埋 一 齊 睇， 我 好 無
奈 咁 將 隻 Winnie the Pooh VCD 老 翻 碟 從 架 步 步 高 度 拎 番
出 o黎 ， 再 換 隻 流 星 花 園 第 一 集 落 去 ……
睇 流 星 花 園 比 打 12 圈 麻 雀 o既 時 間 仲 難 過 ， 因 為 打 牌 我
到 有 得 參 與 o下 ， 睇 呢 套 劇…… 阿 Gill 同 阿 Sa 比 起 果 個 乜
o野 菜 ， 仲 靚 九 干 幾 萬 倍 啦 ！ 唉 ！ … … 後 來 阿 欣 突 然 拎
番 起 隻 Pooh ， o而o依 ！ 我 以 為 佢 是 回 心 轉 意 啦 ！ 點 知 原
來 佢 有 張 o個 個 暴 龍 o既 大 頭 相，笠 o左 落 去 個 公 仔 度，仲
又 攬 又 錫 咁…… 唉！ 救 鐘 食 藥 啦！ 之 後 佢o地 兩 個 都 話 好
眼 睏 ， 唔 睇 住 。 豈 有 此 理 呀！ 阿 欣 竟 然 叫 我 睏 住 廳 先，
佢 同 阿 君 孖 舖 喎 …… 咁 我 個 風 水 陣 咪 ！！！
事 到 如 今 大 家 可 能 唔 會 好 信 ， 其 實 就 連 我 也 唔 係 好 信！
我 諗 係 咪 佢 o地 又 夾 埋 玩 番 我 轉 頭 呢 ？
(7-4-2002，星期日)
