男學員乙：你唔係下話...o個個你都吼呀！...佢個阿媽癲癲o地個喎...呢o的o野成條村
都街知巷聞o架啦！你唔係唔知下話？...
男學員甲：我o岩o岩搬o黎o架咋！......
男學員丙：...仲有添呀，你睇o下佢呀似住自己靚就成日扮晒o野...懶高竇咁，成
日自己坐埋一二邊唔出聲...
男學員丁：係啦！我上次呀......
我 ：......（心心不忿咁咬住咀唇，心諗：我邊有喎！）
導師甲 ：好啦好啦！大家快o的坐好啦......好歡迎大家又番o黎中心度開組......
我上次就叫大家準備一樣自己認為最心愛o既物件帶番o黎開組o既......
我都見到有好多學員都有準備到o勒......唔知有邊位想試o下做第一個
咁呢？......
[原本好多學員都傾緊偈，突然間全部靜晒你眼望我眼......]
導師甲 ：......其實做義工o既先要條件就係要肯主動付出同犧牲，我o地要付出
好多精神體力，要犧牲好多自己o既私人時間，主動咁去幫助有需要
o既人......似乎今日大家都做唔到呢點喎！......
男學員乙：不如就由上次講最 "啦士" o個個出o黎先啦！（我都冇得罪你，點解要
咁樣對我喎！）
導師甲 ：......咁即係阿君o羅喎，咁都好o家，阿君都好少出聲...咁阿君，請問妳
今日帶o左o的乜o野o黎呀？
我 ：啞！...我今日帶o左...我最鐘意o既..."F4"......（從膠袋中取出o左一本自
制"F4"畫冊）
女學員甲：嘩！好犀利呀！...全部都係妳自己整o架？
我 ：我家姐早排入o左醫院，佢儲埋o左好多 "F4" o既剪報...我本來整o黎想
[乙水]佢開心，點知......）
女學員乙：嘩！妳咁得閒o既？妳唔洗番工o家？
我 ：番工......
（其實自從離開o左校園之後，我期待o既除o左係一段蕩氣迴腸o既
愛情之外，更加期望可以搵到一份穩穩定定的工作去做，咁可算係
對媽媽有一點交代......但係果時o的人成日都講乜o野"泡沬爆破"，又
話乜o野"金融風暴"咁，我都唔係幾知道佢o地講乜...我越o黎越冇心機
去搵，日日淨係識匿o係屋企，但係有一日我無意中o係媽媽執番o黎
o的報紙入面發現o左一個招聘廣告，o係某大機構招請暑期工做臨時
辦工室助理......見到媽媽佢正好辛苦咁將o的報紙扎好再抬上手推車......
我覺得真正可以幫到媽媽o既唔單只係幫佢抬o的報紙上車咁簡單，
而係俾佢可以真真正正咁睇到佢o個兩個女已經長大成人，可以自力
更生，雖然只不過係一份暑期工唔係長工，咪當吸取一下經驗o羅......
結果，我將呢段招聘廣告撕o左落o黎，準備到時去應徵．）......
