o係欲哭無淚果晚，我成晚都冇睏過，不斷地咁回想
番當日o既所作所為，心中o係度掙扎，就算俾阿君一
個機會，親阿欣宜家又傻傻地咁，只要自己把持得定，
控制得好，在重要關頭能點到即止o既話，俾佢賞試一
o下乜o野係戀愛也不失為一件好事（...嘻嘻！），唔
洗等佢久唔久又做埋晒o的傻o野出o黎，同埋想佢心情
好番o的（識o左佢咁耐都未見過佢個人咁 Down），本
來都已經諗好晒點同阿君講（哼！實Lum死佢o者！），
但係忽然間望著睏o係我側邊o既阿欣......（我為o左
想盡快控制番佢o既情緒，俾o左雙倍份量o既葯佢食，
所以佢睏到好"林"）......見到佢我又突然驚起上o黎！
（就好似我o係度偷偷地睇 Twins 俾佢發現到果種感
覺一樣），嚇到我又唔記得晒之前所諗果o的台詞，仲
想打消呢個念頭，我覺得咁做似乎真係好對唔住阿欣！
諗到天光都諗唔通，成晚都係佢o地兩個（唔係阿 Gill
阿 Sa 啦今次，而係阿欣同阿君），好彩第二朝係禮拜
日，阿欣又未起身，咪一齊鬥睏o羅！
睏醒之後，阿欣清醒番唔少，仲識得提我夠鐘餵佢食葯
o添，見到佢食葯個樣楚楚可憐咁，自己又內咎起上o黎，
雖然阿君係佢個妹，照顧家姐都係應該，但係我認為自
己唔能夠將呢個責任長時期推卸落阿君身上，若然連阿
君都病埋，叫我點過意得去，又點同佢阿媽交代，雖然
我同岳母o既關係唔係幾好，但係始終佢交得“o的”女俾
我...（唔係唔係！基本上佢淨係交o左阿欣一個俾我）
...交得“個”女俾我，我就係有做丈夫o既責任，去照顧
自己o既妻子...（o華！理直氣壯，男兒浩氣！）
就o係呢幾句咁o既肺腑之言驅使之下，我決定打電話俾
阿君同佢講清楚：
我：...君君（唔應該咁樣嗌佢，不過琴晚喊到九彩咁，又想
[乙水]下佢）
君：...做咩呀？！（心情比起琴晚好好多，或者佢聽到我咁樣嗌佢）
我：妳做緊乜o野呀？（唔敢咁快就咁直接，怕又整喊佢）
君：洗緊衫o羅...（星期日都唔出o下街，你o地話佢乖定係怪？咁樣
點識男仔呀？）
我：琴晚做乜唔打番個電話返o黎呀？擔心死我同妳家姐啦！（開始
入肉，提番琴晚件事）
君：（噫噫哦哦咁）...番到屋企...好唔開心...衝o左入房度喊...
係呢，家姐佢點呀？ 你要睇住佢食葯先好呀！佢有時會唔記
得o左o架！（o下，衰妹呀！咁快就想扯開話題）
我：佢好番o的啦！食o左葯，宜家自己睇緊電視... 係o勒，阿君呀！
君：咩事呀？
我：妳家姐都出o左院有兩個幾三個禮拜啦！我睇佢宜家o既情況，康復得
都幾好，我又唔想妳咁辛苦日日走o黎走去（我係唔想妳日久生情
o者），妳阿媽佢又……，而且長此落去咁都唔係辦法...不如妳聽
日唔好再入o黎啦！俾個機會妳家姐等佢試o下自己獨立啦！...
君：...唔好呀！唔好呀！......其實我日日入o黎唔係淨係為o左照顧家姐
咁簡單o架！（o海！仲唔[乙水]到妳講真心話！o蝦！佢又幾得意o架
喎，忍唔住都係要玩o下佢！）
我：我一早就知道妳想點啦，傻妹！
君：o下，你一早就知o架啦...千祈唔好話俾家姐知呀！鬧死我呀！...嗚!
我：妳入o黎最大o既目的係睇 "F4" 呀o麻！
君：唔係呀！...唔係呀！
我：妳唔洗扮o野啦！除非妳講，妳唔鍾意 "F4" 果四隻o野，鍾意
第二個啦...咁我就信啦！
君：我唔准你咁講佢o地呀！你都冇解o架！...嗚嗚...我憎死你呀！...
