我 仍 愛 她，但 恐 怕 她 已 違 忘 了 我...
或 者 精 神 科 的 醫 學 常 識 一 竅 不 通，很 難 去 明 白 阿 欣 宜 家 o既 情 況...
醫 生 解 釋 ...乜 野 腦 膜 炎... 又 話 殘 餘 記 憶... 又 乜 鬼 思 覺 失 調...
要 俾 o的 時 間 佢 先 會 慢 慢 好 番... 早 知 係 咁，就 o係 阿 欣 臨 昏 迷 之 前
去 探 多 o的 佢，等 佢 個 殘 餘 記 憶 會 係 我 呀 嘛，就 算 唔 係，有 少 少 記 得
下 我，比 我 加 入 埋 F4 都 好 呀 ! 我 對 唱 歌 做 戲 都 幾 有 潛 質，幾 得 o架!
宜家晚晚番到屋企都有番住家飯食，間屋又回復番井井有條，但係
問題並唔係咁簡單...總之，阿欣阿君呢對 Twins 給我的就只有懊
惱，幸好，有阿 Gill 阿 Sa 呢隊雙生兒所帶來的快樂，喜悅，美好
來調劑一下......
阿欣宜家咁樣，我驚佢一個人o係屋企會有事，所以咪建議將佢暫時
住係佢阿媽度先，起碼有阿君照顧佢起居飲食，我冇咁擔心...(呢個
係籍口)其實就係想獨霸部新電視用o黎睇 Twins，一個人靜靜地同
阿 Gill 阿 Sa 係個寬趟o的o既地方約會...諗o下都開心...嘻嘻!
但我始終冇機會咁做，因為阿君佢亦好鍾意我......部電視機，佢話
阿欣宜家最需要o既就係我，住番o係度會方便o的，對個病都會有幫
助，君："如果你唔放心我可以上埋o黎睇住家姐...(睇住家姐，定睇
住 F4 ？其實我話你兩隻o野最需要o既係我部電視機，上埋o黎一齊
睇有傾有講會方便o的開心o的就真!不過有佢o係度陪住阿欣，我都
唔洗咁擔心，咦!不過佢阿媽)...睇到五六點，我咪返番去煮飯俾阿
媽食o羅!...(真係辛苦晒o咼!)...為o左佢辛苦o的都冇辦法啦!..."
(為o左佢？佢係指邊個先？ F4？ 佢家姐？ 佢阿媽？ 定係......我？嘩!
...咁唔得o架!!!!!)
上星期六我 off 唔洗番工，我又冇話到俾佢o地知，等阿君神咁早就
椿o左上o黎，果陣阿欣都未起身，我就睇緊o的報紙有冇 Twins o既新
聞(唔係等佢醒o左先睇又唔知會有乜o野事發生)，同埋要抽番起一o的
有關 F4 o既消息(唔係等佢醒o左睇度就實會有事發生)我招呼o左阿
君去梳化度坐，斟o左杯水俾佢...其實都唔洗點樣招呼啦!佢都好似當
o左呢度o係佢自己屋企咁!佢扲o左袋o野上o黎，唔洗審又係o的 F4
o既o野o黎啦!咁衰，咪玩o下佢o羅：
我： o夷!o尼袋係咩o黎o架？(扮晒唔知，睇o下佢點講)
君： 冇，早排家姐o係我度住...佢o的衫o黎o乍o麻...
(仲厄我，有時真係幾佩服佢o地兩姊妹講大話咁鬼死叻)
我： 衫!咁俾我扲入房掛起佢先啦...(扮哂想去(手羅)袋o野咁)
君： o下!唔洗啦唔洗啦!...一陣先啦，一陣等我掛啦!