（有一日，家姐佢突然跑番番o黎屋企，喊住口咁同我講，話 Owen
仔唔要佢o羅喎......其實o個 Owen 仔o係以前理科班出o左名花弗，
但係家姐都仲對佢死纏爛打，終於今日 Owen 仔拖住第二個女仔同
家姐講，叫佢以後都唔好再o黎煩住佢......搞到家姐幾日都好唔開心！
終於都到o左應徵之前一日，我加緊為面試做好綵排，而家姐仍然係
終日茶飯不思，對於我呢個對戀愛有渴求但冇實踐過o既人o黎講，真
係都唔知點樣可以幫到家姐，後來諗o下，既然有個咁好o既機會咯，
不如就叫埋家姐又去埋試試都好呀......結果佢靜o左一靜，諗o左一陣
就答應o左我一齊去，並且唔再諗以前唔開心o的事......不過佢仲問我：
o個度係咪有好多靚仔o架？）
（因為怕會人多，第二朝好早就起身去啦！話真係好似去返校咁真係
冇講錯，因為我o地平時好少出街，衣櫃入面除了Ｔ恤，牛仔褲之外
連一套比較思文o的o既出街衫都冇，結果我o地就只好著番以前又思
文又大方又齊整o既o個套......去面試......。果日o既天氣唔係太好落好
大雨，但果然不出我所料，大批應徵者一早就已經冒雨在面試埸地外
排緊隊，我同家姐就兩個人撐住一把遮，跟住條人龍排，冇幾耐公司
就開始分批放人入內，我同家姐都將帶o黎o既學歷同身份證明交俾在
埸職員影印，取回文件之後，所有應徵者就被安排去到一個只有約班
房咁大o既房仔?面等候面試，好多人都將個目光放o左o係我同家姐
o既身上，可能係我o地係一對孖女著埋同一樣o既衫，o的人覺得得意
o卦？弊！我o地唔記得抆番果校章落o黎添......）
（可能係頭先被雨搥過，跟住入o左o黎間房度又多人又焗，好多人都
開始表現得唔耐煩同唔舒服，我同家姐亦都唔例外，我首先第一個唔
妥想嘔，要即刻走去廁所，原來就o係呢個時候......【係家姐後來話番
俾我知】......公司都覺得面試安排欠妥善，就叫o左個職員推o左部蒸餾
水機出o黎逐一向在埸o既應徵者斟一杯水，但係呢位頗為論盡o既職員，
o係斟水俾家姐o個陣時，一唔小心，成杯水就咁倒o左落去家姐個心口
度，o的水仲整到條校服裙透現晒添......呢位職員即刻猛咁對家姐講對
唔住，又除o左自己o既西裝外套幫家姐遮住......
呢位職員：唔好意思呀！妳叫咩名呀？
欣 ：我.....蔡卓欣......
呢位職員：咁我幫妳安排下啦，下一個會到妳......（講完之後就入o左經理接見室）
欣 ：唔該......（有一個單戀新對象似乎在形成當中）
我 ：嘩！廁所好多人呀家姐......我嘔完冇晒事啦......輪到妳去廁所啦家姐！
欣 ：係呀！我都好鬼急呀......（之後佢就除低o左件外套，一枝箭咁跑去廁所度）
可能係公司將o的冷氣都開大o左，我忽然又覺得好凍喎，咪拎起件外套摟住先o羅。
呢位職員 ：下一位係...... 蔡卓欣小姐......susu，喂喂輪到妳啦！
我 ：......我？！......唔係呀！我唔係呀！
呢位職員 ：唔怕o既，冇人知ｏ架......
o個個經理：搞咩咁耐仲未有下一個o架......（老闆發怒）
呢位職員 ：係咪呢......好！有請下一位，蔡卓欣小姐......（好似香港小姐咁）
o個個經理：(呆晒) 好......好好......好好好似香港小姐咁靚呀！......
呢個應該係經理o既人，一見度我就即刻好殷勤咁行埋o黎扶我坐低，
又問我點解著校服o黎，又叫我起身轉身俾佢睇，仲問我好多私人
o既問題，我以為呢o的係一定要，所以我都照做，但係後來 "呢位職
員" 用眼神o黎提醒o左我，叫我唔好再做，又同佢老闆講：" 出面仲
有好多人等緊 "，咁佢先至肯收儉起o黎。）
我 ：......頭先唔該晒妳呀！如果唔係......
呢位職員 ：唔洗客氣......妳可以出番去o架啦！......
o個個經理：......仲有冇幾多個呀？仲有冇女仔呀？......
呢位職員 ：下一個係張志強，跟住係林家豪......仲有蔡卓君？......咦！呢個名
咁熟o家?
