佢好快會過o黎o架啦！
我 ：Auntie......
中心職員：妳o地慢慢傾呀！我出番去先啦！
家家母親：好呀，唔該晒！......
我 ：......咁遠都過o黎o既？......唔係家家佢有o的乜野事呀嘛？
......
家家 ：君君姐姐......
我 ：家家......乜你都o黎o左呀！......好耐冇見啦！你點呀！......
家家母親：家家，你過番去o個邊玩先啦，我同姐姐有o的事要傾 ......
家家 ：哦！......
家家母親：唔經唔覺，過埋今年o既生日，家家都有十二歲啦......阿君，
上次o係電話度同妳講o個件事......妳考慮成點呀？......佢個
病真係唔可以再拖o架啦！我想快o的帶佢過去o個邊醫......
我 ：家家佢真係慘......
家家母親：我o個邊有朋友有屋有車，衣食住行應該冇問題......妳o既旅
費我o地會負責......我o地仲可以幫妳搞簽證......只要妳肯應
承
我o地，乜都可以盡量安排......嗚嗚......我淨係想家家可以
好
似佢個細佬咁......有個人陪住佢......等佢可以開開心心咁樣
......
嗚嗚嗚嗚！.....
我 ：Auntie ...... 妳唔好咁啦！...... 家家佢一定會冇事o架！......
（真係搞都我到想喊埋一份呀！）......
（Auntie朱原本有兩個仔仔，可惜細仔 "輝仔" 早幾年不幸患上
癌病......自從家姐佢結o左婚搬開o左住之後，成個世界都好似唔
同晒，我連唯一可以傾心事o既對象都冇埋，成日匿埋o係屋企
又冇信心再去搵工，怕又再傷心 ...失望多一次，媽媽又唔明白
我o既苦衷，見度家姐咁快可以嫁得出就錫晒佢，仲成日話我冇
用......其實o係最低落o既時候，我都曾經有好消極咁諗過想 ......
但後來偶然間o係一個舊同學聚會當中，接觸到一o的有關做義
工o既資料，覺得都幾有興趣，就跟o左佢o地一齊加入做義工o既
行列 ...... 而 Auntie朱係我第一個處理o既個案中度認識o既，我第
一次見輝仔係o係醫院，佢冇頭髮光禿禿咁真係幾可愛，但係再
望下佢，小小o既身軀就要插上o左好多喉管，又不禁令我個心寒
起上o黎 ...... 由於輝仔o既父母成日都要離港公幹，我o既責任就
係要多o的o黎醫院度探望佢，等佢唔洗覺得咁寂寞，後來醫生仲
批准我可以帶佢出去外面玩添，我仲以為係我o既功勞令到輝仔
有好轉，但原來情況o岩o岩相反，有一日，我拎埋輝仔想要好耐
o既玩具去探佢o既時候，亦都係我最後一次去醫院探佢，雖然同
輝仔相處只係短短o既三個幾月，但係我o地已經建立了好深厚o既
感情， Auntie 同 Uncle 對我亦都好感激 ...... 輝仔臨離開之前仲緊
握住我隻手猛咁叫住：姐姐 ...姐姐 ...，慢慢我感覺到小手o既力開
始柔弱 ......）
（我好慶幸能夠認識到輝仔，如果要 感激我 陪住輝仔渡過佢生命
o既最後一刻，相反應該係我 多謝佢 令到我o既人生從新開始先o岩......
見到佢細細個都識得咁積極去面對逆境，令到我終於反醒過o黎，
唔單只以後都唔再想做o的消極行為 ...... 仲好熱衷於義工服務，不
過都唔敢再做一o的探訪病人o既個案，由於自己都係o係單親家庭
之中長大，所以我就透過區內o既義工中心，義務幫助一o的有同樣
需要o既區內居民，一做就做到宜家啦！......）
（雖然，輝仔的確令到我o既人生觀積極o左，但始終都改變積唔到
我孤癖o既性格，有乜o野事都收收埋埋唔出聲 ...... 可能係我過份投
入去義務工作，太鍾意幫人 ...... 就連本來我好憎佢o既人我都會幫，
仲越幫越投入添 ...... 我每次諗番起 "呢位職員" ，果種 "好奇妙o既
感覺" 就會再一次湧現，唔知佢有冇呢？......）
家家 ：君君姐姐......君君姐姐......
我 ：......哦！家家......（醒番）
家家母親：阿君，妳諗o左好耐啦！......係咪已經有o左決定啦？
我 ：啞！......啞！......
家家母親：唔緊要啦！我都知一時間要妳下個咁重要o既決定係難o的......
係咪唔放心唔舍得妳家姐同媽媽呢？......好啦！妳番去同佢o地
商量一下......
我 ：......都唔關佢o地事o既......係因為......我......
家家母親：......哦！係男朋友？......哈哈！叻女喎......終於願望成真啦！......
我 ：......係呀係呀！......（好尷尬咁答）
家家母親：Anyway，妳都俾個回覆我啦！......都唔早啦，我o地要走啦！......
家家，同姐姐 say Good-bye 啦！
家家 ：君君姐姐拜拜......下次o黎屋企陪我玩呀！......
我 ：......好哇！......（家家，你要堅強o的呀！）
(16-06-2002)
