估唔到o係我o既腦海?面，爸爸俾我o既第一個印象，竟然會係
佢最後o既遺容......
[褔來村義工中心]
輪到我o勒......大家可以叫我做阿君，請多多指教......，
我宜家廿三歲半，預科程度，最鐘意o既o野係熊人仔......
特別係 Winnie the Pooh......同埋幫助別人...... 其實你
o地仲可以問我一o的比較私人o的o既問題個喎！......
（其他學員問道：咁！妳三圍幾多呀？哈哈哈哈！）......
36"24"36"o羅！呢個係女仔都想有o架呢！......（妳咁靚有
冇拍拖先？）......啞......啞啞！......有！（咁！你o的
屋企人錫唔錫妳o架？）......啞......啞啞！...........
（一直以o黎，我都好怕同其他人講有關我屋企o既事......
因為我係生長於一個唔完整o既家庭，而呢一個唔完整o既
家庭，又產生o左好多唔愉快o既事情出o黎！......我亦都
習慣o左將o的唔開心o既事都收埋o係個心度，一係就同
家姐講，一係我就寫落本日記度）......
（細個讀書果陣，成日都俾o的同學笑我冇爸爸，而我媽媽
又要o係屋村附近做埋一o的比較低微o既工作o黎維持生計，
同樣又成為o左我被人嘲笑o既話柄，久而久之，我就變得好
自悲，好怕去識朋友，又好怕去同其他人溝通，不過好彩我
都仲有個好知己，佢坐我隔籬，我有o的乜o野唔開心或者俾
人"蝦"，我都會同佢講番，佢係我最好o既同學，亦係我唯一
o既朋友，因為佢o既遭遇又係好似我咁一模一樣.........
佢咪就係我個孖生姐姐o羅......）......
(可能係學校方面都了解到我o地o既背景比較特殊，由小學
到初中期間，每個班主任都好刻意咁將我同家姐編埋一齊坐，
仲多數都係坐o係對正老師[木台]第一排o既好位，其他老師
又好特別咁體恤我o地，好似其他同學冇交到功課要記缺點，
只要我o地解釋話要幫媽媽趕貨【剪線頭呀，摛膠花呀咁】，
o的老師都會俾機會我o地，係咁意鬧o下就算，但係後來班
房?面多o左好多種唔同o既輕工業，搞到我o地都逃避唔過
被罰o既命運，老師對我o地o既呢種優待，在其他同學o既
眼中卻成為o左一種妒忌，o係我背後o既閒言閒語，漸漸變
成o左兜口兜面o既指指點點，我開始就連家姐都唔講心事，
因為佢同我一樣都係好唔開心，當我o地被同學 "指教" 完之
後，我o地都好難過，好多時我o地都匿埋入同一格廁所度...
抱頭痛哭一番）......
（我從來都唔會同媽媽講心事，因為我唔想提起佢o既傷心事
再加重佢o既壓力......佢係有輕微o既精神病......佢有親乜o野事
都瓜瓜嘈o左先，最大o既問題係佢睇得個錢字好重，其實我
都知道爸爸留下來的陪償金亦都唔算少，但可惜就算幾多錢
都好亦唔能夠足以補償媽媽失去至愛o既心理打擊，可能佢驚
住o的錢有朝一日都會用晒，所以每一分每一毫佢都計到好盡，
好似我同家姐細個o既零用錢咁，搭小巴一個位要兩個人坐
【所以我同家姐中學開始多數都係行路番學同放學】，lunch
買一個飯盒要兩個人食仲要冇汔水飲【所以我同家姐都好Fit】，
其實洗洗埋埋都所淨無幾，不過我o地都將一分一毫儲起佢......
媽媽因為o係街度成日同人爭執講價，有時又會控制唔度情緒
周街鬧人，所以佢都好唔受街坊o既歡迎，就連帶我同家姐都
遭受到好多白眼，我o地成日經過親街市、士多，都要急急腳
咁走過。）......
（媽媽佢脾氣暴燥，有時都會幾惡，最深刻o既一次係我同家姐
將儲儲埋埋o既零用錢，放o左學一齊去o左果陣時叫"歡樂天地"
【空內遊樂場】 度玩，【亦都係我o地儲錢o既原因】一時得意
忘形，夠晒鐘返屋企食飯都唔知，後來媽媽發晒茅咁周街去搵我
o地，終於搵到入o黎歡樂天地度見到我o地，就即刻一巴二巴咁
打落我o地度，又猛咁拉我o地番屋企，番到屋企仲用拖鞋、衣
架總之係可以打得o既o野係咁打我o地【家姐果次都同我檔o左
唔少o下，有幾o下仲打得好應o添呀】，罰我o地冇飯食之餘，
仲講o左句令到我好刻骨銘心o既說話...... ......
媽：......成日都掛住玩......妳兩個同我聽住呀，一係就同我俾o的心機讀好
o的書佢，大個o左搵份好工做賺多o的錢番o黎......一係就快快趣趣搵
番個人求求其其嫁鬼o左佢就算啦！......我當如養少個呀！......
（我都估唔度媽媽會咁樣講o野......之後我o地有一段時間都唔敢
再去歡樂天地度玩，果次之後家姐開始同以前有o的唔同，佢真
係俾媽媽果番說話影響o左，成日群埋去o的男同學度，但係又有
邊個肯同一個【乞兒妹】一齊呀？結果唔理想o既成績，就咁結
朿o左我o地o既學校生涯，兩個女仔只抱住媽媽o既呢句佐佑銘踏
出校門都有o的徬徨唔知想點，家姐就繼續去痴纏住o的舊男同學，
我就好積極咁去試o下搵工做......結果，家姐佢終於可以得償所願，
而我就 ......）......
導師 ：阿君......阿君......
我 ：......係！
導師 ：阿君妳冇事呀嘛？妳呆o左咁企o左o係度幾分鐘o架啦！......
其他學員：唔洗怕羞喎！咁怕羞點主動去幫人呀？！哈哈哈哈！
導師 ：好啦好啦！大家唔好再玩阿君啦！......今次主要係大家互相介紹o下，
時間都差唔多o勒......下次o黎開組o既時候，希望大家可以帶埋一樣
自己認為最心愛ｏ既物件o黎......
我：......（最心愛o既物件？！......）......