（面試過程都總算順利，經理亦都好似好鐘意我咁，但係可惜呢次面
試並唔係屬於我......我一行出接見室，見到家姐正同緊其他男應徵者
傾緊偈，佢見到我就想行過o黎......我怕佢一行過o黎，萬一俾 "呢位職
員" 識穿o左我頭先係頂替家姐入去面試，唔單只要取消o左我個應徵
資格，就連家姐o個個都可能會冇埋......所以我即刻走上去截住佢，同
佢講："唔！呢間公司個老闆好鬼死咸濕o架！我o地唔好見啦，走啦！"
講完之後我o地就急急腳咁想離開面試埸地，但當我o地等緊[車立]o個
陣，"呢位職員" 係咁走過o黎仲叫住家姐個名......
呢位職員：蔡卓欣，蔡卓欣......
欣 ：佢好似嗌緊我個名喎？......
我 ：唔係呀！唔係呀！...... （好彩咁o岩有[車立]，我叫家姐落去樓下等，
但係都好驚，唔通真係俾佢識穿o左？）
呢位職員：蔡......蔡卓欣......（喘氣）
我 ：做咩呀？......
呢位職員：妳......妳......唔記得拎番把遮呀！
我 ：......係喎！唔該晒你......咦！有〔車立〕啦！我走先啦！拜拜！
〔入 ｏ左 車立 〕
呢位職員：蔡卓欣......唔好走住呀！（用雙手欄住度 [車立] 門）
我 ：咩......咩o野事呀？
呢位職員：......唔好意思呀...我件衫呀...制服o黎o架...係公司o架...
我 ：（即刻面都紅晒好尷尬）... 對唔住呀！我除番俾你啦！（交番件衫俾佢
o個陣我o地隻手仲輕輕咁接觸到）
呢位職員：（即刻面都紅晒好尷尬）...希妳可以 pass 啦！......拜拜！
我：拜拜！（又一個單戀新對象似乎亦在形成當中）
呢次之後，我開始有一份好奇妙o既感覺......好難去形容......幾日之後
公司就寄番封招請通知信番o黎，可惜o個封信係寄俾家姐o既......）
（家姐有得番工之後，成個人都唔同晒、開心晒，原來佢仲咁o岩可以
跟住 "呢位職員" 學o野添，日日番o黎仲同我講番同 "呢位職員" 點樣點
樣......不過o個個經理就真係好過份，原來佢成日都對家姐摸手摸腳，
都好彩有 "呢位職員" 去幫佢解圍咋 ...... 咁我咪教家姐扮同 "呢位職員"
拍住拖先o羅......但係後來o個個經理仲想亂咁o黎添......搞到家姐做o左幾
個禮拜就話想辭職唔做，本來佢要辭職都係佢自己o既個人決定，之不
過如果家姐佢真係唔做，咁豈不是我以後都冇機會再去領略呢種“好奇
妙o既感覺”o羅？於是我就教家姐直情同 "呢位職員" 結婚啦！... 結果
"呢位職員" 終於都成為o左...我o既姐夫...）
（我好憎 "呢位職員"，係佢令到我想要o既o野：一段蕩氣迴腸o既愛情
同一份穩穩定定的工作都冇o左......o係家姐要籌備婚禮o個陣時......我o地
再一次見面......（欣：呢個係我個孖生妹妹叫蔡卓君）......我好想話俾佢
知o個日o個個係阿君唔係阿欣啊！......但係我又唔可以咁自私去破壞家
姐o既幸福......
呢位職員：我願意！
欣 ：我願意！
我 ：（自己細細聲咁講）我都願意！......哼！憎妳呀！死笨蛋......如果唔係
妳咁唔小心咁蠢咁大慒......我......我......嗚嗚嗚！......）
導師甲 ：阿君......阿君......妳冇事呀嘛？做乜無端端會喊o架？
男學員甲：係o羅係o羅！成個呆晒，今次仲耐過上次添呀......
我 ：嗚嗚嗚！......唔好意思呀！我要出一出去先啦！...嗚嗚！
（即刻出門口跑去洗手間度）
導師乙 ：咦！阿君！原來妳今日番o左o黎呀！咁o岩啦！輝仔個阿媽o黎o左呀......
我 ：輝仔？！......
