番去煮飯，我咁做都係想媽媽盡量唔洗落街，同o的商販，街坊
有接觸，怕佢又同o的人講價嗌交，咁會影響佢o既情緒，事實上，
自從媽媽滿懷安慰咁睇住家姐可以嫁得出之後，就漸漸擔心如果
當我都嫁走埋o既時候，自己會冇人理，所以就成日想盡辦法綁住
我o係屋企，試過一次只不過係中心o既阿 Sir 打電話o黎通知我改
o左集合地點同時間，佢就好緊張咁問我同人識o左幾耐呀？佢係
咪好有錢o架？咁......後來媽媽仲離普到去義工中心度叫o的人唔好
打佢個女o既主意......好彩中心o既導師同職員們都一早知道媽媽
o既精神唔多好，一時控制唔到情緒......仲叫我要好好咁照顧住媽
媽添！......其實唔洗講我都會孝順媽媽聽媽媽話......不過......有陣時
我都會好羡慕o的女仔可以俾個男仔拖住一齊行超級市場o架！......
[百佳超級廣場]
男顧客 ： Baby 呀 Baby......，今晚不如食雞o羅......要呢隻呀唔該！......
女顧客 ： o依！Honey 呀 Honey...唔好啦！...o的雞皮好肥o架...o拿！
同你講呀o下，第二時你變o左個大肥佬o既話呢......我唔要
你o架！......
我 ：（突然好大聲）......我要呀！......（o的人望住晒我）
男顧客 ：咁不如過去o個邊買魚食o羅......（即刻拖住佢個 "Baby" 走，仲望望
下我）
百佳職員：小姐...小姐......妳想要o的乜o野呀？
我 ：......我要佢呀............呢隻雞......（今晚係家姐出o左院之
後第一次番o黎屋企食飯，媽媽千叮萬囑，叫我唔洗買
其它 [食送] 等佢自己買番，淨係要幫佢買隻雞番o黎就
得啦（因為家姐鍾意食白斬雞）......佢仲叫我千祈唔好
去街市度買......話人o地會呃秤喎！......）............
（都係怪家姐未諗清楚，再加上我o既慫恿之下，就獊猝咁閃電結
婚，一向爛玩o既家姐，漸漸覺得呢舊木頭俾唔度想要o既佢，開始
有所微言，最弊o既係呢舊木頭仲未對老婆o既不滿作出半點避忌，
仲繼續週街四圍咁望，初時家姐仲以為佢係睇其他女仔......原來佢只
不過係望緊那部最新型號的冷氣巴士......上網o個陣又鬼鬼祟祟咁，
家姐又以為佢o係度瀏灠緊o的色情網頁......原來都係o係一個叫做
"香港巴士討論區" 度同其他板友聊天，家姐越o黎越唔開心，一有機
會就猛咁向我訴苦......
家姐：呢舊木頭o黎o架，對住我就"浙"都唔笑......一見度架佢鍾意o既巴士
經過o個時就成個開心晒......拖到我實一實.....但係當架巴士走o左
o既時候，佢又回復本來面目......點解對住部電腦同o的素未謀面o既
人傾偈都可以傾到笑晒口......相反對住我o個陣講o既o野一日十句都
唔夠之後仲要喊咁口......
久而久之，搞到家姐o既脾氣越o黎越暴燥，野蠻又任性，對 "木頭"
o既態度就越o黎越冷漠......其後呢舊木頭唔知係唔係想特登激嬲家姐，
定真係俾佢o地o既美色吸引住......竟然o係我，家姐同媽媽面前，公然
咁暗示自己好鍾意 Twins， 更加激到家姐欲哭無淚 ......最後仲一怒之
下離家出走，番番o黎我o地度住添，相比起上次 Owen 仔飛佢，家姐
呢次仲更加淒涼，成日鎖埋自己o係房度又唔食飯，由朝喊到黑......
我同媽媽想盡好多方法又"蟻"又鬧都冇乜作用......畢竟我o地o係戀愛路
上同樣都係失敗者 / 受害者......）
（有一日，當我正在如常如痴如醉咁追看 "流星花園" o既時候，都冇
為意到家姐都坐o左o係我隔離，佢目不轉睛咁好留心咁睇，我都唔敢
去搔擾佢，直到要換另一隻碟o既時候，佢先突然醒過o黎仲同我講......
家姐：好好睇呀！......o個個男仔好型仔呀！（o黎o左住幾日先第一次開聲）
我 ：道明寺......係呀係呀！...F4成員之人......叫暴龍...
家姐：......o下！......乜又係叫阿龍呀！...（忽然又想喊）
我 ：啞！啞！......佢全名叫言承旭......英文名叫 Jerry......暴龍只不過
係佢o既花名o黎o架o者......呢個暴龍好過型過妳o個個 "木頭"
阿龍九千幾萬倍啦！......
家姐：咁又係......咦！o個個女仔好慘呀......又好似我o地咁成日喊喎......
我 ：杉菜......佢好堅強o架......（之後我仲講o左好多有關 "流星花園"
同 "F4" o的o野家姐知，佢越聽就越有興趣）
家姐：可唔可以......由第一集睇過呀？......
我：o下！？......（不過難得家姐佢可以開心番o的就由得佢啦！......）
（真係唔知道係道明寺佢型仔吸引到家姐會咁著迷，定係被杉菜對
愛情o個份不屈不朽o既信念感染o左呢？......初時我都想家姐可以學
杉菜咁可以堅強o的振作o的，咪陪佢又第一集開始不斷咁睇，後來
發覺佢開始有o的唔妥，佢成日都唔出街，不分晝夜咁睇，總之雙眼
唔肯離開部電視機o既螢光幕，什至去廁所都唔肯閂門，食飯仲差o的
要我餵添......我叫佢睏佢又唔肯，自己睇到半夜三更覺得[支力]，連電
視都冇熄就o係廳度睏......睏醒又再睇......家姐真係唔好彩......一日都係
我唔好啦，佢都已經病病地......我仲俾佢睏廳喎......結果搞到佢發燒病
o左，仲入埋醫院添......）
百佳收銀員：小姐......小姐......妳冇事呀嘛？妳o係度企o左好耐o架啦！......
多謝妳四十四個八呀！
我 ：......哦！......唔好意思下......
女顧客 ：（好嬲）Honey呀Honey ......唔制啊！條魚呀本來仲識得扎扎跳
o架 ！......
我 ：對唔住呀......唔好意思呀！......
我抱住依依不捨o既心情，慢慢咁行番屋企......因為我同佢o既一切今晚可能終
於要寫上一個句號了......家姐佢鍾意食雞......其實...我都好鍾意o架！......）
(待續)
(24-06-2002)