(佢攬到袋o野實一實，本來我都唔想知道入面係乜，但係見到佢咁就越
o黎越想知)
我： (o下!你個衰妹呀!好再玩o下你至得)...其實宜家你家姐咁樣，你就唔好
再成日扲咁多 F4 o既o野o黎影響佢啦!...有一晚半夜佢睏睏o下突然
攬住我猛咁嗌"阿龍阿龍"咁，我以為佢終於都記得番我，搞到我幾感動，
但後來發覺，原來佢係叫緊"暴龍暴龍"...唉!激到我成晚都睏唔到...
而且佢仲成晚係咁箍住我，搞到我第二朝隻手痺o左好耐...幾慘!
君： (好想笑，又忍住)...咁你鍾意 Twins 夠得咯!點解我o地唔可以迷F4喎!
我： Twins 佢o地靚咯!(答得好快)
君： F4 佢o地夠型仔咯!...人o地道明寺"正"過你十幾廿萬倍啦!!
"LUUU"!!! (呢o的係伸條(月利)出o黎藐人o既聲)
我： o黎啦 ! 幫你扲入去房度咋，我唔鬥佢o勒!
君： o野!都話唔洗咯!......(懶係o爹咁)
我： 乖啦!俾我扲啦!......(好似同緊個細路玩緊咁，仲令我諗番起以前同
阿欣都有咁玩過，幾得意o下!)
就係咁，我o地拉拉扯扯，我行得越埋，佢就攬得袋o野越實，佢一個唔
小心，將茶几上的水杯撞跌o左落地仲打爛埋，阿君聽到打爛o野聲嚇
o左一跳，終於將手上袋o野都跌埋落地，仲o岩o岩跌正o係灘水上面，
可能我o地太嘈，嘈醒o左阿欣......
原來個袋入面係一本畫簿，佢用o左阿欣留醫果陣剪剪埋埋o的 F4
新聞同相，再自己畫o的掃描人像整o左本集圖冊俾佢家姐(都整得
幾靚喎!幾時幫我整番本 Twins，我都儲埋儲埋唔少阿 Gill 阿 Sa
o既靚靚相相o架!，夠妳整幾廿本起碼啦!)本o野俾o的水整濕o左
(少少o者o麻)，唉!俾佢o地又打又鬧都算o勒，喂妳o地廿幾歲人都
唔好話喊就喊啦!...(我最怕人喊，尤其是係女人)送番幾張 Twins
閃咭俾妳o地o勒......唔制!妳就想啦!"LUUU"!!!
下晝，佢o地o既心情先算叫做好番o的，所以咪請佢o地落街飲下午
茶，當係賠罪又好，(乙水)o下佢o地又好，乜都好啦!(其實最主要係
我自己好肚餓...頭先佢o地煮麵食都冇預我份)，食完o野再行o下
商場，佢o地話想去冒險樂園度玩，兩個人揀o左部相連的推銀機一
齊玩(成個大細路咁，幼稚到死，原來佢o地兩姊妹以前係好鍾意o黎
呢o的咁o既地方度玩，後來阿欣同我結o左婚，阿君都仲有o黎玩)我
好奇問阿君：咁妳之後自己一條友o黎玩呀？佢呆o左一呆，冇睬到我，
繼續入o的代幣落去部推銀機度，阿欣話要推跌隻 Bonus 蛋先至會
收手，仲命令我快o的去換代幣俾佢o地玩(唉!好似阿四咁，仲玩o左
我成千蚊咁滯，真係俾佢o地乜仇都報晒!)
玩o左粒幾兩粒鍾，隻 Bonus 蛋已經去到邊懸，差唔多跌咁滯，見阿
欣佢表現得好緊張，原來唔係心急，係人有三急，所以我咪替佢玩一
陣o羅，我企o左埋去，唔小心將佢o地地下砌好o左o既飛踢亂o左，再
加上兩部機又不斷嘔o的飛出o黎，搞到好"撈交"...我同阿君講：
我： 不如妳快o的砌番好o的飛先啦!唔係妳家姐番o黎又鬧我o架啦!