我以後都唔睬你呀！...嗚嗚嗚嗚嗚嗚！（唉！大喊包又喊！...不過
今次算有o的進步，講o左成十幾行先喊）
岳母：邊鬼個o黎o架？晾埋o的衫先傾啦！...(仲行緊埋o黎）
如果又俾佢阿媽知道我又整喊佢個女，實俾佢"散"到"立立
令"，情急之下連拜拜都冇講就收o左阿君線，雖然好似又
Hurt 多佢一鑊咁，但係講o左等佢死o左條心都好o架！宜家
個問題係阿欣係咪真係可以自己照顧自己呢？琴晚阿欣鬧情
緒果陣，的確為屋企留下有多”戰後痕跡”，成間屋都立立亂，
，奇怪的是阿欣仲可以若無其事，視若無睹，仲趟在什物四
散的梳化上一面吃薯片一面看電視，呢個時候我漸漸懷疑，
早排間屋執得井井有條一塵不染，真是佢的所為，仲講話可
以煮出一餐住家飯？我一路執屋一路咁諗。好辛苦先可以將
間屋執番好七乘，算啦，好[支力]！
臨睏前我同阿欣講，話俾佢知阿君聽日唔上o黎，你一個人
o係屋企要小心o的，自己記得食葯，落街果陣慢慢行，最
緊要係，千祈唔好睇報紙，因為會頭暈o架！(其實我係唔
想佢睇到一o的會影響佢情緒o既報導o者！)
禮拜一早上，我先起身，阿欣仲睏緊。已經換好晒衫準備
出門口，我錫了阿欣一啖，因為始終我唔係幾放心留低阿
欣一個。
o係公司，本來想打電話番屋企睇下佢點阿欣，但係又驚阿
君佢會忽然間殺上o黎，我為o左避免尷尬，又怕如果同阿
君講講下佢又喊，影響埋阿欣o既情緒仲弊！(阿君一個女
仔，未必搞得佢掂)，所以始終冇打
一放工，我就即刻搭車番屋企，好掛住，好擔心阿欣呀！
落車經過果間茶餐廳，即係阿欣入院果陣我成日幫襯買飯盒
果間，個老闆娘仲問我，呢排唔見你o黎買飯盒o既？，我仲
好得?咁答佢，我有番住家飯食啦依家！果時個心幾自
豪，幾有型。阿欣自出院以來唔知點解鐘意o左食零食，
特別係薯片同埋雪糕，為o左[乙水]下佢，為o左加強我
o係佢心中o既印象，咪去隔籬裕記買o左幾包明輝蝦片，
同幾舊”望甩牙” (雪糕磚餅)俾佢食o羅！
可惜……
一番到屋企，打開大門已覺得有o的唔妥，聞唔到平時供
鼻的白飯香味之外，連阿欣都唔見埋，而且間屋又亂晒
應該又係阿欣鬧情緒之後o既所為。我好擔心好緊張究竟
阿欣去o左邊之際，佢忽然從睡房衝出來仲攬實我：
欣：番o黎哪，暴龍！
我：妳又唔記得食葯……
欣：食o左啦！不過好苦好難食“Lo”番出o黎 (唉！張便條淨係叫佢食葯，
冇叫佢飲水呀！)
我：(我即刻餵番佢食葯)……妳唔舒服，所以妳今晚冇煮飯o羅喎？
欣：煮飯？今日都冇人買[食送]上o黎，點煮！？
我：o下！妳意思係話，原來平時o的飯送全部都係阿君買番o黎煮，
唔係妳煮o架？咁間屋都唔駛旨意係妳執o架啦！？
欣：可以咁講啦！………好肚餓啊！o夷！果袋咩o黎呀？(咁鬼眼利)
之後，阿欣一手就搶o左袋零食，又獨自坐o左o係地下
一路睇電視一路食，都冇理到我，食到[支力] (可能
係o的葯力影響) 仲就咁睏o左o係地上面，要我出盡九
牛二虎之力，抱番佢入房度睏o添，後尾成身冇晒力仲
肚空空先記得原來自己仲未食飯，咪即刻飛落去間茶
餐廳度買飯盒o羅！好彩仲未收檔，不過俾老闆娘寸兩
三句就難免啦：俾多條菜佢啦！有人又冇住家飯食o羅！
今次我唔係怪責阿欣唔煮飯唔執屋咁衰，唔係！其實佢
宜家咁我都好內咎好自責，佢仲識唔識做呢o的家頭細務
都無所謂 (不過最好就識啦！)，阿欣佢都話可以有藥物
去控制，我最擔心反而係阿君，佢地阿媽講得o岩，佢o地
兩個有親乜事都放o係個心入面，唔肯講出o黎。阿欣間唔
中都有我出開解下，阿君就……。呢一兩日我仲咁樣玩佢，
仲用一樣佢認為係高攀不上的東西來欺負佢，佢家姐有病，
佢又幫我o地做咁多o野！……唔得啦！唔得啦！我欠阿君
o既o野實在係太多啦！……阿君！妳要乜o野我都應承妳啦！
(25-04-2002)