(我就o黎驚佢，我只不過係唔想執o者o麻)
君： 哦!(唔知係咪玩到傻o左，哦完之後，佢即刻(足否)低砌番好o的飛)
我就繼續玩，o下!點知入o左廿個代幣都唔夠，隻 Bonus 蛋就"dum"
聲咁跌落o黎，我以前都未玩個呢o的咁o既o野，估唔到第一次玩就得，
所以特別開心，特別興奮......
我： 得o左!(語氣好似美源髮彩曾江咁)o華!咁快喎!...哈哈哈幾犀利，幾叻!
洗唔洗加飛呀？...喂有冇相機呀？...埋o黎影相呀!...阿欣呢？阿欣去
o左邊度呀？阿欣，阿欣快o的過o黎睇o下啦!......
君： 嗚嗚!...嗚嗚!...嗚嗚!(將手上的飛拋落地，大大粒淚珠流滿面，仲突
然撲埋o黎我度攬住我，僕落我心口度喊o添)
我： ...唔洗咁激動喎!...換多兩百蚊玩o勒!(我不斷咁想推開佢)...人多呀!
醜怪呀!唔好咁啦!...(但係點都推唔開佢，我雙手仲好順勢咁抱住佢)
君： ...你好似阿輝呀!...嗚嗚!...
我： 阿輝？!...(o華!又多一個角色，唔好o卦!唉!唔洗審又係o的乜o野兒女私情，
俾人飛o既故事咁啦!見佢喊得咁可憐，咪俾個機會佢攬o下o羅，其實咁
咪即係又俾個機會我，去抱o下佢...幾爽!...唉!都係唔好再咁諗!
可能係我頭先嗌得太大聲，阿君又喊到收唔到聲o既關係，引到四周
圍o的人都哄晒埋o黎睇o下發生乜o野事，冇幾耐，阿欣就從人群中迫
o左入o黎，佢瞪大隻眼係咁睥實我o地，搞到我o地好噩然，仲嚇到阿君
即刻收晒聲唔敢再喊，亦都嚇到我即刻縮晒手唔敢再抱......
欣 ： 阿君，你好o野呀你!
我/君： ......(即刻汗顏)
欣 ： 吼我去廁所咁快o既時間就推到隻蛋，唔等埋我一齊睇... 不過算啦!
我/君： o下!...
原來阿欣一路只係睥住我o地...後面果部推銀機入面跌o左落o黎果隻
Bonus 蛋，之後仲一支箭咁走o左去 counter 度數飛，呢個時候阿君o既
情緒稍為平伏番o的，佢同我解釋仲猛咁講唔好意思!
原來阿君讀完書出o黎一直都搵唔到o野做，所以就同o左幾個舊同學一
齊做義工，而佢所講果個阿輝，係佢o係兒童癌病基金第一個探訪o既小
朋友，阿君話輝仔好鍾意玩推銀機，又成日踼亂晒o的飛要佢幫手執，一
中o左大獎就呱呱大叫，歡喜若狂咁，有一日，阿君用o左o的飛換o左個
機械人想送俾輝仔，但係原來果陣時輝仔已經危在旦夕，冇幾耐終於捱
唔住，最後果個機械人只可以做佢o既陪葬品，阿君為o左呢件事一直耿
耿於懷......
阿君有個咁慘o既經歷我都好難過...但係諗番頭先佢攬住我果陣，無論從力度，
姿勢，以至呼吸節奏，目光和神緒，佢根本當我係佢o既親密男朋友甚至乎
丈夫毫無分別，以後我都係要同佢保持番o的距離比較好o的!
阿欣o係冒險樂園度換o左好多 Winnie the Pooh o既o野番o黎，仲猛
咁口upup咁話要多謝阿君，真係想話俾佢知隻 Bonus 蛋係我推跌，但
係見到佢宜家咁鬼開心，又認得番阿 Pooh 係邊個，都算叫做有o的好
轉，唯有聽醫生話，俾o的時間佢啦!一定會有日o係佢心目中有番我o既
存在，至少唔好成日都 F4...F4... 咁啦!
似 乎 仲 有 排 煩……！
(16-04-2002)
